Matewuzhu 17:27 - Hapari Zooshapweya

²⁷ Ila yoori nihiweephirise, olawe mpahari wamweese nanjoolo awo. Swi ethiito ya mwanzo onttelaaye olowa, ofunule milomo zaya, ontta osikanamo nzurukhu mmote. Aphano olawe wariphe lumpuru laka na lawo.”

Matewuzhu 17:27 Mawu Ofanana

Mwanzo 1:28

Nluku khuwaaparikhiya khuwooza yoori: “Mwivokolelane, mwaattelane mwiitaale voolumwenku! Mwiiyane oshintta va tuniya, swi za mpahari, anyannyi ootulu na nyama zooshi zineettettaaye vathi!”

Yuunusa 1:17

Amweeselelaziyeevo mpahari, Nnyizinku khuperekha swi khuluyeene yoori emmize Yuunusa, ye khwiiya mmatthupo wa swi siikhu ttatthu nthana na osikhu.

Yuunusa 2:10

Aphano, Nnyizinku khuruma swi etile yoori, yanchuwe Yuunusa nshini wa nttima.

Matewuzhu 17:26

Pheeturu khujipu yoori: “Aniiya aletto,” Yinsa khumuuza yoori: “Eto enthoonyeza yoori aana a mmuti ana yoohiriphi.

Matewuzhu 18:6

Wakhula otule aninkosisaaye mmote wa asimaana apa akikhupaliyeeyo, afwataali ofukeleliwa liwe loochila mmwisiko khutupweeziwa nkhilintti ya pahari.

Matewuzhu 18:8

Nakataalikha nkhama nkhono awo ama muulu awo onuukosisa, oshije weesele! Maana afwataali weeyo weetta muuhaayi wa mileele ori woorakala ama woovujeya ehiiyeeni wiiyana makhono mawiri na moolu mawiri, weeyo aya khweeseleliwa va moottho wa mileele.

Matewuzhu 5:29

Nkhama liisho lawo la nkhono nlume lintta wuukosisa, olazemo weesele oje. Afwataali wuupwetheya phantte yawo moote ya mwiili awo zayita mwiili awo wooshi weeseleliwa motthooni.

Matewuzhu 5:30

Nkhama nkhono awo nlume ontta wuukosisa, oshije weesele. Afwataali wuupwetheya phantte yawo moote ya mwiili awo woohiiyi mwiili awo wooshi weeseleliwa motthooni.

Maaruku 9:42

“Amana ntthu ankosisa mmote wa asimaana apa akikhupaliyeeyo miiyo, afwataali ofukeleliwa liwe loovalaza mmwisiko khutupweeziwa nkhilintti ya pahari.

Maaruku 9:43

Na nkhono awo amana wuukosisa, oshije. Afwataali weetta muuhaayi ori woorakala, ehiiyeeni wiiyana makhono awo mawiri khweeseleliwa motthooni, ohali oriiwo moottho ohinzimaaye.

Luuka 17:2

Afwataali ofukeleliwa liwe loovalaza mmwisiko khutupweeziwa nkhilintti ya pahari ehiiyeeni owaakosisa apale eeyiye oohikhomaali.

Yaahaya 6:61

Ila Yinsa khujuwa nkatthi mwawe yoori anakhiyoni awe eetta onyakulisana khuwoozela yoori: “Mattakhuzi aka antta wuutapanyani?

Arooma 14:21

Afwataali ohiji nyama wala onywa viinyu, wala oretta wakhula etthu kiina eninkhwisaaye ttwiiyo.

1 Akorintiyu 8:13

Nakataalikha, nkhama etile miiyo kinjaaye enintapanya ttwiiyaku, akinteela oja theenya nyama, yoori kihintapanye ttwiiyaku.

1 Akorintiyu 8:9

Khwa zooshi, mwiiyane phoole yoori otaphuliwa weenu ohiretteye wiiya etthu ya owaakwakwanttula apale oottettheya.

2 Akorintiyu 6:3

Khanintakha onkhwakhwattula ntthu, yoori khaazi yeetthu ehitaraweye.

2 Akorintiyu 8:9

Maana mweeyo mwinjuwa rehema ya Mbwana eetthu Yinsa Al-Masiihu, ari thaajiri, ila khujiretta wiiya masikhini mwaasa wa pheta yenu, yoori vakatthi wa osikhini aya, mweeyo mwiretteye wiiya mathaajiri.

1 Atizaloonika 5:22

Mwiphakuwanane vitthu zooshi zootakhala.

Tiyaaku 2:5

Mwisiile, attwiizaku aphetani aka, Nluku awaathawula apale eeyiye asikhini yoori eeye mathaajiri nkatthi wa amini na weetta muufwalume awaahitiyeeyo apale animphetaaye.