Matewuzhu 11:29 - Hapari Zooshapweya

²⁹ Mwithuule tthentte yaka na mwikeezele, maana miiyo kiwoonyamala na woojipushuwisa nroho, mweeyo mwintta opattha ovumula wa nafusi zenu.

Matewuzhu 11:29 Mawu Ofanana

Matewuzhu 17:5

Pheeturu eettaka ottakhula nalelo, khupuwa liwiku lawaara khuwaafinikha, nttumpho khupuwamo huula yaari oraaye: “Otu Mwanaka wompheta na wookituvela channu. Mwinsiileze!”

Matewuzhu 21:5

“Muuze sitati ya Siyoni yoori: ‘Omoone, mfwalume awo ontta wuuteela woojipushuwisavo, aweliye va mwaana wa puuru, mwaana wa nyama yoopakhira.’ ”

Matewuzhu 28:20

mwiwaasomisaka oshututela zooshi epile kirumiyeezo. Na miiyo kinttela wiiya vamote na mweeyo mpakha mwiisho wa wakathi.”

Matewuzhu 7:24

“Wakhula otule ansiilaaye mattakhuzi aka na khushututela onlattisaniwa ntthu wa akhili ajekiyeeyo nyuupa yawe khuthipa khuttha vanchina la mawe.

Luuka 8:35

Khulawa atthu awaatta olawa woona vitthu epile zaarettikhaniyeezo. Wakathi amwaattamiyeeyo Yinsa, khumoona nlume otule ansaruwiyeeyo masheethwani eekhaliye nshini wa moolu a Yinsa awaliye kuwo zawe na atthiiyemo akhili, yo khwiiya awoova.

Yaahaya 13:15

Miiyo kawinkhani nthoonyezo yoori etthiipi kirettiyeezo na mweeyo mwisale mwiretta etthiipi.

Yaahaya 13:17

Nkhama mwinjuwa vitthu zaya epo, amana mwiretta, mwaparikhiyiwa.

Khaazi 7:37

“Na aari Munsa othuuto awooziyeeyo meezirayiilu yoori: ‘Nluku onlawa ampuwise khwa attwiizenu napiyu mmote nkhama miiyo.’

1 Akorintiyu 9:21

Khwa apale ahina kano, kajiretta wiiya woohiina kano, hatha nkhama keetta ohitaphuliwi khwa kano ya Nluku ila vathi wa kano ya Al-Masiihu, yoori kiwaapatthe apale aniikhalaaye ahina kano.

2 Akorintiyu 10:1

Miiyo Paawulu, khwa wiitthaala na okemaani wa Al-Masiihu, kinuuhirimizani mweeyo. Miiyo kiniiya “woojipushuwisa” amana kiiya wuuso khwa wuuso na mweeyo, ila kiniiya njawuri amana kiiya peetiwene!

2 Akorintiyu 10:5

Nintapanya shawuri na ojinkhelela wooshi onuumananaaye ojuwa wa Nluku, na nafukela wuupuwela wooshi yoori oretteye wiiya wonshututela Al-Masiihu.

Afiliipu 2:5

Menttezi enu eeye sawasawa na a Al-Masiihu Yinsa.

1 Atizaloonika 4:2

Maana mwinjuwa oruma niwinkhiyeenini mweeyo khwa ofwalume wa Mbwana Yinsa.

2 Atizaloonika 1:8

Ye onteela owaahukhumu apale ahininjuwaaye Nluku na apale ahinshututelaaye hapari zooshapweya za Mbwana eetthu Yinsa.

Meepereewu 5:9

Paata ya okhamilikhisiwa khwinkhiwa wiiya naattuuttu wa nusura ya mileele ya apale ooshi aninshututelaaye,

1 Yaahaya 2:6

otule anraaye onlipana ye, oto ona yaweettetta nkhama ye eettettiyeezo.