Matewuzhu 18:14 - Hapari Zooshapweya

¹⁴ Khwa nanna etthiipo theenya Papeenu ariiye pinkuuni khanintakhela hatha nsimaana mmote waashikha.

Matewuzhu 18:14 Mawu Ofanana

Matewuzhu 18:13

Miiyo kiniwuuzani khweele yoori, amana asikana oniiya woofurahi mwaasa wa pwittipwitthi yawe etile, zayita epile tiisiini na tiisiya zoohaashikhi.

Matewuzhu 18:15

“Amana ttwiiyo ookosa, olawe wanthoonyeze etile avonyiyeeyo, ila orette epo zaya weeyo na ye paasi. Amana ye asiila shawuri zawo, wamwaawuni ttwiiyo.

Matewuzhu 5:16

Khwa nanna ethiito nuuru yenu mweeyo yaare vakatthi wa atthu, yoori oone khaazi zenu na ansifu Papeenu, ariiye pinkuuni.

Matewuzhu 6:32

Maana makaafiri pi anshukulikhelaaye vitthu nkhama epo, ila Papeenu ariiye pinkuuni onjuwa yoori enuuhithajiyani epo zaya.

Matewuzhu 6:9

Nakataalikha, mweeyo amana mwilompaka mwisala mwiri toono: “ ‘Papeetthu oriiye pinkuuni, littitthimisiwe nzina lawo loottakatthifu,

Luuka 12:32

Yinsa khulupa theenya araka: “Mwihoove mweeyo mwiiyiye nkhama khuntti ttiitthiiru ya pwittipwitthi, maana Papeenu ti ye atakhiye owinkhani ofwalume awe.

Yaahaya 17:12

Wakathi kaari vamote na yo voolumwenku, miiyo kaaweenaneliye na khuwaathokorela khwa owahi wa nzina lawo, nzina nttinttho okinkhiyeeyo. Kaaweenaneliye na khuhiivo mmote aashikhiyeeyo, woohiiyi otule atthomeliweeyo waashikha yoori epile zilupiyeezo Zawaatikhiwa Ttakatthiifu zirettikhane.

Yaahaya 21:15

Paata ya wiisha oja Yinsa khumuuzela Simawu yoori: “Simawu, mwaana wa Yaahaya, onikipheta zayita apa?” Ye khuri: “Aaa Mbwana, hatha na weeyo onjuwa yoori miiyo kinuupheta.” Yinsa khumuuza yoori: “Ojise pwittipwitthi zaka.”

2 Timootiyu 2:10

Nakataalikha, kinvilela khwa zooshi mwaasa wa pheta ya ananthawuliwa, yoori na yo apatthe nusura eri wa Al-Masiihu Yinsa, na siifwa za mileele.

Meepereewu 12:13

Mwaattale tarikhi yoohiina maphotto yoori moolu apale oorakala ahikwakwanttuwe, ila eeye ovonisiwa.

2 Pheeturu 3:9

Mbwana khanrupaza oretta etile ahitiyeeyo, nkhama anaakanyeraazo atthu akina. Ila ye ti woovilela khwa mweeyo, khantakha yoori eeyevo ampwetheyaaye, ila ontakha yoori atthu ooshi athupwiye twampi zaya.