Mwanzo 17:7 - Hapari Zooshapweya

⁷ Wahati opu kinrettaaye khwa weeyo na ojama awo, onttela wiiya wa mileele. Miiyo ki Nluku awo na wa ojama awo.

Mwanzo 17:7 Mawu Ofanana

Mwanzo 15:18

Siikhu ethiitile, Nnyizinku khuretta wahati na Eburamu, khumuuza yoori: “Tuniya eti kinteela winkha ojama awo, waaza muuttho wa Misuri mpakha muuttho nwulu oniitthiwaaye Efwarati,

Mwanzo 17:13

Hatha nkhama pi apa oovokoliwa vaje vawo mpakha apa a wuuzanyiwa ana yookhiriyisiwa. Alama eti yookhiriya vamwiili venu, enthoonyeza wahati aka na mweeyo khwa mileele.

Mwanzo 17:19

Ila Nluku khunjipu: “Miiyo kiniwuuza khweele yoori, muukhaawo Suhura onteela ompattha mwaana, ontthaje nzina la Esiyaakha. Kinteela oshuka wahati aka na ye, na ojama awe ontaaye khwa mileele.

Mwanzo 26:24

Nnyizinku khunteela osikhu khumuuza yoori: “Miiyo ki Nluku wa papaawo Eburahiima. Ohoove, kiri vamote na weeyo. Kintta wuuparikhiya kaattise ojama awo mwaasa wa papaawo karumeya aka.”

Mwanzo 28:13

Nnyizinku aari vatulu wa shikatta na khumuuza araka: “Miiyo ki Nnyizinku, Nluku wa papaawo Eburahiima na wa Esiyaakha. Nti opo orapaleliyeeyo kinteela owinkha weeyo na ojama awo wooshi.

Mwanzo 6:18

Ila wahati aka kinretta na weeyo, onttela weetta mmwaaraka, weeyo, muukhaawo, aanaawo na aakha aya.

Mwanzo 9:16

Nkhankanyama onttela wiiya mmawiku, miiyo amana koona keettaka ofikhiri wahati opule kirettiyeeyo wa mileele miiyo na zumpe zooshi zoohaayi ziriiye va tuniya.”

Olaawo 3:15

Nluku khulupa theenya amuuzaka Munsa yoori: “Wawooze meezirayiilu yoori: ‘Nnyizinku, Nluku wa amarehemu apapazenu, Nluku wa Eburahiima, Nluku wa Esiyaakha na Nluku wa Yaakhumpa, akiruma vakatthi venu.’ Nttho ti nzina linsalaaye kuupuwelaniwaka ojama khwa ojama.

Olaawo 3:6

Khurutela olupa yoori: “Miiyo ki Nluku wa paapa awo, Nluku wa Eburahiima, Nluku wa Esiyaakha na Nluku wa Yaakhumpa.” Munsa khufinikha wuuso awe maana aari woova omweekesa.

Olaawo 6:4

Na theenya kaarettaniye wahati aka wa owenkha nti wa Kanaani, nti aari wiikhalaaye ari aletto.

Olaawo 6:7

Kinuurettani wiiya atthu aka na miiyo kiiye Nluku enu, aphano pi mwinttelaavo ojuwa yoori miiyo ki Nnyizinku, Nluku enu kuulaziyeenini vathi wa khaazi zoolipa mwenkhiweeyo pi amisuri.

Matewuzhu 22:32

‘Miiyo ki Nluku wa Eburahiima wa Esiyaakha na wa Yaakhumpa?’ Ye khahiyo Nluku wa ananfwa, ila wa atthu haayi.”

Maaruku 10:14

Yinsa paata ya woona vitthu epile, khuhintuveli na khuwooza yoori: “Mwiwaalikhe asimaana akiteele miiyo, wala mwihiwaakhattaze, maana ofwalume wa Nluku pu waya.

Khaazi 2:39

Ahiti yaya eto ti yenu, mweeyo mpakha aaneenu na atthu akina awoolepawo, khwa apale ooshi Mbwana eetthu Nluku awaakhuweliyeeyo.”

Arooma 9:4

eeyiyeeyo atthu a Ezirayiilu. Okaphuliwa wa wiiya aana pi waya; na siifwa za pinkuuni pi zaya, osiilana, winkhiwa kano, ya waaputu Nnyupa Woosifwiwamo na ahiti.

Ayeefezu 2:2

Etthiipo mwaazowereliyeezo, wakathi mwaari olottelaaye oruma wa olumwenku na owahi wa ofwalume wa rooho ya etulutulu yiiyiyeeyo sheethwani, rooho ethiito eniweettettisaaye apale aniikhalaaye muukhijili.

Meepereewu 11:16

Ila nasaapi eti, anwejela nti wa fwayita, nti aya opo pinkuuni. Tiito, Nluku khinimpattha haaya wiitthiwa yoori Nluku waya yo, na aattalela sitati yoori owaapwekherele.

Meepereewu 8:10

“Osiilana kinttelaaye oretta na atthu a Ezirayiilu, paata ya siikhu zaya epo pi opu,” Mbwana alupa, “Mwaakhili mwaya kinttela otthaamo kano zaka na kaatikhe nroho mwaya. Miiyo kintta wiiya Nluku aya na yo anttela wiiya atthu aka.