Meepereewu 4:11 - Hapari Zooshapweya

¹¹ Nakataalikha, nijilipise nifiye muuvumula wa Nluku yoori ahiiyevo ntthu mmote anttelaaye okwa alottelaka nthoonyezo wookhijili.

Meepereewu 4:11 Mawu Ofanana

Matewuzhu 11:12

Waaza siikhu za Yaahaya Namoosa mpakha leelo, ofwalume wa pinkuuni ontta woojopholiwa, apo aya anjopholaaye anthuula.

Matewuzhu 7:13

“Mwivire nlako woophunyeya, maana nlako wootaphuwa ti tarikhi ya okhweya enuulokozaaye motthooni, na atthu enkeene anvira nlako otthuupo.

Luuka 13:24

Yinsa khunjipu araka: “Mwijilipise yoori mwivire vanlako woophunyeya, maana awaatta anlawa eekese ovira ila khanteela owahi.

Luuka 16:16

“Kano na manapiyu khazilikheleleeni mpakha wakathi wa Yaahaya. Waaza wakathi otthuupo hapari za Ofwalume wa Nluku zinvira zilaleyiwaka, wakhula ntthu onjilipisa yoori eettemo.

Yaahaya 6:27

Mwihikhole khaazi khwa etthu yoojiwa enharipweyaaye, ila khwa etthu yoojiwa eninkhaaye ohaayi wa mileele, ethiito Mwaana wa Pinaatamu aniwinkhaanini. Maana, Nluku Paapa, anttheliyeeyo alama yawe ya onhakikhi.”

Khaazi 26:19

“Khwa etthiipo mfwalume Akiriipa, miiyo akikhijileleeni othoonyeziwa wa pinkuuni.

Ayeefezu 2:2

Etthiipo mwaazowereliyeezo, wakathi mwaari olottelaaye oruma wa olumwenku na owahi wa ofwalume wa rooho ya etulutulu yiiyiyeeyo sheethwani, rooho ethiito eniweettettisaaye apale aniikhalaaye muukhijili.

Ayeefezu 5:6

Ahiiyevo hatha ntthu mmote antakhaaye wuuttettekhani na mattakhuzi ohiivo, maana pi mattakhuzi atthaapo antanaaye katapu ya Nluku khwa apale aniikhalaaye muukhijili.

Afiliipu 2:12

Aphetani aka, nkhama etthiipo mwikishututeliyeeyo siikhu zooshi, khahiyo amana kiiyavo paasi, ila theenya amana kihiivo, mwikhole khaazi ya nusura yenu khwa woova na othukumela.

Akoloosu 3:6

Mwaasa wa vitthu etthiipo, enta katapu ya Nluku khwa apale aniikhalaaye nkatthi wookhijili.

Tiitu 1:16

Yo antukhuru yoori aninjuwa Nluku, ila mwaasa wa thwapiya zaya aninkatthala, tiito eeyiyeeyo oohifwayi, anamakhijili na oohisuhi khwa khaazi yooshi yooshapweya.

Tiitu 3:3

Waarivo wakathi na-fweeyo naari alolo, anamakhijili, meekhazi eetthu aari ottettekhiwa na oorettiwa oovitthwaana ti wakhula jaati ya tuvela na zootakha zeetthu. Naari wiikhala nkatthi wa vitthu zootakhala na nrima, niiphiranaka mmote na nzeetthu.

Meepereewu 3:12

Phoole attwiizaku, khwa mweeyo ahiiyevo ntthu mmote wawiiyana rooho yootakhala na yoohikhupali, ya wuuphakulanani Nluku wa ohaayi.

Meepereewu 3:18

Khi apaani aawalaphiyeeyo yoori khaari oteela ofiya puuro ya ovumula? Khahi anamakhijili?

Meepereewu 4:6

Nakataalikha ansaleela weettamo akina muuvumula mphule, na apale a omwanzo atafusireliweeyo hapari zooshapweya monkoni wa ovumula, kheetteenimo, mwaasa wa okhijili.

Meepereewu 6:11

Apho ennituvela yoori wakhula mmote wa mweeyo ajithoonyeze wiiya woolikana mpakha mwiisho, yoori mwiiyane nroromelo khaamili,

2 Pheeturu 2:6

Theenya khwinkha paathuli sitati ya Sotooma na Komoora, khulukuza khwiiya fuutha khuretta wiiya nthoonyezo wa etile enttelaaye owaarettikhanela makaafiri;