Matewuzhu 17:20 - Hapari Zooshapweya

²⁰ Ye khuwaajipu yoori: “Maana mweeyo amini mwiriina ttiitthiiru. Miiyo kiniwuuzani khweele yoori, eriwaka mweettiye wiiyana amini nkhama phunje ya samuli, mweetta owahi wuuza mwaako opu yoori: ‘Oleevo apha weette aphale’ weetta olawa, na khina etthu moote ya haari weettelaaye owaheya khwa mweeyo.”

Matewuzhu 17:20 Mawu Ofanana

Matewuzhu 13:31

Na khuwooza nlikaniso nkina araka: “Ofwalume wa pinkuuni ori nkhama phunje ya samuli, ntthu anthuulaaye khuzala mmashapa mwawe.

Matewuzhu 14:29

Yinsa khunjipu, araka: “Ote.” Aphano Pheeturu khulaamo mmwaatiya, khusala eettetta vatulu wa maati eettaka phantte etile aariiwo Yinsa.

Matewuzhu 17:17

Yinsa khuwaajipu yoori: “Oo khapila yootakhala na yoohiina amini! Mpakha lini kinttelaaye wiiya vamote na mweeyo? Mpakha lini kuuvilelakani? Mwikitiisele mwanenu apha!”

Matewuzhu 17:19

Paata ya toole, anakhiyoni awe khunsusisela Yinsa othetekele, khumuuzela yoori: “Mwaasa aya niini nahaakhitireliyeeyo omwiikara?”

Matewuzhu 17:9

Eettaka wiishukha vamwaako aphale, Yinsa khuwooza yoori: “Mwihimuuze hatha ntthu epile mooniyeeyo, mpakha Mwaana wa Pinaatamu asisimuwe muufwa.”

Matewuzhu 21:21

Yinsa khujipu yoori: “Kiniwuuzani khweele yoori, amana mwiiyana amini na woohiina nshikili, mwinttela oretta woohiiyi epi zirettikhaniyeeyo khwa mfikeera opu paasi, ila hatha wuuza mwaako opu yoori: ‘Okhuleye ojeeselele mpahari’, zintta orettikhana.

Matewuzhu 8:26

Ye khuwoozela yoori: “Mwinoovani? Atthu oopushuwa amini!” Ye khulankha khushowera pheevo epile na pahari, zooshi khunyamala.

Maaruku 11:22

Yinsa khujipu yoori: “Wiiyane amini khwa Nluku.

Maaruku 11:23

Miiyo kiniwuuzani khweele yoori, wakhula otule anttelaaye wuuza mwaako opu yoori okhuleye ojeeselele mpahari, na khuhiina hatha nshikili nroho mwawo, ila khukhupalela yoori enrettikhana etile olupiyeeyo, entta oretteya.

Maaruku 4:31

Ori nkhama phunje ya samuli, etile yiiyiye phunje yootepa opushuwa vathi apha.

Maaruku 9:23

“Nkhama kinwahi?” Alupaka Yinsa. “Zooshi zinwaheya khwa otule ankhupalaaye.”

Luuka 1:37

Maana, mmakhono wa Nluku khayiivo ehinwaheyaaye.”

Luuka 17:6

Mbwana khujipu araka: “Eriwaka amini yenu yeettiye wiiya nkhama phunje ttiitthiiru ya muuyu, mweetta wuuza muutthi opu yoori: ‘Okhuleye watupweele mpahari,’ opo weetta wuushututelani.”

Luuka 18:27

Yinsa khujipu yoori: “Etile pinaatamu ahinwahaaye, enwaheya khwa Nluku.”

Yaahaya 11:40

Yinsa khunjipu yoori: “Akaawuuziye yoori amana okhupali ontta woona siifwa ya Nluku?”

1 Akorintiyu 12:9

nkina khwa Rooho ethiito amini; nkina khwa Rooho moote ethiito tthuvo yoovonisa;

1 Akorintiyu 13:2

Hatha nkhama keetta wiiyana tthuvo ya otafusiri, khujuwa siiri zooshi zoovitheya, na ojuwa wooshi na khwiiyana amini enwahaaye othamisa nyaako, amana kihina pheta, akinpatthela hatha etthu.

Meepereewu 3:19

Nakataalikha noone yoori yo mwaasa wookhijili khawaheeni ofiya.