Matewuzhu 25:34 - Hapari Zooshapweya

³⁴ “Aphano Mfwalume onttela owooza apale anttelaaye wiiya nkhono nlume yoori: ‘Mwite mweeyo ooparikhiyiwa ti Paapa! Mwipwekherele ofwalume nkhama eritho mwitthenkezeliweeyo thanku wumpiwa wa olumwenku.

Matewuzhu 25:34 Mawu Ofanana

Matewuzhu 13:35

Eto yaari orettikhana yoori eretteye etile yaalupiweeyo ti napiyu yoori: “Kinteela ofunula milomo zaka khwa nlikaniso, na olaleya vitthu zoovitheya waaza wumpiwa wa olumwenku.”

Matewuzhu 19:29

Ooshi apale alikhiyeeyo vaje vaya, attwi zaya, alupu aya, papaaya, mamaaya, aanaaya ama mashapa aya, mwaasa wa miiyo, anlawa apwekhere swaafu miiya na orithi ohaayi wa mileele.

Matewuzhu 20:23

Aphano Yinsa khuri: “Weekhweele mweeyo mwinteela onywela jiikira yaka, ila wiikhala nkhono nlume aka ama nkhono nkha khahiyo miiyo kinlupaaye. Maana puuro eto ti yawe otule atthenkezeliweeyo ti Paapa.”

Matewuzhu 21:5

“Muuze sitati ya Siyoni yoori: ‘Omoone, mfwalume awo ontta wuuteela woojipushuwisavo, aweliye va mwaana wa puuru, mwaana wa nyama yoopakhira.’ ”

Matewuzhu 25:21

“Mbwanaawe khunjipu yoori: ‘Kemaani, karumeya wooshapweya na wa waamineya! Weeyo waamineya khwa ttiitthiiru, apho kintta owinkha yawaatta. Ote ofurahi vamote na Mbwana awo.’

Matewuzhu 25:23

“Mbwanaawe khunjipu yoori: ‘Kemaani, karumeya wooshapweya na wa waamineya, weeyo waamineya khwa ttiitthiiru, miiyo kiniwinkha zawaatta. Ote ofurahi na Mbwana awo.’

Matewuzhu 25:40

“Mfwalume khujipu yoori: ‘Kiniwuuzani khweele yoori, etile mweeyo mwiwaaretteliyeeyo mmote wa attwiizaku apa attiitthi, mwakirettela miiyo.’

Matewuzhu 25:41

“Aphano ye onttela owooza apale a nkhono nkha awe yoori: ‘Anamalaanikha mwikaattuwe! Mweette omoottho wa mileele, waattaleleliweeyo sheethwani na malayikha awe.

Matewuzhu 27:37

Vatulu wa eeswa yawe khutthiiwavo lipawu laatikhiweeyo khwa olokoveziwa wawe yoori: “otu ti yinsa, mfwalume wa mayaahuuti”

Matewuzhu 3:2

araka: “Mwithupwiye, maana Ofwalume wa pinkuuni ori kharipu.”

Matewuzhu 5:19

Wooshi otule anttelaaye okhijilela oruma mmote, hatha nkhama weetta opushuwa, na khuwaanozela akinoko oretta etthiipo, onteela wiitthiwa yoori woopepheya muufwalume wa pinkuuni; ila wakhula otule anshututelaaye na khusomisa oruma waya opu, onteela wiitthiwa yoori nwulweene muufwalume wa pinkuuni.

Maaruku 10:17

Wakathi Yinsa aari weettelaaye osaruwa, mwinyi mmote khutthira amweettelaka khulawa khunkokhorela na khumuuzela yoori: “Mwaaliimu woosaana, kirette niini yoori kipatthe ohaayi wa mileele?”

Maaruku 10:40

ila phantte eto ya wiikhala nkhono nlume aka ama nkhono nkha khahi miiyo kininkhaaye. Maana puuro yaya eto ti ya apale atthenkezeliweeyo.”

