Matewuzhu 16:27 - Hapari Zooshapweya

²⁷ Apho Mwaana wa Pinaatamu onlawa ate nnuuru wa Papaawe na malayikha awe, amwinkhe phakari wakhula ntthu khwa etile arettiyeeyo.

Matewuzhu 16:27 Mawu Ofanana

Matewuzhu 13:41

Mwaana wa Pinaatamu onttela oruma malayikha awe, alazemo muufwalume mwawe zooshi epile za okwakwanttula, na apale anrettaaye vitthu zootakhala.

Matewuzhu 13:49

Enttela orettikhana etthiipo mwiisho wa olumwenku. Malayikha anteela owaaphakula atthu ootakhala rooho na anashariya

Matewuzhu 24:30

Aphano epuwe pinkuuni alama za Mwaana wa Pinaatamu; khapila zooshi za va tuniya enttela ojikhupanyisa na enttela omoona Mwaana wa Pinaatamu ataaka mmawiku a pinkuuni khwa owahi na siifwa yawaatta.

Matewuzhu 25:31

“Amana Mwaana wa Pinaatamu ata nsiifwa mwawe na malayikha ooshi, onttela wiikhala vakhukulu vawe ya nuuru ya pinkuuni.

Matewuzhu 26:64

Yinsa khujipu yoori: “Weeyo walupa. Ila miiyo kiniwuuzani mooshi mweeyo yoori, enttela ofiya siikhu mwinttelaaye omoona Mwaana wa Pinaatamu eekhaliye nkhono nlume wa Nwahi Zooshi, ataaka khwa mawiku a pinkuuni.”

Matewuzhu 8:20

Yinsa khunjipu araka: “Ananthala anaaye maphotto aya anyannyi anaaye vijaaro zaya, ila Mwaana wa Pinaatamu khana vahali woovumulisavo eeshwa yawe.”

Maaruku 14:62

Yinsa khujipu yoori: “Miiyo ki othuuto, na mwinlawa mwamoone Mwaana wa Pinaatamu eekhaliye nkhono nlume wa Nluku wa Owahi Zooshi, na ataaka mmawiku a pinkuuni.”

Maaruku 8:38

Otule anikoonelaaye haaya miiyo na mattakhuzi aka, khwa khapila epi zoovonya na za twampi, Mwaana wa Pinaatamu onteela omoonela haaya amana ataaka nsiifwa wa Papaawe na malayikha ttakatthiifu.”

Luuka 21:27

Aphano onttela wooneya Mwaana wa Pinaatamu ataaka enakatthinakatthi ya mawiku na owahi na siifwa khuluyeene.

Luuka 22:69

Ila waaza nasaapi ethiiti Mwaana wa Pinaatamu onttela wiikhala nkhono nlume wa Nluku Wa owahi.”

Luuka 9:26

Otule anikoonelaaye haaya miiyo na mattakhuzi aka, na Mwaana wa Pinaatamu onteela omoonela haaya amana ataaka nsiifwa mwawe na nsiifwa wa Paapa na malayikha ttakatthiifu.

Yaahaya 21:22

Khunjipu Yinsa yoori: “Hatha nkhama miiyo katakha yoori ye eeye haayi mpakha miiyo oruti, weeyo enuujali niini? Ila weeyo okilotte miiyo.”

Yaahaya 21:23

Khwa etthiipo khumwazeyela vakatthi wa attwi yoori nakhiyoni otule khaari oteela ofwa. Ila Yinsa khaalupiye yoori khaari oteela ofwa; aalupiye yoori: “Nkhama miiyo katakha yoori eeye haayi mpakha miiyo oruti, weeyo enuujali niini?”

Khaazi 1:11

Khuwooza yoori: “Mweeyo a Kalileya, otulu mwineekesawo niini? Yinsa alaziweeyo vakatthi venu khuweziwa pinkuuni, onteela oruti khwa nanna etthiipo mwimooniyeezo awelaka.”

Arooma 14:12

Etthiipo, wakhula mmote wa fweeyo onteela onjipu Nluku khwa zwaamu yawe.

