Matewuzhu 14:29 - Hapari Zooshapweya

²⁹ Yinsa khunjipu, araka: “Ote.” Aphano Pheeturu khulaamo mmwaatiya, khusala eettetta vatulu wa maati eettaka phantte etile aariiwo Yinsa.

Matewuzhu 14:29 Mawu Ofanana

Matewuzhu 14:28

Khujipu Pheeturu yoori: “Nkhama ti weeyo khweele Mbwana, okirume kite attaapho oriivo, keettettaka vatulu wa maati.”

Matewuzhu 14:30

Paata ya woona khiima pheevo etile yaari ovumaazo, khoova khusala azama vattiitthivattiitthi, eettaka onyakula araka: “Mbwana, okuusuru!”

Matewuzhu 17:20

Ye khuwaajipu yoori: “Maana mweeyo amini mwiriina ttiitthiiru. Miiyo kiniwuuzani khweele yoori, eriwaka mweettiye wiiyana amini nkhama phunje ya samuli, mweetta owahi wuuza mwaako opu yoori: ‘Oleevo apha weette aphale’ weetta olawa, na khina etthu moote ya haari weettelaaye owaheya khwa mweeyo.”

Matewuzhu 21:21

Yinsa khujipu yoori: “Kiniwuuzani khweele yoori, amana mwiiyana amini na woohiina nshikili, mwinttela oretta woohiiyi epi zirettikhaniyeeyo khwa mfikeera opu paasi, ila hatha wuuza mwaako opu yoori: ‘Okhuleye ojeeselele mpahari’, zintta orettikhana.

Maaruku 9:23

“Nkhama kinwahi?” Alupaka Yinsa. “Zooshi zinwaheya khwa otule ankhupalaaye.”

Luuka 17:6

Mbwana khujipu araka: “Eriwaka amini yenu yeettiye wiiya nkhama phunje ttiitthiiru ya muuyu, mweetta wuuza muutthi opu yoori: ‘Okhuleye watupweele mpahari,’ opo weetta wuushututelani.”

Khaazi 3:16

Mwaasa wa waamini nzina la Yinsa, nzina nttinttho lanvonisa mwinyi otu mwinimoonaaye na mwininjuwaaye. Amini entaaye khwa Yinsa yamwinkha ekumi ya ekhweele, nkhama etthiipo mwinoonaazo vakatthi venu mooshi.

Arooma 4:19

Woohishokheri nkatthi wa amini, ye khujuwa yoori onsaleela ofwa, maana aarina hirimu ya nyaakha miiya, na Suhura khaarina mavokozi.

Afiliipu 4:13

Kinwahi oretta zooshi khwa otule anikikhomaazaaye.