Meepereewu 8:3 - Hapari Zooshapweya

³ Wakhula haakhimu nwulu wa tiini athawuliwa yoori asala enkha zaakha na twaha mmakhono wa Nluku, tiito naye haakhimu nwulu wa tiini otu aari ohithajiya wiiyana etthu ya winkha.

Meepereewu 8:3 Mawu Ofanana

Yaahaya 6:51

Miiyo ki phaawu ya ohaayi yiishukhiyeeyo pinkuuni. Ntthu amana aja phaawu yaya eto, ontta wiiyana ohaayi wa mileele na phaawu kininkhaaye olumwenku yoori wiiyane ohaayi, mwiili aka.”

Arooma 4:25

Ye enkheleliwa ofwela twampi zeetthu na khusisimuwa yoori anihakikhi.

Arooma 5:6

Wekhweele, wakathi fweeyo nalelo naari woottettheya, Al-Masiihu awaafwela makaafiri.

Arooma 5:8

Ila Nluku onthoonyeza pheta yawe khwa fweeyo, Al-Masiihu anifwela fweeyo nalelo niri anatwampi.

Akaalata 2:20

Kakhomeliwa vamote na Al-Masiihu. Ohaayi opu kiriina nasaapi eti khayi waka, ila Al-Masiihu ti aniikhalaaye khwa miiyo; na ohaayi onikiikhazaaye nasaapi eti khwa mwiili aka kiniikhala khwa amini ya Mwaana wa Nluku, othuuto akiphetiyeeyo khujinkha mweenyeweene khwa zwaamu yaka miiyo.

Ayeefezu 5:2

na mwiikhale khwa pheta nkhama etthiipo Al-Masiihu aniphetiyeezo na khuleva ohaayi awe mwaasa wa fweeyo, khujiretta wiiya zaakha na twaha ya arufu ya ontuvela Nluku.

Tiitu 2:14

Ye ajinkha khwa zwaamu yeetthu fweeyo yoori anitaphule khwa vitthu zootakhala na anitwahareshe niiye atthu awe monkoni wa weettettisa mwentto wooshapweya.

Meepereewu 2:17

Khwa etthiipo yaari ohithajiya ye wiiya woolattanana attwiize khwa zooshi, yoori eeye haakhimu nwulu wa tiini wa tthakaraka na wa waamineya khwa khaazi ya Nluku, yoori aswamiheliwe twampi za atthu.

Meepereewu 3:1

Nakataalikha, attakatthiifu attwiizaku, mwiriiye nkatthi wa okhuweliwa ti Nluku wa pinkuuni, wuupuwela weenu mwitthe wa Yinsa, aswihaapa na haakhimu nwulu wa tiini ninintukhurwaaye.

Meepereewu 5:1

Wakhula haakhimu nwulu wa tiini onthawuliwa vakatthi wa atthu khwinkhiwa owaalokozela atthu khwa vitthu za Nluku na winkha zaakha na twaha za twampi.

Meepereewu 7:27

Ye khanihithajiya, wiiya nkhama mahaakhimu awulu a tiini akina, aninkhaaye wakhula siikhu twaha, yamwanzo khwa twampi zaya na nawiisha khwinkha khwa twampi za atthu; maana epo ye aretta khwa swaafu moote paasi ojinkha twaha ye mweenyewe.

Meepereewu 8:4

Eriwaka eettiye wiiya vathi attaapha hatha vattitthiiru khaari wiiya namalokozela wa tiini, maana awaapho vathi apha apale aari winkhelelaaye zaakha mmakhono wa Nluku nkhama enlupaazo kano.

Meepereewu 9:14

Nkhama epi pi toono, mwipheleleze aphano yoori yootepa owula theenya ti owahi wa taamu ya Al-Masiihu, khwa vakatthi wa Rooho ya mileele ye ajinkha mweenyeweene khwa Nluku nkhama twaha yoohiina hatha jaraha, ye atwaharesha akhili zeetthu mwaasa wa khaazi ennilokozaaye muufwa yoori ninrumeyele Nluku wa ohaayi.