Arooma 2:6

Nluku onttela omwinkha wakhula ntthu khwa khiima ya wakhula etile arettiyeeyo.

1 Akorintiyu 15:23

Ila wakhula mmote khwa zwaamu yawe: mwanzo Al-Masiihu, amana ye ata awaasisimule apale eeyiyeeyo awe.

1 Akorintiyu 3:13

khaazi yawe enttela wooniseliwa, maana Siikhu ya Mbwana entana nuuru yaya; na enttela othoonyeziwa khwa moottho, onttelaaye woona khaazi ya wakhula ntthu.

1 Akorintiyu 8:8

Nakataalikha, etthu yoojiwa khinniretta wiiya atthu okhupaleliwa omaasho wa Nluku. Khaninziti amana nihiji, ama khanitepa amana nija.

2 Akorintiyu 5:10

Maana fooshi fweeyo nina ya ojithoonyeza enakatthi ya Yinsa yoori niphukiwe ti ye. Na wakhula ntthu onteela opwekhera etile eninsuhaaye, khwa etile arettiyeeyo yooshapweya ama yootakhala ohaayi awe vathi apha.

Ayeefezu 6:8

Maana mwinjuwa yoori Mbwana onteela oninkha phakari khwa wakhula etile ntthu anrettaaye yooshapweya, waaza mwiitthwaana mpakha otule woohiiyi mwiitthwaana.

Akoloosu 3:25

Ila otule anrettaaye vitthu zootakhala, onteela opwekhera phakari khwa vitthu zootakhala epile anrettaazo. Mbwana khanteela onthawula ntthu.

1 Atizaloonika 1:10

na onwejela mwanawe woolankha pinkuuni, othuuto ansisimuliyeeyo muufwa, Yinsa anniwerawerisaaye katapu enttelaaye ota.

1 Atizaloonika 4:16

Khwa alama ya oruma na huula ya nttunkhulu wa malayikha na ovuma wa nlope la Nluku, Mbwana mweenyeweene, oniishukha pinkuuni. Apale aafwiyeeyo ankhupalaka Al-Masiihu anttela osisimuwa mwanzo.

Tiyaaku 5:7

Nakataalikha attwiizaku, mwiiye oovilela, mpakha ota wa Mbwana eetthu. Mwaasa yoori namalima oneekesela na ovilela wuurula mishumo aazaliyeezo, mpakha ofiya wakathi wa vuula ya mwanzo na yawiishela.

1 Pheeturu 1:17

Amana mwilompaka mwininkhuwela Paapa, otule amphukaaye sawasawa khaazi ya wakhula ntthu, mwinshitahi ye khwa ohaayi enu va olumwenku apha.

1 Yaahaya 2:28

Aphano aanaaka, mwilipane ye, yoori amana ofiya wakathi awe woota nipatthe ororomela, na nihiiye woopatthiwa ti haaya siikhu antaavo.

Yuuda 1:14

Enookhi ntthu wa khapila ya saapa paata ya Adamu, aahupiriye monkoni wa apo aya: “Moone, Mbwana onta na milikhi milikhizene za attakatthiifu awe,

Othoonyeziwa 1:7

Moone! Ye onta mmawiku, maasho ooshi anteela omoona, hatha apale anshomiyeeyo na nkokhi; atthu ooshi a voolumwenku anteela ojiliza mwaasa wa ye. Enttela orettikhana etthiipo! Amiina.

Othoonyeziwa 2:23

Kiniwoola apale aninlottaaye muukha oto. Khwa toowo ojama wa Nluku wooshi ontta ojuwa yoori ki otule anootootaaye akhili na rooho, na kinteela omwinkha wakhula ntthu khwa khiima ya zooretta zawe.

Othoonyeziwa 20:12

Khuwoona theenya ananfwa, awulu mpakha attiitthi, eemeliye omaasho wa khukulu, kithaapu khwiiya zoofunuliwa. Kithaapu kiina khufunuliwa, kithaapu ya ohaayi. Ananfwa khuphukiwa khwa nanna ya zooretta zaya, nkhama etthiipo zaatikhiweeyo nkithaapu.