Matewuzhu 5:16 - Hapari Zooshapweya

¹⁶ Khwa nanna ethiito nuuru yenu mweeyo yaare vakatthi wa atthu, yoori oone khaazi zenu na ansifu Papeenu, ariiye pinkuuni.

Matewuzhu 5:16 Mawu Ofanana

Matewuzhu 23:5

Zooshi anrettaazo antakha yoori ooniwe pi anaatamu. Yo anjifukela hirizi mmwishwa mwaya, na olepisa mashaka a ajapi zaya.

Matewuzhu 23:9

Ahiiyevo vathi apha mwinttelaaye omwinkha khalamu ya ‘opaapa’, maana Papeenu ori mmote paasi, otule ari pinkuuni.

Matewuzhu 5:45

yoori mweeyo mwiretteye wiiya aana a Papeenu ariiye pinkuuni. Maana ye oniwaatthamushela njuwa apale anrettaaye zooshapweya na apale anrettaaye zootakhala. Na oniwenkha vuula anashariya na apale ohitakhi shariya.

Matewuzhu 6:16

“Amana mwifuka, mwihithoonyeze wuuso wa huzuni nkhama anrettaazo manaafikhi, yo antta ozukulisa wuuso aya yoori atthu akina ajuwe yoori afuka. Miiyo kiniwuuzani khweele yoori, nooretta toowo apokhera tthuvo yaya.

Matewuzhu 6:9

Nakataalikha, mweeyo amana mwilompaka mwisala mwiri toono: “ ‘Papeetthu oriiye pinkuuni, littitthimisiwe nzina lawo loottakatthifu,

Matewuzhu 9:8

Paata ya atthu woona vitthu epile khuwaapattha woova, khunsifu Nluku, awenkhiyeeyo anaatamu ofwalume nkhama opo.

Luuka 11:2

Aphano, Yinsa khuwooza yoori: “Amana mwilompaka, mwisala toono: “Papeetthu, littitthimisiwe nzina lawo loottakatthifu. Wiishushe Ofwalume awo.

Yaahaya 15:8

Paapa onsifwiwa mwaasa wa mweeyo wiima mishumo zawaatta, etthiipo enthoonyeza yoori mweeyo mwa anakhiyoni aka.

Khaazi 9:36

Yoope aariwo nakhiyoni wankha aari wiitthiwaaye Tabita, khwa luuka ya ekereeku enriwa Dooroka. Ye aari oretta vitthu zooshapweya na winkha zimola.

1 Akorintiyu 14:25

na siiri za nroho mwawe enteela osaruwa, khwa etthiipo, ye onkokhora afiise ajihi vathi, na omwaaputu Nluku anyakulaka araka: “Wekhweele Nluku ori vakatthi venu!”

2 Akorintiyu 9:13

Khwa wooneya wa khaazi eto mwinkholaaye, akina anlawa ansifu Nluku khwa oshututi onlokozaaye otukhuru yoori mweeyo mwinretta hapari za Al-Masiihu khwa winkha woohilikheleli weenu wa omeelana vitthu na yo na khwa akinoko aya ooshi.

Akaalata 1:24

Na yo khumwinkha siifwa Nluku mwaasa wa miiyo.

Ayeefezu 2:10

Maana naazumpe za wumpiwa ti Nluku khwa Yinsa Al-Masiihu yoori nirette vitthu zooshapweya, epile Nluku atthenkeziyeeyo khapula yoori fweeyo neettettele.

Ayeefezu 5:8

Maana raku mwaari atthu a n'yiiza, ila aphano mwa nuuru khwa Mbwana. Meekhazi enu eeye nkhama aana a nnuuru.

1 Atizaloonika 2:12

Fweeyo ninuutumerelani, ninuuzuruni na nilazaka oshaahiti yoori mweeyo mwiikhale nanna ensuhaaye khwa Nluku, otule anuukhuwelelaanini yoori mwirette phantte muufwalume mwawe na nsiifwa mwawe.

