Matewuzhu 25:19 - Hapari Zooshapweya

¹⁹ “Paata ya ovira wakathi mwinkeene, Mbwana wa akarumeya apale khuruti khuretta thamani na apale aya.

Matewuzhu 25:19 Mawu Ofanana

Matewuzhu 24:48

Ila karumeya otule amana eeya wootakhala rooho, ajilupezaka mweenyewe yoori: ‘Mbwanaaka ontta orupaza,’

Matewuzhu 25:18

Ila otule enkhiweeyo nzurukhu milikhi moote khulankha khulawa khuthipa liphotto vathi khutthaavo khuvitha nzurukhu wa Mbwana awe.

Matewuzhu 25:5

Mposi khurupaza ofiya, na ooshi khuwaakhola osikizi khulala.

Arooma 4:6

Daawuuda alupa etthiipo yoori, oniiya wooparikhiyiwa ntthu otule Nluku animwinkhaaye shariya woohiiyi mwaasa wa khaazi zawe:

2 Akorintiyu 5:10

Maana fooshi fweeyo nina ya ojithoonyeza enakatthi ya Yinsa yoori niphukiwe ti ye. Na wakhula ntthu onteela opwekhera etile eninsuhaaye, khwa etile arettiyeeyo yooshapweya ama yootakhala ohaayi awe vathi apha.

Tiyaaku 3:1

Attwiizaku, enki a mweeyo mwihiiye anamasomisa, mwijuwe yoori fweeyo ninnozelaaye ninteela ophukiwa venkivene.