Mwanzo 21:17 - Hapari Zooshapweya

¹⁷ Nluku khusiila theenya huula ya mwaana otule eettaka olila. Nlayikha la Nluku khukhuwa pinkuuni linkhuwelaka Hajira, khumuuza yoori: “Wakafilikhela ni Hajira? Ohoove, Nluku asiila huula yawe mwaana oto alilaka vahali ariivo.

Mwanzo 21:17 Mawu Ofanana

Mwanzo 15:1

Paata ya vitthu epile, Nnyizinku anttakhulaniye Eburamu nkatthi wa jozi amuuzaka yoori: “Eburamu ohoove! Miiyo ki namwaakisa awo, na phakari yawo enteela wiiya khuluyeene.”

Mwanzo 16:11

Khumuuza theenya nlayikha la Mbwana yoori: “Weemittha onteela ompattha mwaana ontthaje nzina la Esumayila, mwaasa yoori Nnyizinku oona ohoowa wawo.

Mwanzo 16:7

Nlayikha la Nnyizinku khunsikana Hajira n'yaara eemeliye kharipu na naattuuttu wa maati aattameliyeeyo tarikhi ya Shuuri.

Mwanzo 16:8

Nlayikha ntthile khumuuzela liraka: “Weeyo Hajira njaazi wa Suhuriiya! Onlankha vayi wala ontta vayi?” Ye khujipu: “Kinintthira nhano aka Suhuriiya.”

Mwanzo 16:9

Nlayikha la Nnyizinku khumuuza yoori: “Orutele wa nhano awo na wanshututele.”

Mwanzo 22:11

Ila nlayikha la Nnyizinku khukhuwa pinkuuni liraka: “Eburahiima! Eburahiima!” Ye khujipu: “Lapeekha!”

Mwanzo 24:7

Nnyizinku, Nluku wa pinkuuni akilaza vaje wa apapazaku nti wa ajamaazaku khukaahiti na olapha araka: ‘Nti opu kinttela winkha ojama awo.’ Ye ontta operekha nlayikha lawe yoori luulokoze, omweettele muukha yoori ate araliwe ti mwanaka Esiyaakha.

Mwanzo 26:24

Nnyizinku khunteela osikhu khumuuza yoori: “Miiyo ki Nluku wa papaawo Eburahiima. Ohoove, kiri vamote na weeyo. Kintta wuuparikhiya kaattise ojama awo mwaasa wa papaawo karumeya aka.”

Mwanzo 46:3

Ye khuri: “Miiyo ki Nluku, Nluku wa papaawo. Ohoove olawa tuniya ya Misuri, maana khwa weeyo kinttela opuwisa khapila khuluyeene.

Olaawo 14:13

Munsa khuwaajipu atthu apale yoori: “Mwihoove, mwiiye wookhomaala na moone otaphuliwa Nnyizinku anttelaaye wuutiselani leelo. Maana khamwinttela owoona theenya amisuri apa mwiniwoonaaye leelo.

Olaawo 3:2

Attaapho khumpuwelela nlayikha la Nnyizinku va nlimi la moottho waari olankhaaye vakatthi wa muutthi. Munsa khweekesa khoona yoori moottho weetta okholela ila muutthi opule khawaari olukula.

Olaawo 3:7

Nnyizinku khulupa yoori: “Khweele kinoona nanna anhukhumwiwaazo atthu aka Misuri na kasiila nkhuwo aya mwaasa wa khaazi ankholisiwaazo pi anamalokozela a Firawuuna na kinjuwa yoori antta ohoowa.

Matewuzhu 15:32

Yinsa khuwaakhuwela anakhiyoni awe na khuwooza yoori: “Kinaaye tthakaraka na atthu apa; zavira siikhu ttatthu ari vamote na miiyo na khana hatha etthu yoojiwa. Akintakha owaalikha olawa na jala zaya, maana kinoona yoori antta ozileya ntarikhi.”

Maaruku 5:36

Yinsa khumuuza namalokozela wa nsinakooka mphule yoori: “Ohoove, okhupali paasi.”