Matewuzhu 6:28 - Hapari Zooshapweya

²⁸ “Khi mwishukulikhelelani kuwo? Moone nanna enwulaazo miitthi za ntthuttu na maluwa aya. Yo khinkhola khaazi, wala khinvasha.

Matewuzhu 6:28 Mawu Ofanana

Matewuzhu 10:10

mwihithuule hatha kuwo kiina, wala jampali, wala pakhora, maana nakhaazi eninsuhi wiiyana etthu yoojiwa yawe.

Matewuzhu 6:25

“Tiito, kiniwuuzaanini yoori, mwihiiye woovelavelela ohaayi enu, khwa etthu yoojiwa ama yoonywiwa; wala mwiili enu monkoni wa etthu ya owala. Ohaayi enu waziti etthu yoojiwa. Na mwiili enu ona fwayita khuluyeene zayita kuwo.

Matewuzhu 6:27

Paani wa mweeyo anwahaaye weekezela mansha awe hatha nkhama eetta oshukulikhela?

Matewuzhu 6:31

Nakataalikha mwihishukulikhe, mwiraka: ‘Ninja niini?’ ama ‘Ninnywa niini?’ ama ‘Ninwala niini?’

Luuka 10:41

Mbwana khunjipu yoori: “Weeyo Maarata washukulikha na wajikhaza na vitthu zawaatta.

Luuka 12:11

“Amana mwithuuliwa olawa ophukiwa nsinakooka ama wa afwalume, mwihiiyane shaakha khwa nanna mwinttelaaye ojaakisa ama etthu mwinttelaaye olupa.

Luuka 12:22

Aphano Yinsa khuwooza anakhiyoni awe araka: “Tiito kiniwuuzaanini yoori: mwihiiye woovelavelela ohaayi enu, wala etthu mwinttelaaye oja, ama mwiili enu khwa etthu ya owalisa.

Luuka 12:27

“Moone nanna enwulaazo miitthi za ntthuttu na maluwa aya: yo khazinkhola khaazi, wala khazinsona. Ila wekhweele kiniwuuzani yoori: Seleyimaana na othaajiri wawe, khawaleeni kuwo zooshapweya nkhama maluwa apa.

Luuka 3:11

Ye khuwaajipu yoori: “Otule ariina hempe piiri, moote amwinkhe otule ahina. Otule ariina etthu yoojiwa awaameele apale ahina.”

Afiliipu 4:6

Mwihishukulikhele hatha etthu, ila mwinvekele Nluku khwa lompa na oveka yooshi etile mwinhithajiyaaye na rooho ya oshukhuru.

1 Pheeturu 5:7

Mwimwinkhelele shukuli zenu zooshi, maana ye onuutthanttani mweeyo.