Matewuzhu 16:28 - Hapari Zooshapweya

²⁸ Miiyo kiniwuuzani khweele yoori, awaapho apha atthu akina ahinttelaaye ofwa ahimooneni khapula Mwaana wa Pinaatamu ataaka muufwalume mwawe.”

Matewuzhu 16:28 Mawu Ofanana

Matewuzhu 10:23

Amana mwifiya nsitati khulupatthiwa, mwitthirele sitati kiina. Weekhweele miiyo kiniwuuzani yoori khamwinteela wiisha ozukulela Ezirayiilu yooshi Mwaana wa Pinaatamu ahiteeni.

Matewuzhu 16:13

Yinsa afiyeevo nti wa Sezareeya ya Filiipe, khuwoozela anakhiyoni awe yoori: “Atthu anlupanini monkoni wa Mwaana wa Pinaatamu?”

Matewuzhu 24:3

Wakathi Yinsa eekhaliyeevo va Mwaako Oluveera, anakhiyoni khulawa khwiitthaalana othetekele na khunvekela yoori: “Nkanuuze, zinttela orettikhana lini vitthu zaya epo, wala amana otaaka, alama ni enttelaaye wiiyavo na alama ni ya mwiisho wa olumwenku?”

Matewuzhu 24:34

Miiyo kiniwuuzani khweele yoori, khapila eti kinvira vitthu epi zihirettikhaneeni.

Matewuzhu 24:42

“Nakataalikha, mwijeekesele, maana khamwinjuwa siikhu anttelaaye ota Mbwana enu.

Matewuzhu 26:64

Yinsa khujipu yoori: “Weeyo walupa. Ila miiyo kiniwuuzani mooshi mweeyo yoori, enttela ofiya siikhu mwinttelaaye omoona Mwaana wa Pinaatamu eekhaliye nkhono nlume wa Nwahi Zooshi, ataaka khwa mawiku a pinkuuni.”

Matewuzhu 8:20

Yinsa khunjipu araka: “Ananthala anaaye maphotto aya anyannyi anaaye vijaaro zaya, ila Mwaana wa Pinaatamu khana vahali woovumulisavo eeshwa yawe.”

Maaruku 13:26

“Aphano, mwinttela omoona Mwaana wa Pinaatamu ataaka mmawiku na owahi nwulweene na siifwa.

Maaruku 8:38

Otule anikoonelaaye haaya miiyo na mattakhuzi aka, khwa khapila epi zoovonya na za twampi, Mwaana wa Pinaatamu onteela omoonela haaya amana ataaka nsiifwa wa Papaawe na malayikha ttakatthiifu.”

Maaruku 9:1

Khusala alupa theenya yoori: “Kiniwuuzani khweele yoori, khwa apa ariiye apha, akina khanfwa ahooneeni Ofwalume wa Nluku otaaka na owahi.”

Luuka 18:8

Kiniwuuzani yoori ye oniwaawanyela shariya woohirupazi. Aphano Mwaana wa Pinaatamu wakathi anrutelaavo va olumwenku apha, onteela osikanavo amini?”

Luuka 2:26

na khuthoonyeziwa ti Rooho Ttakatthiifu yoori khaari ofwa ahimooneeni Al-Masiihu wa Mbwana.

Luuka 9:27

Kiniwuuzani khweele yoori, awaapho apha akina ahinteelaaye ofwa mpakha oone Ofwalume wa Nluku.”

Yaahaya 21:22

Khunjipu Yinsa yoori: “Hatha nkhama miiyo katakha yoori ye eeye haayi mpakha miiyo oruti, weeyo enuujali niini? Ila weeyo okilotte miiyo.”

Yaahaya 8:51

Miiyo kiniwuuzani khweele yoori, otule anshututelaaye nttakhuzi laka khanteela woona ofwa.”

Yaahaya 8:52

Mayaahuuti khujipu araka: “Aphano ninjuwa yoori khweele onaaye sheethwani! Eburahiima afwa, na manapiyu, ila weeyo onlupa yoori: ‘Ntthu amana ashututela nttakhuzi aka khanteela ofwa.’

Khaazi 1:11

Khuwooza yoori: “Mweeyo a Kalileya, otulu mwineekesawo niini? Yinsa alaziweeyo vakatthi venu khuweziwa pinkuuni, onteela oruti khwa nanna etthiipo mwimooniyeezo awelaka.”

1 Akorintiyu 15:23

Ila wakhula mmote khwa zwaamu yawe: mwanzo Al-Masiihu, amana ye ata awaasisimule apale eeyiyeeyo awe.

1 Atizaloonika 1:10

na onwejela mwanawe woolankha pinkuuni, othuuto ansisimuliyeeyo muufwa, Yinsa anniwerawerisaaye katapu enttelaaye ota.

Meepereewu 2:9

Namoona, otule arettiweeyo wiiya nttitthiiru zayita malayikha, Yinsa, enkhiwa jarata ya hishima na ya siifwa mwaasa wa ohoowa na ofwa, yoori khwa rehema ya Nluku, khwa zwaamu ya atthu ooshi, ootele ofwa.

Tiyaaku 5:7

Nakataalikha attwiizaku, mwiiye oovilela, mpakha ota wa Mbwana eetthu. Mwaasa yoori namalima oneekesela na ovilela wuurula mishumo aazaliyeezo, mpakha ofiya wakathi wa vuula ya mwanzo na yawiishela.

2 Pheeturu 1:16

Weekhweele fweeyo khanaari olotta hantisi zoopankiwa saaneene wakathi naari owuuzanini monkoni wa owahi wa ota wawe Mbwana eetthu Yinsa Al-Masiihu; ila naari mashaahiti nooniyeeyo owula wawe.

1 Yaahaya 2:28

Aphano aanaaka, mwilipane ye, yoori amana ofiya wakathi awe woota nipatthe ororomela, na nihiiye woopatthiwa ti haaya siikhu antaavo.