Meepereewu 3:1 - Hapari Zooshapweya

¹ Nakataalikha, attakatthiifu attwiizaku, mwiriiye nkatthi wa okhuweliwa ti Nluku wa pinkuuni, wuupuwela weenu mwitthe wa Yinsa, aswihaapa na haakhimu nwulu wa tiini ninintukhurwaaye.

Meepereewu 3:1 Mawu Ofanana

Yaahaya 17:3

Na ohaayi opo wa mileele pi opu: Oojuwe weeyo, Nluku mmote paasi weekhweele, na Yinsa Al-Masiihu otule onrumiyeeyo.

Yaahaya 20:21

Yinsa khulupa theenya yoori: “Heeri yiiye vamote na mweeyo! Nkhama etthiipo Paapa akirumiyeeyo, na miiyo kinuurumani mweeyo.”

Yaahaya 20:27

Aphano Yinsa khumuuza Tome yoori: “Otthe yaala yawo apha, na woone makhono aka, na wookole nkhono awo ottheele pavu yaka. Ohiiye nanhikhupali, ila wiiye namakhupali.”

Khaazi 1:15

Siikhu etthiipile Pheeturu khweemela vakatthi wa mamuumini vahali aakusanyeyiyeevo atthu miiya na eshiriini khulupa awoozaka ooshi yoori:

Arooma 11:17

Amana virapi kiina zishijiwa, aphano weeyo, wiiyiye muutthi wooliveera wa ntthuttu, waluttaniwa khwa oluveera mikinoko na ori vamote na oronkovu ontaaye khwa ntathaari wa oluveera woozaliwa.

Arooma 15:27

Aarina tuvela wa epo zaya na weekhweele ana sharuthi ya attakatthiifu a Yeruzaleemu. Maana, nkhama amalapo aretta phantte ya parakha ttakatthiifu ya mayaahuuti, ana ya owaarumeyela mayaahuuti theenya na maali zaya.

Arooma 15:8

Maana miiyo kiniwuuzani mweeyo yoori Al-Masiihu ajiretta okarumeya wa apale eeyiyeeyo anamakhiriya, khwa pheta ya haakhi ya Nluku, yoori athoonyeze ahiti arettiyeeyo amarehemu apapazetthu;

Arooma 9:24

Ama talili ti fweeyo, theenya awaakhuweliyeeyo khahiyo vakatthi wa mayaahuuti paasi, ila theenya amalapo.

1 Akorintiyu 1:2

khwa ojama wa Nluku oriiye sitati ya Korintiyu, na apale oottakatthisiwa khwa Yinsa Al-Masiihu na akhuweliweeyo yoori eeye attakatthiifu, vamote na ooshi apale ankhuwaaye khwa nzina la Mbwana Yinsa Al-Masiihu, Mbwana aya na weetthu.

1 Akorintiyu 10:17

Wiiya ewaapho phaawu moote paasi, fweeyo, niiyiyeeyo awaatta, na mwiili mmote, maana fooshi ninja phaawu moote paasi.

1 Akorintiyu 9:23

Kinretta zooshi epo mwaasa wa hapari zooshapweya, yoori kirette phantte ya parakha zawe.

2 Akorintiyu 1:7

Na nroromelo eetthu khwa mweeyo pi wookhomaala, maana najuwa yoori khwa nanna ethiito mwinrettaaye phantte ya ohoowa weetthu, theenya mwinretta phantte khwa ozurwiwa weetthu.

2 Akorintiyu 9:13

Khwa wooneya wa khaazi eto mwinkholaaye, akina anlawa ansifu Nluku khwa oshututi onlokozaaye otukhuru yoori mweeyo mwinretta hapari za Al-Masiihu khwa winkha woohilikheleli weenu wa omeelana vitthu na yo na khwa akinoko aya ooshi.

Ayeefezu 3:6

Eto enlupa yoori khwa hapari zooshapweya amalapo anrithi vamote parakha na meezirayiilu, maana atthu a mwiili mmote na anaaye phantte khwa etile Yinsa Al-Masiihu ahitiyeeyo nkatthi wa hapari zooshapweya.

Ayeefezu 4:1

Tiito kinuuvekelanini, miiyo kiiyiye napherezu khwa Mbwana, yoori mwiikhale khwa mwentto woosuhi khwa okhuweliwa otthuupo mwipwekhereliyeeyo.

