Meepereewu 1:14 - Hapari Zooshapweya

¹⁴ Malayikha ooshi khahi rooho zininrumeyelaaye Nluku, aperekhiyeeyo yoori ewaawuni apale anttelaaye opwekherela nusura?

Meepereewu 1:14 Mawu Ofanana

Mwanzo 32:24

Yaakhumpa khusala otthwe, khumpuwelela nlume mmote khusala oomanana mpakha ocha.

Matewuzhu 1:20

Ila, paata ya wuupuwela vitthu epile, khumpuwelela nlayikha la Mbwana nkatthi wa olottha, khumuuza yoori: “Yuusufu, mwaana wa Daawuuda, ohoove ompokhera Mariyamu wiiya muukhaawo, maana ye eemittha khwa Rooho Ttakatthiifu.

Matewuzhu 13:41

Mwaana wa Pinaatamu onttela oruma malayikha awe, alazemo muufwalume mwawe zooshi epile za okwakwanttula, na apale anrettaaye vitthu zootakhala.

Matewuzhu 18:10

“Phoole, mwihintarawu hatha mmote wa asimaana apa! Miiyo kiniwuuzani khweele yoori malayikha aya anoona wuuso wa Paapa wa pinkuuni wakhula wakathi.

Matewuzhu 2:13

Paata ya ajuwi olawa, nlayikha la Mbwana khumpuwelela Yuusufu muulottha khumuuza yoori: “Olankhe, onthuule mwaana oto na mamaawe, otthirele Misuri. Weekhale ottuukho mpakha miiyo kiwuuze, maana Herooti onteela omweekesa mwaana oto yoori amuule.”

Matewuzhu 24:31

Ye onttela operekha malayikha awe na ovuma nwulweene wa malope, yo anttela owaakusanya ananthawuliwa aya ooshi khwa phantte nne zinlankhaawo pheevo, phantte khwa phantte kiina ya pinku.

Matewuzhu 25:34

“Aphano Mfwalume onttela owooza apale anttelaaye wiiya nkhono nlume yoori: ‘Mwite mweeyo ooparikhiyiwa ti Paapa! Mwipwekherele ofwalume nkhama eritho mwitthenkezeliweeyo thanku wumpiwa wa olumwenku.

Matewuzhu 4:11

Aphano Sheethwani khumwaattuwa, khuta malayikha oteela onrumeyela.

Maaruku 10:17

Wakathi Yinsa aari weettelaaye osaruwa, mwinyi mmote khutthira amweettelaka khulawa khunkokhorela na khumuuzela yoori: “Mwaaliimu woosaana, kirette niini yoori kipatthe ohaayi wa mileele?”

Luuka 1:19

Khujipu nlayikha liraka: “Miiyo ki Jipiriilu, kiniiya vamote na Nluku, akiruma yoori kite kiwuuze hapari epi zooshapweya.

Luuka 1:23

Wakathi eeshisiyeevo siikhu zawe za okhola khaazi Nnyupa Woosifwiwamo, khurutela owawe.

Luuka 16:22

“Masikhini otule khufwa, khuthuuliwa pi malayikha khulawa khwiiya vamote na Eburahiima. Naye thaajiri otule khufwa khulawa khuzikhiwa.

Luuka 2:13

Nasaapiru khupuwa malayikha awaatta, khuphakanyeya na ntthile la mwanzo, khusala ansifu Nluku araka:

Luuka 2:9

Nlayikha la Mbwana khwiishukhela attaaphale aariivo amakhampuzi apale, na nuuru ya Mbwana khuwaamwasikhela, khwiiya awoova channu.

Khaazi 11:22

Hapari epile khufiya va ojama wa Nluku Yeruzaleemu, yo khumperekhawo Baranabe Antiyookiya.

Khaazi 12:23

Aphano wakathi otthuupule nlayikha la Nluku khunvulalisa Herooti mwaasa woohinttitthimisi Nluku; khujiwa pi nyunku khufwa.

Khaazi 12:7

Nasaapiru khupuwa nlayikha la Mbwana, nuuru yaya khumwasikhela nkalapooso. Nlayikha ntthile khulawa mpakha phantte etile aariwo Pheeturu, khunsapa ye khusisimuwa. Khumuuza yoori: “Waakuve, olankhe!” Aphano, makwinjili apale afukaniweeyo khuvuleya mmakhono mwawe.

