Meepereewu 1:2 - Hapari Zooshapweya

² Ila siikhu epi za mwiisho anittakhulana vakatthi veetthu khwa Mwanawe, othuuto amwinkhiyeeyo wiiya namarithi wa vitthu zooshi na khwa vakatthi vawe Nluku ompa olumwenku.

Meepereewu 1:2 Mawu Ofanana

Mwanzo 49:1

Yaakhumpa khuwaakhuwela aanaawe khuwooza yoori: “Mwite apha kiwuuzeni vitthu zinttelaaye orettikhana siikhu epo zintaazo.

Matewuzhu 13:39

Atuwi aazaliyeemo ti sheethwani. Wuurula, mwiisho wa wakathi, akarumeya a wuurula malayikha.

Matewuzhu 17:5

Pheeturu eettaka ottakhula nalelo, khupuwa liwiku lawaara khuwaafinikha, nttumpho khupuwamo huula yaari oraaye: “Otu Mwanaka wompheta na wookituvela channu. Mwinsiileze!”

Matewuzhu 21:38

Ila anamalima amoniyeevo mwaana otule, khulupa yoori: ‘Otu namarithi. Mwite, nimuule nithuule erathi yawe.’

Matewuzhu 26:63

Ila Yinsa nalelo khwiiya woonyamala. Haakhimu nwulu wa tiini khumuuza yoori: “Kinuuvekela yoori weeyo olaphe khwa Nluku woohaayi, nkhama weeyo o Al-Masiihu, mwaana wa Nluku, onuuze.”

Matewuzhu 28:18

Aphano Yinsa khuwaattama khuwooza yoori: “Kenkhiwa ofwalume pinkuuni na vathi.

Matewuzhu 3:17

Huula ya olankha pinkuuni khuri: “Otu mwanaka wompheta, na wookituvela channu!”

Maaruku 1:1

Omwanzo wa hapari zooshapweya za Yinsa Al-Masiihu, Mwaana wa Nluku.

Maaruku 12:6

Aari osala mmote paasi yoori amperekhe, mwanawe wompheta wawe. Mwiisho waya khumperekha na khuri: ‘Otu mwanaka antta onshitahi.’

Maaruku 12:7

Ila anamalima apale khuuzana yoori: ‘Otu ti namarithi. Nlaweni nimuule, nirithi fweeyo.’

Yaahaya 1:10

Nttakhuzi laari voolumwenku na olumwenku wompiwa ti ye, ila olumwenku khuhinjuwi.

Yaahaya 1:14

Nttakhuzi khujiretta ontthu na khwiikhala vakatthi veetthu. Fweeyo noona siifwa yawe, siifwa nkhama mwaana mmote paasi wa Paapa wawiitaala rehema na khweele.

Yaahaya 1:3

Vitthu zooshi zarettiwa khwa ye; eriwaka khaari ye khayariwiiyavo moote yaari weettelaaye orettiwa.

Yaahaya 13:3

Yinsa aajuwiye yoori Paapa vitthu zooshi attha mmakhono mwawe, na alankhiye wa Nluku na aari orutela wa Nluku,

Yaahaya 13:32

Nkhama Nluku onsifwiwa khwa ye, na ye Nluku onsifwiwa mwanawe khwa ye mweenyewe, na onteela osifwiwa woohirupazivo.

Yaahaya 15:15

Akiniwiitthani theenya akarumeya, maana karumeya khanjuwa niini anrettaaye Mbwana awe. Nakataalikha, miiyo kiniwiitthani yoori maswaahipu zaka, maana zooshi epile kinsiliyeeyo Paapa koojuwisani.

Yaahaya 16:15

Zooshi Paapa ariinaaye pi zaka, tiito kilupiyeeyo yoori Rooho Ttakatthiifu nka epokheraka etile yiiyiye yaka na owuuzani mweeyo.

Yaahaya 17:2

Maana wamwinkha ofwalume khwa anaatamu ooshi, yoori awenkhe ohaayi wa mileele ooshi apale omwinkhiyeeyo.

Yaahaya 3:16

“Khwa nanna etthiipo Nluku apheta olumwenku afiyelela onleva Mwanawe mmote paasi, yoori wakhula otule aninkhupalaaye ahipwetheye ila eeyane ohaayi wa mileele.

Yaahaya 3:25

Khupuwa onyakulisana khwa anakhiyoni akinaaya a Yaahaya na yaahuuti mmote monkoni wa njampo la otwahareshiwa.

Yaahaya 5:26

Nkhama etthiipo Paapa eeyiyeeyo mweenyewe ohaayi, amwinkha mwanawe wiiya mweenyewe ohaayi,

Yaahaya 5:27

na amwinkha ofwalume yoori aphuke, maana ye Mwaana wa Pinaatamu.

Yaahaya 9:29

Fweeyo ninjuwa yoori Nluku attakhulana Munsa; ila mwinyi oto fweeyo wala khaninjuwa ohali alankhiyeewo.”

Khaazi 10:36

Mweeyo mwinjuwa nttakhuzi Nluku aaperekhiyeeyo vakatthi wa atthu a Ezirayiilu, alaleyaka monkoni wa hapari zooshapweya za heeri khwa Yinsa Al-Masiihu, Mbwana wa atthu ooshi.

