Matewuzhu 5:22 - Hapari Zooshapweya

²² Ila miiyo kiniwuuzani yoori wakhula aninkatipukhelaaye ttwiiye oneekesela ophukiwa naye, na wakhula aninttukhanaaye ttwiiye ona ya olawaniwa wa afwalume ophukiwa. Na otule animuuzaaye ttwiiye yoori: ‘Nlolo!’ oninsuhi weetta vamoottho wa motthooni.

Matewuzhu 5:22 Mawu Ofanana

Mwanzo 37:4

Attwiize nawoona yoori oniiya oophetiwa ti papaaya zayita yo, khwaaza wiiphiiriwa ti ye khuhisala awahi onttakhulana saana.

Mwanzo 37:8

Attwiize khumuuzela yoori: “Apho niri weeyo onttela wiiya mfwalume eetthu fweeyo? Ama niri ti weeyo onttelaaye onilokozela?” Khutepa wiiphiiriwa mwaasa wa jozi etile na mattakhuzi awe.

Matewuzhu 10:17

Mwiiyane phoole, maana atthu anlawa oottheni nnyupa woophukaniwamo na wuujaphani mmasinakooka mwaya.

Matewuzhu 10:28

Mwihiwoove apale anuulaaye mwiili, ahina owahi wa wuula nafusi. Khapula mwimoove otule anwahaaye otapanya mwiili na nafusi khweeselela motthooni.

Matewuzhu 12:24

Mafwarizeewu akina noosiila toowo khuri: “Otu oniikara masheethwani paasi khwa owahi wa Belezibuuli, mfwalume wa masheethwani.”

Matewuzhu 17:5

Pheeturu eettaka ottakhula nalelo, khupuwa liwiku lawaara khuwaafinikha, nttumpho khupuwamo huula yaari oraaye: “Otu Mwanaka wompheta na wookituvela channu. Mwinsiileze!”

Matewuzhu 18:21

Aphano Pheeturu khumwaattama Yinsa khumuuzela yoori: “Mbwana, amana ttwiiyaku akikosa kinswamihi swaafu kavi? Swaafu sapa?”

Matewuzhu 18:35

Paapa wa pinkuuni onttela oretta etthiipo, amana mweeyo mwihinswaamihi ttwiiyenu na rooho yenu yooshi.”

Matewuzhu 23:15

“Olaanikha pu weenu mweeyo anamanozela a kano na mafwarizeewu, manaafikhi, maana mweeyo mwinlokha pahari na mwineettetta nti wooshi mweekesaka owaathuula atthu mwiwaatthe ntiini mweenu. Na amana mwimpattha ntthu aya oto onretteya swaafu piiri wiiya mwaana wa motthooni zayita mweeyo.

Matewuzhu 23:33

Nyookha! Ojama wa evili! Mwinttela owerawera toovi hukhumu ya motthooni?

Matewuzhu 25:41

“Aphano ye onttela owooza apale a nkhono nkha awe yoori: ‘Anamalaanikha mwikaattuwe! Mweette omoottho wa mileele, waattaleleliweeyo sheethwani na malayikha awe.

Matewuzhu 26:59

Mahaakhimu a tiini na Mashawuriiya ooshi aari weekesa oshaahiti woovonyeya khwa Yinsa yoori anhukhumwele ofwa.

Matewuzhu 3:17

Huula ya olankha pinkuuni khuri: “Otu mwanaka wompheta, na wookituvela channu!”

Matewuzhu 5:34

Ila miiyo kiniwuuzani yoori, mwihilaphe hatha vattitthiiru: wala khwa vitthu za pinkuuni, maana khukulu ya Nluku;

Matewuzhu 5:44

Ila miiyo kiniwuuzani yoori, mwiwaaphete maatuwi enu na mwiwaalompele apale anuulupatthanini,

Maaruku 14:55

Mahaakhimu a tiini na Mashawuriiya ooshi aari weekesa onsikanana paathuli moote Yinsa yoori anhukhumwele ofwa, ila khuhinsikanani hatha moote.