Khaazi 13:2

Eettaka omwaaputu na ofuka, Rooho Ttakatthiifu khuwooza yoori: “Mwimphakule nasaapi Baranabe na Sawulu yoori akhole khaazi yaka kiwaakhuweleliyeeyo.”

Khaazi 16:26

Nasaapiru khupuwa esikinyaatthi khuluyeene yaakurumuliyeeyo muuri wa kalapooso. Nasaapiru milako khufukuwa, na makwinjili afukaniweeyo ooshi khuttumula.

Khaazi 27:23

Maana taana osikhu lakipuwelela nlayikha la Nluku mweenyewe miiyo na otule kinimwaputwaaye,

Khaazi 5:19

Osikhu layili, nlayikha la Nluku khufukula milako za kalapooso khuwaasarulela vaje na khuwooza yoori:

Arooma 11:14

kiroromelaka yoori koone nkhama khwa nanna kiina kintothela wiivu khapila yaka na owuusuru akina.

Arooma 13:6

Tiito theenya mweeyo mwiriina ya oripha lumpuru, maana afwalume ari nkhaazi ya Nluku, anjilipisana khaazi yaya ethiito wakhula siikhu.

Arooma 15:16

ya wiiya karumeya wa Al-Masiihu Yinsa khwa amalapo, nkhama khaazi ya ohaakhimu ya olaleya hapari za Nluku, yoori amalapo aretteye wiiya zaakha yookhupaliwa ti Nluku, oottakatthisiwa ti Rooho Ttakatthiifu.

Arooma 15:27

Aarina tuvela wa epo zaya na weekhweele ana sharuthi ya attakatthiifu a Yeruzaleemu. Maana, nkhama amalapo aretta phantte ya parakha ttakatthiifu ya mayaahuuti, ana ya owaarumeyela mayaahuuti theenya na maali zaya.

Arooma 8:17

Nkhama na aana, apho na anamarithi, anamarithi a Nluku na anamarithi vamote na Al-Masiihu; nkhama khweele ninhoowana khwa ye, yoori theenya nirette phantte ya ottitthimisiwa wawe.

1 Akorintiyu 1:21

Maana, nkatthi wa shawuri za Nluku, anaatamu khajuweeni khwa akhili za onaatamu, Nluku yantuvela owoosuru apale ankhupalaaye khwa ololo wa tafusiiri.

2 Akorintiyu 9:12

Maana khaazi eto mwinkholaaye mweeyo, khinaawuni othowiwa paasi wa mamuumini, ila theenya emmwazeyela oshukhuru wa waatta aninkhiwaaye Nluku.

Akaalata 3:29

Na nkhama mwa a Al-Masiihu, mwa ojama wa Eburahiima na mwa anamarithi nkhama etthiipo yaahitiweezo.

Akaalata 3:7

Nakataalikha mwijuwe yoori ooshi apale ariina amini aana a Eburahiima.

Akaalata 3:9

Khwa nanna ethiito ooshi apale ariina amini amparikhiyiwa vamote na Eburahiima, ntthu wa amini.

Ayeefezu 3:6

Eto enlupa yoori khwa hapari zooshapweya amalapo anrithi vamote parakha na meezirayiilu, maana atthu a mwiili mmote na anaaye phantte khwa etile Yinsa Al-Masiihu ahitiyeeyo nkatthi wa hapari zooshapweya.

Afiliipu 2:17

Khwa zooshi, hatha nkhama keetta oshuluulisiwa nkhama zaakha yoonywiwa monkoni wa twaha ya amini yenu mwinimwinkhaaye Nluku, kiwoofurahi na kintthapa na mooshi mweeyo.

Afiliipu 2:25

Theenya kinoona yoori enihithajiya omperekha opheya ottuukho Epaforotiitu, ttwiiyaku kinkholanaaye khaazi na nshirikha wa nvittha, karumeya mwikiperekheziyeeyo otiisa epile enikihithajiyaaye.

