Meepereewu 7:6 - Hapari Zooshapweya

⁶ Ila Melikizeteekhi aheeyiyeru pure wa ojama wa Leevi, ye aapokhereliye lifunku la khuumi aalaziyeeyo Eburahiima, ye khumparikhiya Eburahiima othuuto ahitiweeyo.

Meepereewu 7:6 Mawu Ofanana

Mwanzo 12:13

Amana wuuzeliwa olupe yoori nlupwaaka, ahikuule na akikhole saana mwaasa wa weeyo.”

Mwanzo 12:2

Kinteela wuuretta wiiya paapa wa ojama wa waatta, kinteela wuuparikhiya na onteela wiiya woojuwanikha, kinteela owaaparikhiya atthu akina mwaasa wa weeyo.

Khaazi 3:25

Mweeyo mwaanamarithi a manapiyu na wahati Nluku aarettaniyeeyo amarehemu apapazenu, ye aamuuziye Eburahiima yoori: ‘Khwa peewu yawo atthu ooshi a voolumwenku anttela wiiya ooparikhiyiwa.’

Arooma 4:13

Khahi mwaasa wa kano Eburahiima ama peewu yawe apattheliyeeyo wiiya namarithi olumwenku, ila maana ye ankhupaliye Nluku na aakhupaliwe ti ye.

Arooma 9:4

eeyiyeeyo atthu a Ezirayiilu. Okaphuliwa wa wiiya aana pi waya; na siifwa za pinkuuni pi zaya, osiilana, winkhiwa kano, ya waaputu Nnyupa Woosifwiwamo na ahiti.

Akaalata 3:16

Nkhama etthiipo amwahitiyeeyo Eburahiima na ojama awe. Nttakhuzi la Nluku khalilupeeni yoori “na ajamaaze” nkhama liniwaalupaaye atthu awaatta channu, ila “na ajamaaze”. Eto enthoonyeza yoori laari onlupa ntthu mmote, Al-Masiihu.

Meepereewu 11:13

Ooshi aya apo afwa ari nkatthi wa amini, ahina pokhere etile ahitiweeyo; yo nawoona ori peetiwene, ottuukhule khufurahela. Yo khutukhuru yoori khweele nalelo aletto na anamasaafiri mmuti mphule.

Meepereewu 11:17

Khwa amini, Eburahiima wakathi oototiweevo ti Nluku, anvahiye mwanawe Esiyaakha nkhama twaha; otule ampwekhereliyeeyo khwa ahiti, aasaleliye onretta twaha mwanawe mmote paasi,

Meepereewu 7:1

Melikizeteekhi oto aari mfwalume wa sitati ya Salemu na namalokozela wa tiini ya Nluku Nwulu wa Pinkuuni. Ye aakutthananiye Eburahiima wakathi aari orutaavo paata ya owaashintta afwalume. Melikizeteekhi khumparikhiya.

Meepereewu 7:7

Khayiivo hatha shaakha nsimaana oparikhiyiwa ti nttunkhulu.