Maaruku 8:6 - Hapari Zooshapweya

⁶ Ye khuwaaruma atthu apale yoori eekhale vathi. Elottelanaka khuthuula phaawu epile sapa, khunshukhurwela Nluku, khumeya khuwenkha anakhiyoni awe yoori awawanyele atthu apale. Yo khuretta etthiipile,

Maaruku 8:6 Mawu Ofanana

Matewuzhu 26:26

Eettaka oja, Yinsa khuthuula phaawu, khuparikhiya, khumeya na khuwenkha anakhiyoni awe araka: “Mwithuule na mwirafune; opu mwiili aka.”

Maaruku 8:20

Khi wakathi opule kaameyiyeeyo phaawu sapa yoori kiwenkhe atthu apale alufu nne, zaasaliye khelenke kavi za tathela mwaakhupeliyeeyo? Anakhiyoni khujipu yoori sapa.

Maaruku 8:5

Yinsa khuuzela yoori: “Mweeyo mwina phaawu kavi?” Yo khujipu yoori: “Sapa.”

Maaruku 8:7

Aarina theenya swi kiina ttiitthittiitthi, khuthuula, khuparikhiya na khuwooza anakhiyoni awe yoori awawanyele atthu apale.

Luuka 12:37

Ooparikhiyiwa anamarumeyela apale mbwana aya anttelaaye owaasikana eettaka ojeekesela. Kiniwuuzani khweele yoori, mbwana aya na ye ontta ojiwalisa yoori arumeye, awooze wiikhala vameeza asala awaarumeyela.

Luuka 24:30

Wakathi eekhaliyeevo vameeza vamote na atthaapale awiri, khuthuula phaawu khuparikhiya, khumeya khuwenkha.

Yaahaya 2:5

Aphano mamaawe khuwooza anamarumeyela yoori: “Mwirette zooshi epile anttelaaye owuuzani.”

Yaahaya 6:23

Elottelanaka, kalawa kiina za sitati ya Tiperiyaati khufiya kharipu ya aphale atthu aari orafunaavo phaawu wakathi Mbwana Yinsa ashukhurweliyeevo.

Arooma 14:6

Otule anoonaaye siikhu yoori ena fwayita khwa Mbwana arette etthiipo. Otule anjaaye nyama khwa Mbwana aje, maana oninshukhurwela Nluku, na otule ahinjaaye khwa Mbwana ahije, na anshukhurwele Nluku.

Akoloosu 3:17

Zooshi mwinrettaazo, waaza mattakhuzi ama khwa khaazi, mwirette zooshi khwa nzina la Mbwana Yinsa, khwa ye mwinshukhurwele Nluku Paapa.