2 Atizaloonika 1:7

na oniwinkhani ovumula mweeyo mwintaneliwaaye miswipa na khwa fweeyo theenya. Epo zinttela orettikhana amana Mbwana Yinsa ajithoonyeza pinkuuni na malayikha awe owahi khwa vakatthi wa moottho wookholela.

Tiitu 3:7

Yoori niiye ohakikhiwa khwa rehema, niretteye onamarithi awe nirina nroromelo wa ohaayi wa mileele.

Meepereewu 10:11

Wakhula haakhimu wa tiini wooshi, siikhu khwa siikhu onkhola khaazi yawe ya winkha swaafu zawaatta twaha etthiipile aninkhakhaazo, ila epo zaya khina hatha owahi wa olaza twampi.

Meepereewu 2:3

ninttela owerawera toovi hukhumu, amana nitarawu nusura khuluyeene? Ethiito elaleyiweeyo omwanzweene ti Mbwana, khuhakikhisiwa pi apale asiiliyeeyo.

Meepereewu 5:9

Paata ya okhamilikhisiwa khwinkhiwa wiiya naattuuttu wa nusura ya mileele ya apale ooshi aninshututelaaye,

Meepereewu 6:12

yoori mwihiiye nkhama atthu ooviliwa, ila mwiweezele apale khwa amini na ovilela apwekhereliyeeyo erathi etile Nluku ahitiyeeyo.

Meepereewu 6:17

Tiito, Nluku wakathi aatakhiyeeyo owaathonyeza wawooneyavo khwa anamarithi a ahiti yoori khaari ozukulisa matakhelo awe, khulupa khwa olapha,

Meepereewu 8:6

Ila weekhweele, khaazi Yinsa enkhiweeyo khuluyeene zayita khaazi ya anamalokozela a tiini, nkhama etthiipo osiilana otthuupo ye eeyiyeeyo namasiilanisa nwulweene zayita opule wa raku, omphita nkatthi wa ahiti khuluyeene.

Meepereewu 9:28

Etthiipo Al-Masiihu ajinkha swaafu moote khwa mileele yoori alaze twampi za atthu awaatta, na ye onruti swaafu ya phiiri, woohiteeli yoori alaze twampi, ila atane nusura ya apale aninwejelaaye.

Tiyaaku 2:5

Mwisiile, attwiizaku aphetani aka, Nluku awaathawula apale eeyiye asikhini yoori eeye mathaajiri nkatthi wa amini na weetta muufwalume awaahitiyeeyo apale animphetaaye.

1 Pheeturu 1:12

Yo athoonyeziwe yoori khaazi aari okholaaye khayaari yaya ennyewe, ila yaari yenu mweeyo, wakathi aari olupaavo vitthu mwilaleyeliweeyo nasaapi eti pi apale antafusiraaye hapari zooshapweya khwa Rooho Ttakatthiifu eperekhiweeyo pinkuuni; vitthu hatha malayikha antakhaaye woona venkivene.

1 Pheeturu 1:4

yoori neeyane erathi ehinaashikhaaye, yoohiina hatha nlepa na ehinthuwaaye fwayita yaya. Erathi etile epwehiweeyo pinkuuni yoori yiiye yenu,

1 Pheeturu 3:7

Khwa etthiipo, mweeyo alume, mwiiyane ojuwa khwa wiikhala na aakha enu na mwiwaatthantte wahishimavo nkhama phantte ya ottettheya channu, maana yo anamarithi vamote na mweeyo, rehema ya ohaayi, yoori zihitapwateleye lompa zenu.

Yuuda 1:14

Enookhi ntthu wa khapila ya saapa paata ya Adamu, aahupiriye monkoni wa apo aya: “Moone, Mbwana onta na milikhi milikhizene za attakatthiifu awe,

Othoonyeziwa 5:6

Paata ya toowo, keetta woona Pwittipwitthi eri nkhama ya wuuliiwa, yeemeliye vakatthi wa khukulu na ezukuleliwe ti zumpe haayi nne na attunkhulu a tiini. Ye yaarina manyaka sapa na maasho sapa, ziiyiye rooho sapa eninrumeyelaaye Nluku eperekhiweeyo va tuniya yooshi.