Maaruku 15:1

Supuyeene, khukusanyeya mahaakhimu a tiini, attunkhulu a tiini, anamanozela a kano na mashawuriiya ooshi, khunfuka Yinsa khunthuula khumwinkha Pilaatu.

Luuka 12:5

Ila miiyo kinuuthoonyezani paani wa omoova: mwimoove Nluku, otule paata ya wuula mwiili, ariina owahi wa weeselela motthooni. Oto ti mwiriina ya omoova.

Luuka 22:66

Noocha khukusanyeya attunkhulu a mahaakhimu a tiini na anamanozela a kano, khuruma olawaniwa Yinsa wa mashawuriiya.

Yaahaya 11:47

Aphano mahaakhimu a tiini na mafwarizeewu khuwaakhuwela Mashawuriiya khusala awooza yoori: “Niri je? Okho owaakho mwinyi oto anrettaaye alama zawaatta za minjuza.

Yaahaya 15:25

Ila epo zaya zarettikhana yoori lilikaniseliwe nttakhuzi ntthile laatikhiweeyo nkatthi wa kano zaya yoori: ‘Yo eephiiriwa ti miiyo woohiivo hatha kiiswa.’

Yaahaya 7:20

Atthu apale khujipu yoori: “Weeyo ona sheethwani! Antakhaaye owuula ti paani?”

Yaahaya 8:48

Mayaahuuti khumuuza Yinsa yoori: “Fweeyo khanivonyeleeni olupa yoori weeyo o nsamariiya na onaaye sheethwani.”

Khaazi 17:18

Asomi akina ashikola yaari wiitthiwaaye Epikure na kiina yaari wiitthiwaaye Eshitoyiku khusala akheetisanana na Paawulu. Akina khusala alupa yoori: “Otu woothaala nkhanyo onri niini apha?” Akina khusala alupa yoori: “Talili oniwaalupa a miluku oohijuweyi,” maana Paawulu aari otafusiri hapari zooshapweya monkoni wa Yinsa na monkoni wa osisimuwa.

Khaazi 22:30

Aphano mmeesho mwaya nttunkhulu otule aari otakha ojuwa saaneene niini mayaahuuti aari onlokovezelaaye Paawulu. Khunfukulela na khurumisa okhuweliwa mahaakhimu a tiini na Mashawuriiya aya ooshi. Khuruma otiisiwa Paawulu khunttha vakatthi vaya.

Khaazi 23:1

Paawulu khuwaakhontolela maasho Mashawuriiya apale, khuri: “Attwiizaku, kineettettana Nluku, mpakha leelo eti rooho yaka khinikinkha hatha paathwili!”

Khaazi 24:20

Ama apa ariiye apha alupe husuti akisikananiyeeyo wakathi kaathuuliweevo kilawaniwa wa Mashawuriiya,

Khaazi 4:15

Khuwaaruma yoori asaruwemo nnyupa khuulu ya mashawuriiya. Aphano attunkhulu apale khwaaza owazisana shawuri araka:

Khaazi 5:21

Asiiliyeevo mattakhuzi apale, khulankha mmeesho mwaya supuyeene khulawa Nnyupa Woosifwiwamo khwaaza osomisa. Haakhimu nwulu wa tiini na ashirikhaawe, khuwaakhuwela Mashawuriiya na attunkhulu a tiini ooshi a Ezirayiilu khuruma olawa osaruliwa maaswihaapa nkalapooso.

Khaazi 5:27

Khulawa khuwaathuula khuwaatiisa wa Mashawuriiya, haakhimu nwulu wa tiini khuwoozela yoori:

Khaazi 6:12

Khwa ethiito, khuwaatapanya atthu, attunkhulu a tiini na anamanozela a kano, khunkhola Shiteevawu khunthuula khulawana wa Mashawuriiya.

Khaazi 6:15

Wakathi amwekesiyeevo, ooshi apale eekhaliyeeyo nyuupa khuulu ya Mashawuriiya khusala oona wuuso awe wuupuwaka nkhama wa nlayikha.