Ayeefezu 4:4

Mwiili mmote paasi na Rooho Ttakatthiifu eri moote paasi, nkhama etthiipo mwikhuweliweeyo khwa nroromelo mmote.

Afiliipu 3:14

kiniikarisa epile kintthomaazo, yoori kipatthe tthuvo ya okhuweliwa wa pinkuuni wa Nluku khwa Al-Masiihu Yinsa.

Akoloosu 1:12

Ninshukhurwele Paapa na furaha, aninkhiyeeyo makhaamu a oretta phantte ya erathi ya attakatthiifu muufwalume wa nuuru.

Akoloosu 1:22

Ila aphano Nluku ajisiilanisana vitthu zooshi, khwa ofwa wa Mwanawe, yoori mwajithoonyeze omaasho wawe mwiri attakatthiifu oohiina hatha paathuli na ootaphuliwa khwa wakhula nanna ya olokoveziwa.

Akoloosu 3:12

Nakataalikha, nkhama atthu oothawuliwa a Nluku, attakatthiifu na oophetiwa, mwijiwalise huruma yawaatta, emaani, ojipushuwisa, ojiitthaaza na ovilela.

1 Atizaloonika 2:12

Fweeyo ninuutumerelani, ninuuzuruni na nilazaka oshaahiti yoori mweeyo mwiikhale nanna ensuhaaye khwa Nluku, otule anuukhuwelelaanini yoori mwirette phantte muufwalume mwawe na nsiifwa mwawe.

1 Atizaloonika 5:27

Omaasho wa Mbwana, kinuukhanyarelani mweeyo osoma warakha eti khwa attwi ooshi.

2 Atizaloonika 1:11

Niphelelezaka vitthu epi, ninlompa wakathi wooshi khwa mweeyo, yoori Nluku eetthu awinkheni osuhi wawe opule ookhuweleliyeenini, na khwa owahi arette zooshi za niiya na khaazi zooshi zinlankhaaye khwa amini.

2 Atizaloonika 2:14

Ye ookhuwelelani ethiito khwa olaleya weetthu hapari zooshapweya, yoori mwipatthe siifwa ya Mbwana eetthu Yinsa Al-Masiihu.

1 Timootiyu 6:12

Wuumane viittha yooshapweya ya epaata, okholelele ohaayi wa mileele. Okhuweleliweeyo noolaza oshaahiti wooshapweya wa tukhuru yawo omaasho wa atthu a waatta.

1 Timootiyu 6:2

Apale ariina Mbwana wa wiiya namalottela wa Yinsa, ahilikhe onshitahi maana ttwiiyaya. Okinoko waya ana ya owaakholela khaazi yooshapweya, maana apale ampatthelaaye fwayita khaazi etile ankholaaye yo mamuumini na pi oophetiwa. Mattakhuzi apa osomise na ohirimize.

2 Timootiyu 1:9

Ye anuusuru khwa rehema yawe, khahiyo mwaasa wa khaazi zeetthu, ila khwa shawuri zawe mweenyewe na rehema ninkhiweeyo khwa Yinsa Al-Masiihu, khapulathi olumwenku ohinompiwe.

2 Timootiyu 2:7

Opheleleze zooshi kinlupaazo, maana Mbwana onteela owinkha weeleyiwa khwa vitthu zooshi.

Meepereewu 10:19

Khwa etthiipo, attwiizaku ninaaye nroromelo wookhamilikha ovira puuro Ttakatthiifu ya Attakatthiifu mwaasa wa taamu ya Yinsa,

Meepereewu 10:21

Khwa etthiipo ninaaye haakhimu nwulu wa tiini waweettettisa nyuupa ya Nluku,

Meepereewu 10:23

Nikholelele saaneene nroromelo nintukhurwaaye, maana otule anaahitiyeeyo tu wa waamineya.

Meepereewu 13:22

Attwiizaku, kinuuvekelani yoori mwivilele mattakhuzi aka oolipisela; wekhweele etile miiyo kiwaatikheliyeenini khayaatteeni.

Meepereewu 2:11

Maana khwa etthiipo otule antwahareshaaye na otule antwahareshiwaaye ooshi papaaya mmote, tiito khinimpattha haaya oweettha yoori attwiize.

Meepereewu 2:17

Khwa etthiipo yaari ohithajiya ye wiiya woolattanana attwiize khwa zooshi, yoori eeye haakhimu nwulu wa tiini wa tthakaraka na wa waamineya khwa khaazi ya Nluku, yoori aswamiheliwe twampi za atthu.

