Matewuzhu 24:36 - Hapari Zooshapweya

³⁶ “Ila monkoni wa siikhu na wakathi khina anjuwaaye, wala malayikha a pinkuuni, wala Mwaana, ila Paapa paasi.

Matewuzhu 24:36 Mawu Ofanana

Matewuzhu 24:42

“Nakataalikha, mwijeekesele, maana khamwinjuwa siikhu anttelaaye ota Mbwana enu.

Matewuzhu 24:44

Tiito, mweeyo theenya mwiiye woojilikanisa, maana wakathi antaavo Mwaana wa Pinaatamu pi opule mwihinaakhipwelaaye.

Matewuzhu 25:13

“Nakataalikha, kiniwuuzaanini yoori mwijeekesele, maana mweeyo khamwinjuwa siikhu wala wakathi aya.

Maaruku 13:32

“Ila monkoni wa siikhu ama wakathi khina anjuwaaye, wala malayikha pinkuuni wala Mwaana, woohiiyi Paapa.

Khaazi 1:7

Yinsa khuwaajipu yoori: “Khinuuhithajiyani ojuwa wakathi ama siikhu Paapa atthomiyeeyo na ofwalume awe.

1 Atizaloonika 5:2

Maana mweeyo mwinjuwa saaneene yoori Siikhu ya Mbwana enta nkhama nantarawu osikhu.

2 Pheeturu 3:10

Nakataalikha, siikhu ya ota wa Mbwana, enteela opuwa nkhama nantarawu. Pinku enteela ozimweela na onyakula saaneene, vitthu epile za otulu enttela otapanyeya mwaasa wa nkukuku. Olumwenku na zooshi ziriimo zinteela waashikha.

Othoonyeziwa 16:15

“Moone yoori kinta nkhama nantarawu! Wooparikhiyiwa ti otule aniikhalaaye woojeekesela na wootthenkeza saana zoowala zawe yoori aheettette waazu na ehooniwe haaya yawe.”

Othoonyeziwa 3:3

Nakataalikha, muupuwele etile mwipwekhereliyeeyo na mwisiiliyeeyo: mwishututele na mwithupwiye. Ila amana mweeyo mwihijeekeseli, kinttela ota nkhama nantarawu, mweeyo khamwinteela ojuwa wakathi kinttelaaye wuuteelani.