Khaazi 7:37

“Na aari Munsa othuuto awooziyeeyo meezirayiilu yoori: ‘Nluku onlawa ampuwise khwa attwiizenu napiyu mmote nkhama miiyo.’

Arooma 12:10

Mwijinkhe mmote na nzeenu nkhama pheta ya ntthu na ttwiiye. Mwihithari owaakhirimu azeenu zayita mweeyenaru.

1 Akorintiyu 6:10

wala manantarawu, asokho, ananhapaliwa, amwanomwaano wala anamattettekha khanteela orithi ofwalume wa Nluku.

1 Akorintiyu 6:6

Ila, ttwi mmote onlawa omphuka ttwiiye nnyupa woophukaniwamo, na etthiipo omaasho wa makaafiri.

1 Atizaloonika 4:6

Khwa vitthu zaya epo, ahiiyevo animoonisaaye olwaaza ttwiiye wala ahinttettekhe. Mbwana onteela ohukhumu zoorettiwa zaya epo, nkhama etthiipo naalupiyeezo na khuuchimulelani.

Tiitu 3:2

ahinttakhule ntthu wootakhalavo, eeye oonyamala, oopheta, okemaani na asala athoonyeza ojipushuwisa khwa anaatamu ooshi.

Meepereewu 12:25

Phoole mwihikatthale onsiileza otule anttakhulaaye. Maana nkhama khavukheeni apale akatthaliyeeyo onsiila otule aari owoozaaye vathi apha, khanitepeeni fweeyo amana nimwanswi otule aninhirimizaaye wa pinkuuni.

Meepereewu 5:9

Paata ya okhamilikhisiwa khwinkhiwa wiiya naattuuttu wa nusura ya mileele ya apale ooshi aninshututelaaye,

Tiyaaku 2:20

Weeyo nlolo! Ontakha othoonyeza yoori amini yoohilokoziwi ti khaazi khina fwayita?

Tiyaaku 3:6

Nlimi moottho. Ye olumwenku wa vitthu zootakhala; linaaye puuro mmwiili mweetthu limmwazela mwiili eetthu wooshi nkhama moottho woolankha motthooni, na linsikhanyela ohaayi eetthu wooshi.

1 Pheeturu 2:23

Wakathi aari ottukhaniwaavo khaari orutisa; wakathi aari ohowaavo khaari otuturusha, ila aari ojinkha wa otule amphukaaye khwa shariya.

1 Pheeturu 3:9

Yootakhala mwihiriphe khwa yootakhala, wala mattukhano khwa mattukhano; olikha toowo mwijipu khwa mattakhuzi a parakha, maana mwakhuweliwa yoori mwirette etthiipo, yoori mwipwekherele parakha khwa erathi.

1 Yaahaya 2:9

Otule anraaye oneettetta nnuuru, ila khusala eephiiriwa ti ttwiiye, oto aya nalelo ori n'yiiza.

1 Yaahaya 3:10

Etthiipo phi anjuweyaavo apale eeyiye aana a Nluku na apale eeyiye aana a sheethwani: otule ahineettettisaaye shariya oto khahi wa Nluku na otule ahinimphetaaye ttwiiye pi etthiipo.

1 Yaahaya 5:16

Nkhama ntthu amoona ttwiiye eettaka oretta twampi ehinimweettanaaye muufwa, ona yonvekela Nluku, ye ontta omwinkha ohaayi. Kininlupa otule twampi ehinimweettanaaye muufwa. Ila ewaapho twampi entanaaye ofwa, miiyo akiwuuzeenini yoori mwilompele twampi ya eto.

Yuuda 1:9

Khwa zooshi epo, hatha nttunkhulu wa malayikha Minkhayilu, wakathi aari onyakulisananaaye Sheethwani monkoni wa mwiili wa Munsa, ye khaatakhiye onlokoveza sheethwani na mattukhano, ila paasi aalupiye yoori: “Mbwana ti ooshowere!”

Othoonyeziwa 20:14

Aphano ofwa na Ahera khweeseleliwa va ntthatta la moottho. Ntthatta la moottho pi ofwa wa phiiri.