Matewuzhu 27:56 - Hapari Zooshapweya

⁵⁶ Vakatthi vaya aarivo Mariyamu Mataleena, Mariyamu mamaawe Tiyaaku na Yuusufu na Maama wa aana a Zepeteewu.

Matewuzhu 27:56 Mawu Ofanana

Matewuzhu 13:55

Otu khahi mwaana wa kalapinteero? Nzina la mamaawe khahi Mariyamu, attwiize khayi Tiyaaku, Yuusufu, Simawu na Yuuda?

Matewuzhu 27:61

Mariyamu Mataleena na Mariyamu nkina, eekhaliye attaaphale omaasho wa khapuri.

Matewuzhu 28:1

Paata ya ovirisa Saapatu, yeettelaka waaziwa siikhu ya mwanzo ya sumana, Mariyamu Mataleena na Mariyamu nkina khulawa woona khapuri.

Maaruku 15:47

Mariyamu Mataleena na Mariyamu mamaawe Yuusufu, aarettiye eettaka woona na khoona mwiili wa Yinsa vahali waatthiiweevo.

Maaruku 16:9

Wakathi Yinsa asisimuwiyeevo lifwajiri la siikhu ya mwanzo ya sumana, khumpuwelela omwanzo ene Mariyamu Mataleena, otule eekariweeyo mmwiili mwawe masheethwani sapa.

Luuka 24:10

Aakha aari Mariyamu Mataleena, Zhuwaana na Mariyamu mamaawe Tiyaaku na aakha akinoko aalawaniyeeyo ottuukhu. Yo khuwooza maaswihaapa vitthu epile.

Luuka 8:2

na theenya aakha akinoko aya apale aavonisiweeyo masheethwani na marati: Mariyamu aari wiitthiwaaye Mataleena, otule ansaruwiyeeyo masheethwani sapa,

Yaahaya 19:25

Kharipu ya vansalapa wa Yinsa aarivo mamaawe, na ttwiiye mamaawe, na Mariyamu muukha wa Kolopa, na Mariyamu Mataleena.

Yaahaya 20:1

Jumwa phiili supuyeene, Mariyamu Mataleena khulawa okhapuri, khoona liwe ntthile laattiyelaniweeyo khapuri lilaziwevo.

Yaahaya 20:18

Aphano Mariyamu Mataleena khulawa khuwooza anakhiyoni a Yinsa yoori: “Kamoona Mbwana!” Na khuwooza zooshi epile oziweeyo ti Yinsa.