Meepereewu 13:2 - Hapari Zooshapweya

² Mwihisahawu wiiya atthu omakeleya, maana atthu akina, aamakeliwe pi malayikha yo woohijuwi.

Meepereewu 13:2 Mawu Ofanana

Mwanzo 18:1

Siikhu moote, Nnyizinku aatiiye ottakhulana Eburahiima vahali zaariivo miitthi miwulu miwulu za Manre. Yaari elukuluku na yaarivo haari ya waatta, Eburahiima aarettiye eekhaliye vanlako wa heema yawe.

Mwanzo 19:1

Malayikha apale mawiri khufiya Sotooma makaaripi, Loothi aarettiye eekhaliye vanlako wa sitati ethiitile, ye nawoona malayikha apale khusala athepeeza atthirelaka. Noofiyela khukokhora khusijiti.

Matewuzhu 25:35

Maana miiyo yaakikholiye jala, mweeyo khukinkha etthu yoojiwa; laakikholiye nnyottha, mweeyo khukimeela maati oonywa; kaari nletto mweeyo khukinkha puuro ya omaka.

Matewuzhu 25:40

“Mfwalume khujipu yoori: ‘Kiniwuuzani khweele yoori, etile mweeyo mwiwaaretteliyeeyo mmote wa attwiizaku apa attiitthi, mwakirettela miiyo.’

Matewuzhu 25:43

Kaari nletto mweeyo, khihikinkhi hatha puuro yoomakavo, Kathaaleliwe mweeyo khuhikinkhi kuwo, keetta olwaaziwa na ofukeliwa nkalapooso, mweeyo wala okithotola.’

Khaazi 16:15

Nawoosiwa na atthu ooshi a vaje vawe, khunivekela saaneene araka: “Nkhama mweeyo mwinikitthantta na mwinihakikhi yoori kinamalottela wa Mbwana wa waamineya, mwite mwiikhale onti.” Khwa ethiito khunishintta.

Arooma 12:13

Mwisala mwiwaameela attakatthiifu apale othowiwa epile mwiniiyanaaye, na owaapokherela aletto vaje venu.

Arooma 16:23

Kaayu kammakeliyeeyo, ottuukho onkusanyeyaawo ojama wooshi wa Nluku omperekha salamu. Eraashitu namapweha nzurukhu wa nsitati na ttwiiyetthu Kwaarutu amperekha salamu.

1 Timootiyu 3:2

Nkhama ntthu onhithajiya wiiya nttunkhulu nwulu wa ojama wa Nluku eeye ntthu woohaakanyereliwi hatha etthu, eeye nlume wa wiiyana muukha mmote, woojiinanela, wojiitthaaza, wooshitahiwa, woomakeleya na ankhitiraaye osomisa.

1 Timootiyu 5:10

Eeye muukha woojuwaniwa oretta vitthu zooshapweya, woowaalela saana aanaawe, woomakeleya, ama eeye muukha aari woosakaaye moolu a atthu oottakatthiifu a Nluku, aari owaawunakaaye anamathowiwa na aari okholakaaye khaazi zooshi zooshapweya, othuuto ti aatikhiwe nwarakha ya anamafweliwa pi amanna zaya.

Tiitu 1:8

Ila ona yawiiya ntthu woomakeleya, swaahipu wa zooshapweya, wawiitthaala, nashariya, wa akhili, woosuluheya, wonshututela Nluku, woojikheeti mweenyewe

1 Pheeturu 4:9

Mwiiye atthu oomakeleya, woohijilizi khwa hatha etthu.

3 Yaahaya 1:5

Mphetani aka, weeyo o wa waamineya khwa epile oniwaarettelaaye attwiizo, hatha nkhama aletto.