Mwanzo 17:16 - Hapari Zooshapweya

¹⁶ Kinteela omparikhiya na kimwinkhe mwaana wawo; khweele, miiyo kinimparikhiya na onteela wiiya maama wa khapila za waatta, afwalume anteela opuwa khwa ye.”

Mwanzo 17:16 Mawu Ofanana

Mwanzo 1:28

Nluku khuwaaparikhiya khuwooza yoori: “Mwivokolelane, mwaattelane mwiitaale voolumwenku! Mwiiyane oshintta va tuniya, swi za mpahari, anyannyi ootulu na nyama zooshi zineettettaaye vathi!”

Mwanzo 12:2

Kinteela wuuretta wiiya paapa wa ojama wa waatta, kinteela wuuparikhiya na onteela wiiya woojuwanikha, kinteela owaaparikhiya atthu akina mwaasa wa weeyo.

Mwanzo 15:4

Aphano Nnyizinku khunjipu: “Namarithi vitthu zawo khanttela wiiya oto, ila mwaana woovokoliwa ti weeyo ti anttelaaye orithi.”

Mwanzo 17:15

Nluku khumuuza Eburahiima theenya yoori: “Muukhaawo khanteela wiitthiwa theenya Suhuriiya, ila nka eetthiwaka Suhura.

Mwanzo 17:19

Ila Nluku khunjipu: “Miiyo kiniwuuza khweele yoori, muukhaawo Suhura onteela ompattha mwaana, ontthaje nzina la Esiyaakha. Kinteela oshuka wahati aka na ye, na ojama awe ontaaye khwa mileele.

Mwanzo 17:6

Kinteela waattisa channu ojama awo, khwa weeyo kinretta khapila za waatta, akinoko aya anteela wiiya afwalume.

Mwanzo 21:1

Paata ya toole, Nnyizinku khumparikhiya Suhura, khunrettela etile aamwaahitiyeeyo.

Mwanzo 24:60

Khuparikhiyiwa Rapekha na mattakhuzi apa: “Weeyo nlupweetthu wiiye maama wa ojama alufu alufu zene; Ojama awo opo oshintte sitati ya maatuwi aya.”

Mwanzo 25:23

Nnyizinku khunjipu yoori: “Mahimo mawiri pi ariiye mwiirukulu mwawo. Weeyo onttela ovokola khapila piiri zoohisiilani: moote enttela wiiya ya kuvu zayita eti kiina. Nttunkhulu onteela onrumeyela nsimaana.”

Mwanzo 35:11

Nluku khumuuza theenya araka: “Miiyo ki Nluku Nwahi zooshi, mwivokolelane na mwaattelane. Khwa ojama awo weeyo enteela opuwa khapila na khuntti ya khapila za waatta na anlawa apuwevo afwalume.

Mwanzo 36:31

Apa afwalume aariina yenzi nti wa Edomu ahineeyevo hatha mfwalume mmote wa mwiizirayiilu.

Arooma 9:9

Maana ahiti eti yaarettiwe toono: “Khwa wakathi khaamili kinruti opheya, na Suhura onteela ompattha mwaana.”

Akaalata 4:23

Mwaana wa njaazi aavokoliwe khwa shawuri zeenaatamu yoori alikanise ahiti ya Nluku, ila otu woohiiyi njaazi aavokoliwe khwa ahiti ya Nluku.

1 Pheeturu 3:6

nkhama Suhura aari onshututelaazo Eburahiima, khusala amwiittha yoori mbwanaaka. Mwinttela wiiya aana awe, amana mwirettaka zooshapweya woohoovi hatha etthu.