Meepereewu 11:7 - Hapari Zooshapweya

⁷ Khwa amini Nuuhi, wakathi aachimuleliweeyo monkoni wa vitthu zaari zihinooneye. Ye khunshututela Nluku na khumwaattala aaraka, yoori oosuru ojama awe. Khwa amini, ye khwinkha paathuli olumwenku, Nluku khunretta wiiya namarithi wa shariya monkoni wa amini.

Meepereewu 11:7 Mawu Ofanana

Mwanzo 19:14

Aphano ye khulawa owooza akhwewe, apale aari weettelaaye owaarala aanaawe yoori: “Mwileemo nsitati mphu, maana Nnyizinku onttela opwecha.” Ila akhwewe apale khusala oona nkhama nzaha.

Mwanzo 6:13

Nluku khumuuza Nuuhi yoori: “Kintta wiishisa zumpe zooshi zoohaayi, vamote na olumwenku aya kipweche.

Mwanzo 6:22

Nuuhi khuretta zooshi epile aarumiweezo ti Nluku.

Mwanzo 6:9

Eti hatiithi ya ojama wa Nuuhi. Vakatthi wa atthu ooshi ye paasi ti ye aari ntthu weekhweele na washariya, aari weettettelaaye mwentto wa Nluku.

Mwanzo 7:23

Nluku khupwetecha zumpe zooshi zoohaayi zaari va tuniya. Pinaatamu, nyama za ntthuttu, na epile zinjipurulaaye vathi na anyannyi ootulu zooshi khupwetheya. Khusala Nuuhi otthwe na ajamaaze na nyama epile zaari vamote na ye mmwaaraka.

Mwanzo 7:5

Nuuhi khuretta zooshi epile Nnyizinku anrumiyeezo.

Mwanzo 8:16

“Wiishukhemo mmwaaraka mpho weeyo, muukhaawo, aanaawo na aakha aya.

Matewuzhu 2:12

Khuuziwa muulottha yoori ahirutele wa Herooti, khurutela owaya khwa tarikhi kiina.

Matewuzhu 24:15

“Mwinteela woona okufuru wa woopisa wa pala onttelaaye opuwa Puuro Ttakatthiifu, etile alupiyeeyo napiyu Daniyeele, otule ansomaaye entta omweeleya,

Matewuzhu 24:25

Miiyo kawuuzani khapulathi zihinarettikhane epo zaya.

Matewuzhu 24:38

Nkhama etthiipo siikhu ziviriyeezo za nnyeri, atthu aari oja na onywa, aari oralana na aari oloozana, mpakha siikhu Nuuhi aapakhiriyeeyo mmwaaraka.

Matewuzhu 3:7

Wakathi ye awooniyeeyo mafwarizeewu na masatukhi enkeene ateliye woosiwa ti ye, khuwooza yoori: “Khapila ya evili! Ti paani awuuziyeenini otthira katapu entaaye?

Luuka 17:26

“Nkhama zaarettikhaniyeezo wakathi opule wa Nuuhi, enttela orettikhana etthiipo wakathi wa Mwaana wa Pinaatamu.

Arooma 1:17

Maana khwa hapari zooshapweya ti enjithoonyezaaye shariya ya Nluku khwa amini, nkhama yaatikhiweezo yoori: “Nashariya oniikhala khwa amini.”

Arooma 10:6

Ila shariya entaaye khwa amini enlupa yoori: “Ohilupe nroho mwawo yoori: ‘Paani anttelaaye owela pinkuuni?’ ” Eto, enimwiishusha Yinsa,

Arooma 3:22

shariya ya Nluku khwa amini ya Yinsa Al-Masiihu khwa apale ooshi aninkhupalaaye. Khawiivo ofwarikhana,

Arooma 4:11

Etthiipo ye apwekherela okhiriya nkhama alama na nkhama ephariselo ya shariya aariinaaye khwa amini, wakathi nalelo aari ahinakhiriye. Nakataalikha, ye ti paapa wa ooshi apale ankhupalaaye, hatha nkhama khakhiriyeeni, yoori shariya yiiye okhupaleliwa theenya pi yo.

Arooma 4:13

Khahi mwaasa wa kano Eburahiima ama peewu yawe apattheliyeeyo wiiya namarithi olumwenku, ila maana ye ankhupaliye Nluku na aakhupaliwe ti ye.

Arooma 9:30

Apho nilupe niini? Amalapo ahaariweekesaaye okhupaliwa, apattha okhupaliwa nkatthi wa amini;

Akaalata 5:5

Maana fweeyo khwa Rooho ya Nluku ninwejela khwa nroromelo, shariya enlankhaaye nkatthi wa amini.

Afiliipu 3:9

na kisikananiwe ye. Woohiiyi shariya yaka enlankhaaye nkano, ila entaaye nkatthi wa amini khwa Al-Masiihu, shariya enlankhaaye wa Nluku nkatthi wa amini.

Meepereewu 11:1

Amini hakiikha ya etile ninwejaaye na okhupalela wa vitthu nihinoonaaye.

Meepereewu 12:25

Phoole mwihikatthale onsiileza otule anttakhulaaye. Maana nkhama khavukheeni apale akatthaliyeeyo onsiila otule aari owoozaaye vathi apha, khanitepeeni fweeyo amana nimwanswi otule aninhirimizaaye wa pinkuuni.

Meepereewu 5:7

Wakathi opule Yinsa aari vathi, aarettiye nkhuwo eettaka olila alompaka na oveka khwa Nluku otule aari owahaaye omuusuru muufwa. Nluku khusiila oveka wawe, mwaasa wa ojinkha wawe.

Meepereewu 8:5

Yo anrumeyela omwimpari wiiyiyeeyo weezela na mwiivuuli wa mwimpari oriiyeeyo pinkuuni. Tiito Munsa aachimuleliweeyo eemesaka heema ttakatthiifu, ooziweeyo yoori: “Phoole, weemesaka, orette khwa nanna etthiipo othonyeziweeyo vamwaako.”

1 Pheeturu 3:20

Epo zaari rooho za apale ahaari onshututelaaye Nluku, wakathi ye aari oweejaaye na ovilela siikhu epile Nuuhi aari omwaattalaavo aaraka. Eettiyemo atthu vattitthiiru, oosheene aari wanaane pi oosurukhiyeeyo khwa maati.

2 Pheeturu 1:1

Miiyo Simawu Pheeturu, karumeya na aswihaapa wa Yinsa Al-Masiihu, kiniwaatikhela warakha eti apale khwa shariya ya Nluku eetthu Namuusuru Yinsa Al-Masiihu, apwekheriye amini moote yootafikhana nkhama yeetthu.

2 Pheeturu 2:5

Nluku kheenaneliye olumwenku wa raku, wakathi aatisiyeevo nnyeri khwa makaafiri, ila khunlikha Nuuhi, namatafusiri wa shariya, na atthu akina sapa.

2 Pheeturu 3:6

Na khwa maati a nnyeri olumwenku wa raku waazamiye na khutapanyiwa.