22 Yinsa khunjipu araka: “Miiyo kiniwuuza yoori, khahiyo swaafu sapa, ila swaafu saapiini orutela swaafu sapa.
Amana Kayiini ariphiwa hukhumu swaafu sapa, Lameekhi onttela oriphiwa swaafu saapiini na sapa.”
“Khwa toowo, ofwalume wa pinkuuni ori nkhama mfwalume aari otakhaaye oretta thamani ya vitthu zawe na karumeya awe.
Na amana olompaka, khwiiyana nzaawo okosiyeeyo, onswaamihi, yoori naye Paapa wa pinkuuni oswaamihi twampi zawo.
Mwihijilikhelele oshinttiwa pi zootakhala, ila mweeyo mwishintte zootakhala khwa zooshapweya.
Mwikatipukhe, ila mwihikose, owiisheleni okatipukha waya opo njuwa lihinatupweele.
Mwiwerawere wiiphiiriwa wooshi, katapu, okatipukha, ojipwana, okufuru na vitthu zooshi zootakhala.
Mwivilelane mmote na nzeenu, mwiswaamihane mmote na nzeenu amana ntthu eeyana nlattu na nzaawe. Nkhama etthiipo Mbwana oswaamihiyeeni, etthiipo theenya mwiswaamihane.
Apho, alume ooshi kintakha yoori wakhula vahali ankusanyeyaavo alompe alansaka makhono na rooho ya emaani woohikatipukhi na woohinyakulisani.