Matewuzhu 4:3 - Hapari Zooshapweya

³ Namazayini khumwaattama khumuuza yoori: “Nkhama weeyo o Mwaana wa Nnyizinku, orume mawe apo athatuwe eeye phaawu.”

Matewuzhu 4:3 Mawu Ofanana

Olaawo 16:3

Alupaka yoori: “Afwataali nkhono wa Nnyizinku onuuleeliye Misuri! Maana okhu fweeyo naari wiiya nshini wa vikhalako za nyama na naari ojaka etthu yoojiwa woohiivo hatha shaakha mpakha orupala, ila mweeyo khunitiisa n'yaara mphu yoori mwinuule jala fooshi fweeyo.”

Matewuzhu 14:33

Apale aari mmwaatiya khumwaaputu alupaka yoori: “Khweele weeyo o Mwaana wa Nluku.”

Matewuzhu 16:16

Simawu Pheeturu khujipu yoori: “Weeyo o Al-Masiihu, Mwaana wa Nluku wa ohaayi.”

Matewuzhu 26:63

Ila Yinsa nalelo khwiiya woonyamala. Haakhimu nwulu wa tiini khumuuza yoori: “Kinuuvekela yoori weeyo olaphe khwa Nluku woohaayi, nkhama weeyo o Al-Masiihu, mwaana wa Nluku, onuuze.”

Matewuzhu 3:17

Huula ya olankha pinkuuni khuri: “Otu mwanaka wompheta, na wookituvela channu!”

Maaruku 1:1

Omwanzo wa hapari zooshapweya za Yinsa Al-Masiihu, Mwaana wa Nluku.

Maaruku 3:11

Wakhula swaafu masheethwani aari omoonaavo, eetta onkokhorela omaasho wawe na onyakula araka: “Weeyo o Mwaana wa Nluku.”

Maaruku 5:7

Khukhuwa na huula yawe yooshi araka: “Onikitakhelani miiyo, Yinsa mwaana wa Nluku Nwulu? Kinuuvekela khwa Nluku yoori ohikihukhumu!”

Luuka 1:35

Nlayikha khujipu liraka: “Rooho Ttakatthiifu entta owiishukhela, owahi wa Nwulu wa Pinkuuni onttela wuufinikha na yiivuuli yawe. Tiito mwaana onttelaaye ompattha, onteela wiitthiwa Ttakatthiifu, Mwaana wa Nluku.

Luuka 22:70

Aphano ooshi khumuuzela yoori: “Apho niri weeyo o Mwaana wa Nluku?” Yinsa khujipu araka: “Apho mweeyo mwalupa.”

Luuka 4:3

Sheethwani khumuuza yoori: “Nkhama o mwaana wa Nluku, orume liwe nttho lithatuwe liiye phaawu.”

Luuka 4:41

Theenya aarivo atthu awaatta aari owaasaruwaaye masheethwani, anyakulaka araka: “Weeyo o mwaana wa Nluku!” Yinsa khusala amaruwa alikhisaka masheethwani apale ottakhula, maana yo aari ojuwa yoori ye ti Al-Masiihu.

Luuka 4:9

Aphano sheethwani khunlawana Yeruzaleemu khunweza vatulu woolepavo wa Nyuupa Yoosifwiwamo, khumuuza yoori: “Nkhama o mwaana wa Nluku, ojeeselele vathi aphale.”

Yaahaya 1:34

Miiyo koona vitthu epo, tiito kinlawelaaye oshaahiti yoori ye Mwaana wa Nluku.”

Yaahaya 1:49

Attaaphale Natanayeele khushanka khuri: “Rabi, weeyo o Mwaana wa Nluku. Weeyo O Mfwalume wa Ezirayiilu!”

Yaahaya 20:31

Ila epi zaatikhiwa yoori mweeyo mwikhupali yoori Yinsa ti Al-Masiihu, Mwaana wa Nluku na yoori amana mwinkhupali mwiiyane ohaayi khwa nzina lawe.

Yaahaya 9:35

Yinsa khusiila yoori mwinyi otule eekariwa nsinakooka. Khulankha olawa omweekesa nonsikana khumuuzela yoori: “Weeyo oninkhupali Mwaana wa Pinaatamu?”

Khaazi 9:20

Wakathi otthuupule khwaaza olaleya mmasinakooka araka Yinsa Mwaana wa Nluku.

2 Akorintiyu 1:19

Maana mwaana wa Nluku, Yinsa Al-Masiihu atafusiriweeyo vakatthi venu ti miiyo, na Siila mpakha Timootiyu khayaari “aaa” na “wala”, ila khwa ye wakhula wakathi yaari “aaa”!

Akaalata 2:20

Kakhomeliwa vamote na Al-Masiihu. Ohaayi opu kiriina nasaapi eti khayi waka, ila Al-Masiihu ti aniikhalaaye khwa miiyo; na ohaayi onikiikhazaaye nasaapi eti khwa mwiili aka kiniikhala khwa amini ya Mwaana wa Nluku, othuuto akiphetiyeeyo khujinkha mweenyeweene khwa zwaamu yaka miiyo.

1 Atizaloonika 3:5

Mwaasa wa ethiito, khuhivileli theenya, khunruma Timootiyu yoori alawe ajuwe monkoni wa amini mwiriinaaye. Maana miiyo kaari woova yoori namazayini ahuuzayinini, mpakha khaazi yeetthu yooshi eretteya ohiina fwayita.

Meepereewu 12:16

Ahiiyevo njafu ama namakufurwela vitthu ttakatthiifu, nkhama Ezawu otu oozanyisiyeeyo lifunku lawe la ottunkhulu mwaasa wa parathu moote ya etthu yoojiwa.

Meepereewu 4:14

Nakataalikha ninaaye haakhimu nwulu wa tiini, Yinsa Mwaana wa Nluku, othuuto aweliyeeyo pinkuuni nikholelele woolipanavo amini nintukhurwaaye.

Meepereewu 7:3

Woohijuwiwi papaawe, wala mamaawe, ojama awe, omwanzo wa siikhu zawe, wala mwiisho wa ohaayi awe, ila wawumpiwa nkhama Mwaana wa Nluku, khwiiya namalokozela wa tiini khwa mileele.

1 Yaahaya 3:8

Otule anrettaaye twampi oto ntthu wa sheethwani, maana sheethwani namaretta twampi thanku omwanzo. Ti swapwapu yooperekhiwa Mwaana wa Nluku yoori ate apweche khaazi za sheethwani.

Othoonyeziwa 2:10

Mwihoove etthu enttelaaye wuuhoochani nasaapi eti. Sheethwani oniweeselela akina a mweeyo nkalapooso yoori aweezeni, na mwinteela ohoowa monkoni wa olupatthiwa khwa siikhu khumi. Mwiiye awaamineya mpakha ofwa, na miiyo kintta owinkhani jarata ya ohaayi.