Meepereewu 10:5 - Hapari Zooshapweya

⁵ Tiito Al-Masiihu ariiyeeyo noota voolumwenku khuri: “Twaha na zaakha khutakheene. Ila watthenkeza mwiili khwa miiyo.

Meepereewu 10:5 Mawu Ofanana

Mwanzo 3:15

Kinttela otthaavo wuumani weeyo na muukha; ojama awo na ojama wa muukha. Ojama wa muukha nka wuuvulalisaka eeshwa yawo, na weeyo nka ottovolaka ekwakuno yaya.”

Matewuzhu 11:3

“Ti weeyo otule aari weettelaaye ota, ama nimweekesele nkina?”

Luuka 1:35

Nlayikha khujipu liraka: “Rooho Ttakatthiifu entta owiishukhela, owahi wa Nwulu wa Pinkuuni onttela wuufinikha na yiivuuli yawe. Tiito mwaana onttelaaye ompattha, onteela wiitthiwa Ttakatthiifu, Mwaana wa Nluku.

Luuka 7:19

khuwaaruma yoori alawe amuuzele Mbwana yoori: “Weeyo ti otu naari onwejaaye ama ninweje nkina?”

Yaahaya 1:14

Nttakhuzi khujiretta ontthu na khwiikhala vakatthi veetthu. Fweeyo noona siifwa yawe, siifwa nkhama mwaana mmote paasi wa Paapa wawiitaala rehema na khweele.

Akaalata 4:4

Ila noofiya wakathi khaamili, Nluku amperekha Mwanawe, woovokoliwa ti muukha, na eekhaliyeeyo nkatthi wa kano,

1 Timootiyu 3:16

Khayiivo shaakha yoori etile Nluku athoonyeziyeeyo khuluyeene monkoni wa Yinsa Al-Masiihu ti yootikinisa: Ye aajithoonyeziye nkhama pinaatamu, khuhakikhiwa ti Rooho Ttakatthiifu, khooniwa pi malayikha, khulaleyiwa tuniya zooshi, khukhupaliwa voolumwenku, khuweziwa pinkuuni nkatthi wa nuuru.

Meepereewu 1:6

Aphano wakathi amperekhiyeevo mwanawe wa omwanzo voolumwenku, khulupa yoori: “Malayikha ooshi a Nluku amwaaputu.”

Meepereewu 10:10

Khwa matakhelo aya atthaapo phi nipatthiyeevo otwahareshiwa, khwa otwahiwa wa mwiili wa Yinsa Al-Masiihu, opu ovahiweeyo swaafu moote khwa zooshi.

Meepereewu 10:7

Aphano, miiyo khulupa yoori: ‘Kiri apha, nkhama yaatikhiweezo nkithaapu monkoni wa miiyo, kateela oretta etile yiiyiyeeyo ya matakhelo awo, oo Nluku.’ ”

Meepereewu 10:8

Nkhama ye alupiyeezo vatulu yoori: “Twaha na zaakha khutakheeni, wala twaha yoolukuziwa hatha zaakha kiina za nswammaha wa twampi zooshi khinuutuvela.” Epo zaari orettiwa khwa nanna zaari olupaazo kano.

Meepereewu 2:14

Mwaasa wa aana wiiya atthu awiiyana mwiili na taamu, tiito Yinsa ajirettiyeeyo ontthu, yoori khwa ofwa wawe anshintte sheethwani nlupa ariina owahi wa ofwa,

Meepereewu 5:7

Wakathi opule Yinsa aari vathi, aarettiye nkhuwo eettaka olila alompaka na oveka khwa Nluku otule aari owahaaye omuusuru muufwa. Nluku khusiila oveka wawe, mwaasa wa ojinkha wawe.

Meepereewu 8:3

Wakhula haakhimu nwulu wa tiini athawuliwa yoori asala enkha zaakha na twaha mmakhono wa Nluku, tiito naye haakhimu nwulu wa tiini otu aari ohithajiya wiiyana etthu ya winkha.

1 Pheeturu 2:24

Ye mweenyeweene athuula mmwiili mwawe twampi zeetthu vansalapa, yoori nifwe khwa twampi na niikhale khwa shariya. Khwa makhwatta awe mweeyo mwavonisiwa.

2 Yaahaya 1:7

Maana anamattettekha enkeene amwazeyela va olumwenku, alupaka yoori Yinsa Al-Masiihu khateeni nkhama pinaatamu. Anrettaaye toowo namattettekha na atuwi wa Al-Masiihu.