Khaazi 2:17

“ ‘Nluku alupa yoori, siikhu za mwiisho kinteela oweeshushela Rooho yaka atthu ooshi. Aaneenu aalume na apa aakha anteela ohupiri, mashaapu anteela wiiyana jozi, anakhuuluvale anteela olottha.

Arooma 1:4

na khuthoonyeziwa khwa Rooho ya ottakatthifu wiiya Mwaana wa Nluku na owahi wakathi asisimuwiyeeyo muufwa. Ye ti Yinsa Al-Masiihu Mbwana eetthu,

Arooma 8:17

Nkhama na aana, apho na anamarithi, anamarithi a Nluku na anamarithi vamote na Al-Masiihu; nkhama khweele ninhoowana khwa ye, yoori theenya nirette phantte ya ottitthimisiwa wawe.

1 Akorintiyu 2:7

Olikha toowo, ninlupa akhili za Nluku, zaari siiri zoovitheya, etthiipo Nluku arumiyeeyo ehineeyevo hatha etthu yoori yiiye siifwa yeetthu.

1 Akorintiyu 8:6

ila khwa fweeyo, Nluku ori mmote paasi, Paapa, otule ompiyeeyo vitthu zooshi na fweeyo niwaapho khwa ye; na Mbwana mmote Yinsa Al-Masiihu paasi, othuuto vitthu zooshi zumpiweeyo khwa ye, khwa othuuto fweeyo neeyavo.

Akaalata 4:4

Ila noofiya wakathi khaamili, Nluku amperekha Mwanawe, woovokoliwa ti muukha, na eekhaliyeeyo nkatthi wa kano,

Ayeefezu 1:10

shawuri zaya epo okusanya wakathi khaamili vitthu zooshi mmakhono wa Al-Masiihu epile ziriiye otulu na vathi.

Ayeefezu 3:9

na oweeleza atthu ooshi monkoni wa nanna enkholiwaazo siiri eti, Nluku namumpa wa zooshi aavithiyeeyo thanku asulani.

Meepereewu 1:5

Nlayikhani Nluku ooziyeeyo yoori: “Weeyo o mwanaka, leelo koovokola”? Na theenya yoori: “Miiyo kinttela wiiya papaawo, na ye onttela wiiya mwanaka”?

Meepereewu 1:8

Monkoni wa Mwaana awe alupa yoori: “Ofwalume awo, Oo Nluku, pi wa mileele, na pakhora yawo ya shariya ti pakhora ya ofwalume awo.

Meepereewu 11:3

Khwa amini, yaneeleya yoori olumwenku wompiwa khwa nttakhuzi la Nluku, khwa etthiipo epile ninoonaaye khazaattaliweeni pi epile zinooneyaaye.

Meepereewu 2:3

ninttela owerawera toovi hukhumu, amana nitarawu nusura khuluyeene? Ethiito elaleyiweeyo omwanzweene ti Mbwana, khuhakikhisiwa pi apale asiiliyeeyo.

Meepereewu 3:6

Ila Al-Masiihu tu wa waamineya nkhama mwaana monkoni wa nyuupa ya Nluku. Nyuupa ya eto ti fweeyo, amana nikholelela woolipaneyavo nroromelo na owejela khwa etile ninjikhupalanaaye.

Meepereewu 4:14

Nakataalikha ninaaye haakhimu nwulu wa tiini, Yinsa Mwaana wa Nluku, othuuto aweliyeeyo pinkuuni nikholelele woolipanavo amini nintukhurwaaye.

Meepereewu 5:8

Eeyaru pure Mwaana, ye aajinozeliye oshututi khwa ohoowa opule aari woonaaye.

Meepereewu 7:28

Maana kano zawaathawula mahaakhimu awulu a tiini atthu antteettheyaaye; ila khwa olapha otiyeeyo paata ya kano za Munsa, Nluku anthawula Mwanawe khaamili wa mileele.

Meepereewu 7:3

Woohijuwiwi papaawe, wala mamaawe, ojama awe, omwanzo wa siikhu zawe, wala mwiisho wa ohaayi awe, ila wawumpiwa nkhama Mwaana wa Nluku, khwiiya namalokozela wa tiini khwa mileele.

Meepereewu 9:26

Eriwaka yaari etthiipo yaari ohithajiya Al-Masiihu ohoowa swaafu zawaatta thanku waaza wa olumwenku. Ila aphano, apuwa swaafu moote paasi khwa atthu ooshi mwiisho wa wakathi, yoori anilaze twampi zeetthu khwa otwahiwa mweenyeweene.

1 Pheeturu 1:20

Ye athawuliwa ti Nluku khapulathi olumwenku ohinompiwe, ila khuthoonyeziwa wakathi opu wa mwiisho khwa zwaamu yenu mweeyo.

2 Pheeturu 3:3

Khapula ya vitthu zooshi mwijuwe yoori, siikhu za mwiisho, anteela opuwa anamaveyisa aveyisaka na alottelaka tuvela zaya zootakhala.

Yuuda 1:18

Yo awuuzani mweeyo yoori: “Siikhu ya mwiisho anteela opuwa anamattukhana anttelaaye olottela tuvela zaya za okaafiri.”