1 Timootiyu 2:10

oshapweya waya wiiye wa khaazi zooshapweya nkhama aakha animwaaputwaaye Nluku.

1 Timootiyu 5:10

Eeye muukha woojuwaniwa oretta vitthu zooshapweya, woowaalela saana aanaawe, woomakeleya, ama eeye muukha aari woosakaaye moolu a atthu oottakatthiifu a Nluku, aari owaawunakaaye anamathowiwa na aari okholakaaye khaazi zooshi zooshapweya, othuuto ti aatikhiwe nwarakha ya anamafweliwa pi amanna zaya.

1 Timootiyu 5:25

Khwa nanna ethiito naye khaazi zooshapweya zinooneya, hatha epile zoohooneyi khazinwahi ojivitha.

1 Timootiyu 6:18

Owaahirimize oretta saana na eeye mathaajiri a khaazi zooshapweya, awiiyana rooho yooleva na wiiya atthu anwahaaye omeela epile aniiyanaazo.

Tiitu 2:14

Ye ajinkha khwa zwaamu yeetthu fweeyo yoori anitaphule khwa vitthu zootakhala na anitwahareshe niiye atthu awe monkoni wa weettettisa mwentto wooshapweya.

Tiitu 2:7

Khwa zooshi, weeyo wiiye nthoonyezo khwa yo, orettaka vitthu zooshapweya. Amana osomisaka wiiye weekhweele na woolotteya.

Tiitu 3:14

Atthu eetthu ana ya ojinozela oretta vitthu zooshapweya na awaawunaka azaaya nkatthi wa tafwawuthi, wakhula siikhu, na ahiiye ooviliwa.

Tiitu 3:4

Ila paata ya ojithoonyeza emaani ya Nluku Namuusuru eetthu na pheta yawe khwa anaatamu ooshi,

Meepereewu 10:24

Nina yoojalina mmote na nzeetthu yoori nilipiselane nkatthi wa pheta na oretta vitthu zooshapweya.

1 Pheeturu 2:12

Mwiikhale nkhama nthoonyezo vakatthi wa makaafiri, yoori hatha nkhama yo antta wuulokovezani oretta vitthu zootakhala, oone khaazi zenu zooshapweya na anttitthimise Nluku siikhu yoophukiwa.

1 Pheeturu 2:9

Nakataalikha, mweeyo mwa peewu yoothawuliwa, onamalokozela wa tiini wa mfwalume, khapila ttakatthiifu, atthu mwiiyiyeeyo a Nluku, yoori mwilaleye owula wa otule ookhuweliyeenini n'yiiza khuutthaani nnuuru mwawe wooshwapweyamo.

1 Pheeturu 3:1

Khwa nanna etthiipo, mweeyo aakha mwina ya owaashitahi amanna zenu, yoori nkhama yo khankhupalela nttakhuzi la Nluku, afiyelele okhupali mwaasa wa menttezi enu, woohuuziwi hatha nttakhuzi,

1 Pheeturu 3:16

Khwa zooshi, mwirette epo khwa emaani na shitaha mwithokorelaka akhili zooshapweya, khwa nanna yoori apale anttakhulaaye wootakhalavo khwa menttezi enu ooshapweya khwa Al-Masiihu, ewaapatthe haaya na ohankawaani aya.

1 Pheeturu 4:11

Otule anttakhulaaye, attakhule nkhama antafusiraaye nttakhuzi la Nluku; otule anrumeyaaye ti arumeye khwa kuvu enkhiweeyo ti Nluku, yoori khwa vitthu zooshi Nluku asifwiwe khwa Yinsa Al-Masiihu, otule eeyiye ottitthima na owahi khwa mileele. Amiina.

1 Pheeturu 4:14

Nkhama mwintta ottukhaniwa mwaasa wa nzina la Al-Masiihu, mwa wooparikhiyiwa, maana Rooho ya ottitthima yiiyiye Rooho ya Nluku entthuluza khwa mweeyo.