Matewuzhu 28:18 - Hapari Zooshapweya

¹⁸ Aphano Yinsa khuwaattama khuwooza yoori: “Kenkhiwa ofwalume pinkuuni na vathi.

Matewuzhu 28:18 Mawu Ofanana

Matewuzhu 11:27

Vitthu zooshi kenkhiwa ti Paapa. Khina aninjuwaaye Mwaana woohiiyi Paapa, na khina aninjuwaawe Paapa woohiiyi Mwaana na otule Mwaana anintakhelaaye onthoonyeza.

Matewuzhu 16:28

Miiyo kiniwuuzani khweele yoori, awaapho apha atthu akina ahinttelaaye ofwa ahimooneni khapula Mwaana wa Pinaatamu ataaka muufwalume mwawe.”

Matewuzhu 26:64

Yinsa khujipu yoori: “Weeyo walupa. Ila miiyo kiniwuuzani mooshi mweeyo yoori, enttela ofiya siikhu mwinttelaaye omoona Mwaana wa Pinaatamu eekhaliye nkhono nlume wa Nwahi Zooshi, ataaka khwa mawiku a pinkuuni.”

Luuka 10:22

“Zooshi kenkhiwa ti Paapa, na khaavo aninjuwaaye Mwaana woohiiyi Paapa, wala aninjuwaaye Paapa woohiiyi Mwaana, na otule Mwaana anintakhelaaye yoori anjuwe.”

Yaahaya 13:3

Yinsa aajuwiye yoori Paapa vitthu zooshi attha mmakhono mwawe, na alankhiye wa Nluku na aari orutela wa Nluku,

Yaahaya 17:2

Maana wamwinkha ofwalume khwa anaatamu ooshi, yoori awenkhe ohaayi wa mileele ooshi apale omwinkhiyeeyo.

Yaahaya 3:31

Otule anlakhaaye otulu weekhweele ori vatulu wa vitthu zooshi. Otule ari wa vathi ti wa vathi na onttakhula vitthu za vathi; ila otule alankhiyeeyo pinkuuni ori vatulu wa vitthu zooshi.

Yaahaya 3:35

Paapa onimpheta Mwanawe na zooshi attha mmakhono mwawe.

Khaazi 10:36

Mweeyo mwinjuwa nttakhuzi Nluku aaperekhiyeeyo vakatthi wa atthu a Ezirayiilu, alaleyaka monkoni wa hapari zooshapweya za heeri khwa Yinsa Al-Masiihu, Mbwana wa atthu ooshi.

Khaazi 2:36

“Nakataalikha, atthu ooshi a Ezirayiilu ana yoojuwa yoori: Yinsa, othuuto mweeyo mwankhomeliyeeyo, Nluku amwinkha wiiya Mbwana na wiiya Al-Masiihu.”

Arooma 14:9

Tiito Al-Masiihu afwiiyeeyo na khusisimuwa yoori eeye Mbwana wa apale afwiiyeeyo na apale ari haayi.

1 Akorintiyu 15:27

Maana ye “zooshi attha vathi wa moolu awe.” Na amana eriwa “vitthu zooshi attheeliwa vathi wa moolu awe”, wekhweele enlupa yoori khatthiiweenimo Nluku mweenyeweene, otule amwinkhiyeeyo zooshi Al-Masiihu.

Akoloosu 2:10

mwaasa wa wiiya khwa ye, eeyiyeeyo eeshwa ya owahi wooshi na ofwalume, mweeyo mwapattha okhamilikha khwa zooshi.

Meepereewu 1:2

Ila siikhu epi za mwiisho anittakhulana vakatthi veetthu khwa Mwanawe, othuuto amwinkhiyeeyo wiiya namarithi wa vitthu zooshi na khwa vakatthi vawe Nluku ompa olumwenku.

Meepereewu 2:8

vitthu zooshi wattha vathi wa moolu awe.” Omwinkhaka vitthu zaya epo, khina etthu moote olikhiyeeyo ohittheeni nkatthi wa ofwalume awe. Ila apha, nalelo khaninoone yoori vitthu zooshi enkhiwa.

1 Pheeturu 3:22

aweliyeeyo pinkuuni na ori nkhono nlume wa Nluku; ye onlokozela malayikha, ofwalume na owahi wooshi.

Othoonyeziwa 11:15

Nlayikha la saapa khuvumisa nlope laya, pinkuuni khupuwawo huula zookhomaala zaari oraaye: “Ofwalume wa olumwenku waretteya wiiya wa Mbwana eetthu na Al-Masiihu awe, na onteela olokozela khwa mileele.”

Othoonyeziwa 17:14

Anlawa oomanane Pwittipwitthi, ila Pwittipwitthi yawaashintte maana ti Mbwana wa ambwana na Mfwalume wa afwalume, na ye awaashintta vamote na anamakhuweliwa awe, anamathawuliwa awe na anamwamineya awe.”

Othoonyeziwa 19:16

Khwa ajapi yawe na maphaja awe yaatikhiwamo yoori: mfwalume wa afwalume na mbwana wa ambwana.