Meepereewu 3:12

Phoole attwiizaku, khwa mweeyo ahiiyevo ntthu mmote wawiiyana rooho yootakhala na yoohikhupali, ya wuuphakulanani Nluku wa ohaayi.

Meepereewu 3:14

Maana fweeyo naretteya wiiya ashirikha a Al-Masiihu, amana ninkholelela mpakha mwiisho na nroromelo naariinaaye thanku omwanzo.

Meepereewu 6:20

Ottuukho Yinsa eettawo khapulathi ya fweeyo, khwa puuro yeetthu. Khuretteya wiiya haakhimu nwulu wa tiini mileele nkhama etthiipo aariizo Melikizeteekhi.

Meepereewu 7:26

Nanna ya haakhimu nwulu wa tiini naari onhithajiyaaye oniiya nkhama toono: nttakatthifu, woohiina paathuli, watwahara, woophakuwana na anatwampi, woottitthimisiwa zayita pinku.

Meepereewu 7:28

Maana kano zawaathawula mahaakhimu awulu a tiini atthu antteettheyaaye; ila khwa olapha otiyeeyo paata ya kano za Munsa, Nluku anthawula Mwanawe khaamili wa mileele.

Meepereewu 9:11

Wakathi Al-Masiihu atiiyeevo nkhama haakhimu nwulu wa tiini khwa vitthu zooshwapweya ziriivo nasaapi eti, ye avira phantte khuulu ya heema ttakatthiifu, yootepa na yooziti okhamilikha, yoohaattaliwi ti pinaatamu, eto, khinretta phantte ya wumpiwa wa olumwenku opu.

Meepereewu 9:15

Tiito Al-Masiihu namasiilanisa woosiilana mpheya khwa apale akhuweliweeyo yoori apokherele eritho ahitiweeyo mileele, nkhama etthiipo ye afwiyeeyo ari nkhama swamiima ya koosa zirettikhaniyeeyo nkatthi woosiilana opule wamwanzo.

1 Pheeturu 2:9

Nakataalikha, mweeyo mwa peewu yoothawuliwa, onamalokozela wa tiini wa mfwalume, khapila ttakatthiifu, atthu mwiiyiyeeyo a Nluku, yoori mwilaleye owula wa otule ookhuweliyeenini n'yiiza khuutthaani nnuuru mwawe wooshwapweyamo.

1 Pheeturu 3:5

Maana pi etthiipo theenya aari ojijirisaaye aakha ttakatthiifu araku, aari onroromelaaye Nluku. Yo aari ojinkha mmakhono wa amanna zaya,

1 Pheeturu 5:1

Miiyo, theenya kiiyiyeeyo nttunkhulu wa ojama wa Nluku, kiniwaahirimiza attunkhulu a ojama wa Nluku ari vakatthi venu mweeyo. Ki shaahiti wa ohoowa wa Al-Masiihu na kinttela oretta phantte ya ottitthima onttelaaye othoonyeziwa:

1 Pheeturu 5:10

Nluku wa rehema yooshi, othuuto ookhuweliyeenini yoori mwirette phantte ya siifwa yawe ya mileele khwa Al-Masiihu Yinsa, paata ya ohoowa khwa wakathi vattitthiiru, othuuto onteela wuukaphulani, wuuhakikhini, wuukhomaazani na owinkhani nchina loolipaneya.

1 Yaahaya 1:3

Fweeyo nawuuzani epile nooniyeezo na nisiiliyeezo, yoori na mweeyo mwiiyane osiilana na fweeyo, na osiilana weetthu ori khwa Paapa na Mwanawe Yinsa Al-Masiihu.

Yuuda 1:1

Yuuda, mwiitthwaana wa Yinsa Al-Masiihu, ttwiiye Tiyaaku, apale akhuweliweeyo, oophetiwa ti Nluku Paapa na athokoreliweeyo ti Yinsa Al-Masiihu:

Othoonyeziwa 17:14

Anlawa oomanane Pwittipwitthi, ila Pwittipwitthi yawaashintte maana ti Mbwana wa ambwana na Mfwalume wa afwalume, na ye awaashintta vamote na anamakhuweliwa awe, anamathawuliwa awe na anamwamineya awe.”

Othoonyeziwa 18:20

Mwitthapele epile zinrettikhaneliyeeyo, oo pinku! Mwitthapele, oo attakatthiifu, maaswihaapa na manapiyu! Maana Nluku amphuka, anrutiselaka etile oretteliyeenini mweeyo.”