Luuka 11:28

Ila Yinsa khunjipu araka: “Ooparikhiyiwa pi apale ansiilaaye nttakhuzi la Nluku khushututela.”

Luuka 11:50

Mwaasa wa epo, atthu apa a leelo anttela ohukhumwiwa khwa taamu ya manapiyu ooshi ooliiweeyo thanku wumpiwa wa olumwenku.

Luuka 12:32

Yinsa khulupa theenya araka: “Mwihoove mweeyo mwiiyiye nkhama khuntti ttiitthiiru ya pwittipwitthi, maana Papeenu ti ye atakhiye owinkhani ofwalume awe.

Luuka 19:38

araka: “Aparikhiyiwe mfwalume antaaye khwa nzina la Mbwana. Yiiyewo heeri pinkuuni na siifwa otulu.”

Yaahaya 1:49

Attaaphale Natanayeele khushanka khuri: “Rabi, weeyo o Mwaana wa Nluku. Weeyo O Mfwalume wa Ezirayiilu!”

Yaahaya 12:13

Khuthuula virapi za mirita, khusala alawa onkutthanana ye, anyakulaka araka: “Ozaana! Wooparikhiyiwa ti otule atiiyeeyo khwa nzina la Mbwana, wooparikhiyiwa ti Mfwalume wa Ezirayiilu!”

Yaahaya 17:24

“Paapa, niiya yaka ti yoori attaapho kiriivo miiyo na yo eeye attaapho ooshi apale okinkhiyeeyo, yoori oone siifwa okinkhiyeeyo, maana wakipheta khapulathi olumwenku ohinompiwe.

Yaahaya 19:15

Ila yo khusala anyakula araka: “Onsarulele oje! Onsarulele oje! Akhomeliwe!” Pilaatu khuuzela yoori: “Kinkhomele mfwalume enu?” Mahaakhimu a tiini khujipu araka: “Khanina mfwalume fweeyo woohiiyi Seezari!”

Khaazi 15:18

otule alaleyiyeeyo vitthu zaya epi thanku asulani.’

Khaazi 3:26

Nluku anthawula Karumeya awe, khumperekha omwanzo vakatthi venu mweeyo, yoori ooparikhiyeni amana mwilikha oretta vitthu zootakhala.”

Arooma 8:17

Nkhama na aana, apho na anamarithi, anamarithi a Nluku na anamarithi vamote na Al-Masiihu; nkhama khweele ninhoowana khwa ye, yoori theenya nirette phantte ya ottitthimisiwa wawe.

1 Akorintiyu 15:50

Attwiizaku, miiyo kiniwuuzani mweeyo yoori mwiili na taamu khinwahi orithi ofwalume wa Nluku na etile enfwaaye khinrithi etile ehinfwaaye.

1 Akorintiyu 2:9

Nkhama yaatikhiweezo yoori: “Maasho khooneeni, mashiilo khasiileeni wala eeswa moote khiphelelezeeni etile Nluku awatthenkezeliyeeyo apale animphetaaye.”

1 Akorintiyu 6:9

Mweeyo khamwinjuwa yoori anamaretta zootakhala khanrithi ofwalume wa Nluku? Mwihijilikhelele mwihatiwaka: pi atthu twayifu, anamwaaputu sanamu, anamararuwa, hatha apale aniwaaralaaye alume azaawe,

Akaalata 5:21

nrima; ohapaliwa, osokho, na vitthu kiina zoolattanana etthiipo. Kiniwiinanelani nkhama kirettiyeezo swaafu kiina yoori apale anrettaaye vitthu epo khanteela opokherela ofwalume wa Nluku.

Ayeefezu 5:5

Maana mweeyo mwinjuwa yoori khina nshawi akhapa mmote, ama namaretta zootakhala, mpakha na apa ariina omaashokopho opu wiiyiyeeyo sanamu, apo aya khana phantte muufwalume wa Al-Masiihu na Nluku.

