Matewuzhu 5:7 - Hapari Zooshapweya

⁷ Ooparikhiyiwa pi apale ariina tthakaraka, maana na yo anteela wooneliwa tthakaraka.

Matewuzhu 5:7 Mawu Ofanana

Maaruku 11:25

Na amana olompaka, khwiiyana nzaawo okosiyeeyo, onswaamihi, yoori naye Paapa wa pinkuuni oswaamihi twampi zawo.

Luuka 6:35

Mwiwaaphete maatuwi enu, mwiwaarettele zooshapweya, mwiweepaashe mwiheekeselaka wuurutiselani. Toowo tthuvo yenu enttela wiiya khuluyeene na mwinttela wiiya aana a Nwulu wa Pinkuuni, maana Nluku nkemaani hatha khwa apale ahininshukhurwaaye na apale ootakhala rooho.

Arooma 11:30

Nkhama etthiipo na mweeyo raku mwaari onkhijilela Nluku, ila aphano mooneliwa tthakaraka mwaasa wa okhijili wa mayaahuuti.

1 Akorintiyu 7:25

Monkoni wa aamwari, akina hatha oruma wa Mbwana, ila kininkha shawuri zaka, nkhama ntthu ansuhaaye waaminiwa khwa tthakaraka ya Nluku.

2 Akorintiyu 4:1

Nakataalikha, nihitteettheye maana ninaaye khaazi eti ninkhiweeyo khwa tthakaraka.

Ayeefezu 4:32

Mwiiyane emaani na azeenu, ovilelana mmote na nzeenu, oswaamihana nkhama etthiipo Nluku ooswamihiyeenini khwa Al-Masiihu.

Akoloosu 3:12

Nakataalikha, nkhama atthu oothawuliwa a Nluku, attakatthiifu na oophetiwa, mwijiwalise huruma yawaatta, emaani, ojipushuwisa, ojiitthaaza na ovilela.

1 Timootiyu 1:13

Miiyo ena omwanzo kaari namakufuru, namalupattha, namahusuti, wakathi aya opule miiyo akaarina amini, etthu kaari orettaaye akaari ojuwa, apha kooneliwa huruma.

1 Timootiyu 1:16

Tiito kooneliweeyo huruma, yoori khwa miiyo, wootepacha waya, Yinsa Al-Masiihu akivilela yoori awaathoonyeze ooshi apale anttelaaye omwaamini apatthe ohaayi wa mileele.

Meepereewu 4:16

Apho naattame khukulu ya rehema na nroromelo wooshi, yoori nipwekhere tthakaraka na napatthe rehema ya onaawuni wakathi woohithajiya.

Meepereewu 6:10

Nluku khahi woohiiyi wa shariya. Ye khanteela osahawu khaazi zenu na pheta mwithonyeziyeeyo, maana mwawenkha nkhono attakatthiifu na apho mwinvira mwiwenkhaka.

Tiyaaku 2:13

Maana ophukiwa onttela orettikhana wohiivo tthakaraka khwa otule ahirumeyeleeni tthakaraka. Tthakaraka enshintta ophuka.

Tiyaaku 3:17

Ila akhili enlankhaaye pinkuuni, omwanzweene swaafi, elottelanaka pi za wiitthaala, zookemaani, zootthantta, zawiitaala huruma na mishumo zooshapweya, zoohitarawu na zoohisanki.

1 Pheeturu 2:10

Raku mweeyo hatha vattitthiiru khamwaari atthu awe, ila aphano mwa atthu a Nluku; mwaari mwihinapwekherele tthakaraka, ila aphano mwapwekherela.