Mwanzo 2:17 - Hapari Zooshapweya

¹⁷ Ila muutthi opo woojuwisa yooshapweya na yootakhala ohije; siikhu onttelaaye oja satakithu ontta ofwa.”

Mwanzo 2:17 Mawu Ofanana

Mwanzo 2:9

Nnyizinku Nluku khootthisa miitthi za wakhula nanna, zooshapweya woona na zootuva oja mishumo zaya. Vakatthi wa woorotha khuzalavo muutthi woohaayi, na muutthi onjuwisaaye yooshapweya na yootakhala.

Mwanzo 20:7

Nasaapi, onrutisele mannawe muukha oto. Ye napiyu, ontta wuulompela yoori ohifwe, ila amana ohinrutiseli kiniwuuza khweele yoori ontta ofwa weeyo na zooshi epi ziiyiye zawo.”

Mwanzo 3:11

Nnyizinku Nluku khumuuzela theenya yoori: “Wooziwa paani yoori ori waazu? Nshumo wa muutthi opule kookhattaziyeeyo yoori ohije weetta oja?”

Mwanzo 3:17

Ye khumuuza Pinaatamu yoori: “Wiiya wansiileza muukhaawo khuja nshumo wa muutthi opu kookhattaziyeeyo, yalaanikha tuniya yooshi mwaasa wa weeyo, nka okholaka khaazi yoolipa yoori opatthe etthu yoojiwa ohaayi awo wooshi.

Mwanzo 3:19

Okholaka khaazi yoovujuwela yoori opatthe etthu yoojiwa yawo mansha awo ooshi. Maana weeyo wompaniwa ottophe, noofwa mpakha orutele vottophe.”

Arooma 1:32

Eeyaru pure oojuwa oruma wa shariya wa Nluku, yoori atthu anrettaaye vitthu nkhama epo ansuhi ofwa, khahiyo orettaru paasi, ila theenya aniwaattottopela apale anrettaaye.

Arooma 6:16

Khamwinjuwa yoori, amana ntthu ajinkha mmakhono wa ntthu yoori asala anshututela nkhama mwiitthwaana, oniiya mwiitthwaana wa othuuto aninshututelaaye: mwiitthwaana wa twampi enuulaaye, ama oshututi onimwettanaaye nshariya?

Arooma 6:23

Maana phakari ya twampi ofwa, ila tthuvo ya rehema ya Nluku ohaayi wa mileele khwa Yinsa Al-Masiihu, Mbwana eetthu.

Arooma 8:2

Maana vakatthi wa Yinsa Al-Masiihu, kano ya rooho ya ohaayi yakitaphula khwa kano ya twampi na ofwa.

1 Akorintiyu 15:22

Khwa nanna etthiipo fooshi nafwa khwa Adamu, etthiipo theenya khwa Al-Masiihu fooshi ninteela osisimuliwa.

1 Akorintiyu 15:56

Owahi wa ofwa twampi, na eninkhaaye kuvu twampi kano.

Akaalata 3:10

Maana ooshi apale antakhaaye ohakikhiwa khwa khaazi za kano apo ari nkatthi Woolanikha; maana yaatikhiwa yoori: “Alaanikha wooshi otule ahinlottiselaaye vitthu zooshi epile zaatikhiweeyo nkithaapu ya kano khusala alottela.”

Ayeefezu 5:14

Maana nuuru ti emmwasikhelaaye vitthu zooshi. Tiito nttakhuzi la Nluku linlupaaye yoori: “Olankhe oo weeyo onlalaaye, osisimuwe vakatthi wa atthu ofwa, Al-Masiihu ontta wuumwasikhela.”

Akoloosu 2:13

Wakathi mweeyo mwafwiyeevo khwa twampi zenu na muuhikhiriyi wa mwiili enu, Nluku awinkhani ohaayi mpheya vamote na Al-Masiihu. Ye aniswaamihi koosa zeetthu zooshi,

1 Timootiyu 5:6

Ila otule anjitupweezaaye nkatthi wa tuvela za olumwenku, hatha nkhama ori haayi oniiya woofwa.

Tiyaaku 1:15

Aphano tuvela, amana ettheera, entothola twampi, na twampi amana ekhomaala enuula.

1 Yaahaya 5:16

Nkhama ntthu amoona ttwiiye eettaka oretta twampi ehinimweettanaaye muufwa, ona yonvekela Nluku, ye ontta omwinkha ohaayi. Kininlupa otule twampi ehinimweettanaaye muufwa. Ila ewaapho twampi entanaaye ofwa, miiyo akiwuuzeenini yoori mwilompele twampi ya eto.

Othoonyeziwa 2:11

Otule ariina mashiilo ti asiile etile Rooho Ttakatthiifu elupiyeeyo khwa ojama wa Nluku. Otule anshinttaaye khanteela ohoochiwa ti ofwa wa phiiri.”

Othoonyeziwa 20:14

Aphano ofwa na Ahera khweeseleliwa va ntthatta la moottho. Ntthatta la moottho pi ofwa wa phiiri.

Othoonyeziwa 20:6

Ooparikhiyiwa na attakatthiifu pi apale ariina phantte ya osisimuwa wa mwanzo! Ofwa wa phiiri khuna owahi khwa yo; anttela wiiya anamalokozela a tiini ya Nluku na a Al-Masiihu, anttela olokozela vamote na ye khwa nyaakha alufu.

Othoonyeziwa 21:8

Ila ananhiminyali, oohaamini, makookaani, anamahusuti, anakaapa twayifu, ashawi, anamwaaputu sanamu na anamahata ooshi puuro yaya enttela wiiya ontthatta la moottho onkholelanaaye oka. Opu pi ofwa wa phiiri.”