Mwanzo 2:16 - Hapari Zooshapweya

¹⁶ Nnyizinku Nluku khunruma pinaatamu otule yoori: “Miitthi epi ziriiye nwoorotha mphu oje mishumo zaya woohiina hatha shaakha.

Mwanzo 2:16 Mawu Ofanana

Mwanzo 1:29

Nluku khulupa theenya araka: “Yoori mweeyo mwiiyane etthu yoojiwa, kiniwinkhani nyaani zooshi za ntuniya zinimaaye peewu, miitthi zooshi zinimaaye mishumo na phunje zaya.

Mwanzo 2:15

Nnyizinku Nluku khunthuula pinaatamu otule khunttha nwoorotha wa Eeteni yoori asala alimela na wiinanela.

Mwanzo 2:9

Nnyizinku Nluku khootthisa miitthi za wakhula nanna, zooshapweya woona na zootuva oja mishumo zaya. Vakatthi wa woorotha khuzalavo muutthi woohaayi, na muutthi onjuwisaaye yooshapweya na yootakhala.

Mwanzo 3:3

ila Nluku anuuza yoori: ‘Nshumo wa muutthi oriiye vakatthi wa woorotha mwihije wala mwihisape. Mwijaru mwintta ofwa.’ ”

1 Timootiyu 4:4

Weekhweele, epile Nluku ompiyeeyo pi zooshapweya zooshi, ehiiyevo hatha moote enthanyiwaaye amana yiiya yoopokhereliwa wonshukhurwelavo Nluku.

1 Timootiyu 6:17

Monkoni wa mathaajiri voolumwenku apha, owaahirimize yoori ahisala ajinkhelela, wala thwaama zaya ahitthe nkatthi wa maali epile zoohilipaneyi; ila thwaama zaya atthe wa Nluku, Ye oninkha wa waattavo vitthu zooshi yoori nisala nijirela.