1 Atizaloonika 2:12

Fweeyo ninuutumerelani, ninuuzuruni na nilazaka oshaahiti yoori mweeyo mwiikhale nanna ensuhaaye khwa Nluku, otule anuukhuwelelaanini yoori mwirette phantte muufwalume mwawe na nsiifwa mwawe.

2 Timootiyu 2:12

amana nivilela, ninteela wiiya afwalume vamote na ye; amana ninkhana, na ye onteela onikhana;

2 Timootiyu 4:8

Aphano kapweheliwa jarata ya shariya, etile Mbwana namaphuka wa shariya, anttelaaye okinkha siikhu yaya ethiito; khahiye miiyo otthome paasi, ila theenya ooshi apale aneekeselaaye ota wawe.

Meepereewu 1:14

Malayikha ooshi khahi rooho zininrumeyelaaye Nluku, aperekhiyeeyo yoori ewaawuni apale anttelaaye opwekherela nusura?

Meepereewu 11:16

Ila nasaapi eti, anwejela nti wa fwayita, nti aya opo pinkuuni. Tiito, Nluku khinimpattha haaya wiitthiwa yoori Nluku waya yo, na aattalela sitati yoori owaapwekherele.

Meepereewu 4:3

Maana fweeyo nikhupaliyeeyo ninfiya puuro yoovumula nkhama etthiipo Nluku alupiyeezo araka: “Kalapha khwa katapu yaka yoori: ‘Khanteela ofiya puuro ya ovumula etile miiyo kiwaahitiyeeyo.’ ” Hatha nkhama khaazi yawe yeetta wiisha thanku wumpa wa olumwenku.

Meepereewu 9:26

Eriwaka yaari etthiipo yaari ohithajiya Al-Masiihu ohoowa swaafu zawaatta thanku waaza wa olumwenku. Ila aphano, apuwa swaafu moote paasi khwa atthu ooshi mwiisho wa wakathi, yoori anilaze twampi zeetthu khwa otwahiwa mweenyeweene.

Tiyaaku 2:5

Mwisiile, attwiizaku aphetani aka, Nluku awaathawula apale eeyiye asikhini yoori eeye mathaajiri nkatthi wa amini na weetta muufwalume awaahitiyeeyo apale animphetaaye.

1 Pheeturu 1:9

maana mweeyo mwimpattha nusura yiiyiyeeyo mwiisho wa amini yenu.

1 Pheeturu 3:9

Yootakhala mwihiriphe khwa yootakhala, wala mattukhano khwa mattukhano; olikha toowo mwijipu khwa mattakhuzi a parakha, maana mwakhuweliwa yoori mwirette etthiipo, yoori mwipwekherele parakha khwa erathi.

Othoonyeziwa 13:8

Atthu ooshi aniikhalaaye va tuniya apha anlawa aaputu nyama yawoopisa eto, ooshi apale ahaatikhiweeni mazina aya nkithaapu ya ohaayi ya Pwittipwitthi etile yuuliweeyo thanku wumpiwa wa olumwenku.

Othoonyeziwa 17:8

Nyama yawoopisa eto weeyo wooniyeeyo, yaari, ila apha khahi. Ye entakha osaruwa nkhilintti na enlotta tarikhi ya opwetheya. Apale aniikhalaaye va tuniya, mazina aya ahaatikhiweeni nkithaapu ya ohaayi thanku wumpiwa wa olumwenku anttela wiiya ooshanka amana oona nyama yawoopisa eto, maana eto yaari, ila apha khahi, na enteela ota.

Othoonyeziwa 19:16

Khwa ajapi yawe na maphaja awe yaatikhiwamo yoori: mfwalume wa afwalume na mbwana wa ambwana.

Othoonyeziwa 21:7

Otule anshinttaaye onteela orithi zooshi epi, na miiyo kinttela wiiya Nluku awe na ye onttela wiiya mwanaka.

Othoonyeziwa 5:10

Weeyo wawenkha ofwalume na wiiya mahaakhimu a tiini a Nluku eetthu, yo anttela othawala va tuniya.”