Maaruku 8:34 - Hapari Zooshapweya

³⁴ Aphano khuwaakhuwela atthu na anakhiyoni awe khuwooza yoori: “Nkhama ntthu ontakha okilotta, ajikatthale mweenyewe, athuule nsalapa awe akilotte.

Maaruku 8:34 Mawu Ofanana

Matewuzhu 10:38

Otule ahinvikelaaye nsalapa awe akilotta, khansuhi wiiya namalottela aka.

Matewuzhu 16:24

Aphano Yinsa khuwooza anakhiyoni awe yoori: “Nkhama ntthu ontakha okilotta, ajikatthale mweenyewe, athuule nsalapa awe akilotte.

Matewuzhu 27:32

Alawaka, khukutthanana mwinyi mmote wa Sireene aari wiitthiwaaye Simawu, khunkhanyarela othuula nsalapa wa Yinsa.

Maaruku 10:21

Yinsa khumweekesa na khumpheta. Khumuuza yoori: “Enuusaleela etthu moote. Olawe woozanyise vitthu zawo zooshi, nzurukhu aya owenkhe asikhini na weeyo ontta wiiyana njuju pinkuuni; nawiisha ote okilotte.”

Maaruku 7:14

Yinsa khuwaakharipusha theenya atthu apale khuwooza yoori: “Mwikisiileze mooshi na eweeleyeni saana vitthu epi.

Luuka 13:24

Yinsa khunjipu araka: “Mwijilipise yoori mwivire vanlako woophunyeya, maana awaatta anlawa eekese ovira ila khanteela owahi.

Luuka 14:33

Khwa nanna etthiipo wakhula mmote wa mweeyo ahinlikhaaye epile ariinaazo, khansuhi wiiya nakhiyoni aka.

Luuka 18:22

Yinsa noosiila mattakhuzi apale khumuuza yoori: “Enuusaleela etthu moote. Wuuzanyise vitthu zawo zooshi nzurukhu aya owenkhe asikhini, toowo ontta wiiyana maali pinkuuni; nawiisha ote okilotte.”

Luuka 20:45

Atthu ooshi eettaka onsiila, Yinsa khuwooza anakhiyoni awe yoori:

Luuka 9:23

Khuvira awoozaka atthu ooshi yoori: “Nkhama ntthu atakha okilotta miiyo, ona yoojikatthala mweenyewe, khuvikela nsalapa awe wakhula siikhu khusala akilotta.

Yaahaya 10:27

Pwittipwitthi zaka ensiila huula yaka na miiyo kinjuwa na zinikilotta.

Yaahaya 19:17

Yinsa khusaruwa attikhiwe nsalapa awe, khusala alawaniwa puuro yaari wiitthiwaaye Kalavaariyu, khwa luuka ya meepereewu yaari wiitthiwa Kolokoota,

Khaazi 14:22

Awaakhomaazaka na owaatumerela anakhiyoni yoori ajilipisane amini na awoozaka theenya yoori: “Ennihithajiya ovirela tafwawuthi zawaatta yoori neette muufwalume wa Nluku.”

Arooma 6:6

Maana ninjuwa yoori otthu eetthu opule wa raku wafwa na Yinsa vansalapa yoori mwiili wa twampi wiiye wootapanyiwa, na theenya nihirutele wiiya aviitthwaana a twampi.

Arooma 8:17

Nkhama na aana, apho na anamarithi, anamarithi a Nluku na anamarithi vamote na Al-Masiihu; nkhama khweele ninhoowana khwa ye, yoori theenya nirette phantte ya ottitthimisiwa wawe.

1 Akorintiyu 15:31

Attwiizaku, wakhula siikhu kinuumanana ofwa, epo kinlupa khwa ojikhutupula kiriina khwa mweeyo khwa Al-Masiihu Yinsa, Mbwana eetthu.

1 Akorintiyu 8:13

Nakataalikha, nkhama etile miiyo kinjaaye enintapanya ttwiiyaku, akinteela oja theenya nyama, yoori kihintapanye ttwiiyaku.

1 Akorintiyu 9:19

Maana, keeyaru pure wootaphuliwa khwa atthu ooshi, kajiretta omwitthwaana wa atthu ooshi, yoori kipatthe thamani ya atthu awaatta amana ewaheya.

Akaalata 2:20

Kakhomeliwa vamote na Al-Masiihu. Ohaayi opu kiriina nasaapi eti khayi waka, ila Al-Masiihu ti aniikhalaaye khwa miiyo; na ohaayi onikiikhazaaye nasaapi eti khwa mwiili aka kiniikhala khwa amini ya Mwaana wa Nluku, othuuto akiphetiyeeyo khujinkha mweenyeweene khwa zwaamu yaka miiyo.

Akaalata 5:24

Atthu apale ankhupaliye Yinsa Al-Masiihu akhomela onaatamu na tuvela zaya na zootakha zaya.

Akaalata 6:14

Ila miiyo kinteela ojitayitela nsalapa wa Mbwana eetthu Yinsa Al-Masiihu paasi, maana, khwa nsalapa, olumwenku wakifwela miiyo na miiyo kafwela olumwenku.

Afiliipu 3:10

Kintakha onjuwa Al-Masiihu, owahi woosisimuwa wawe. Na kintakha oretta phantte nkatthi wa ohoowa wawe na kijirette wiiya nkhama ye ofwa wawe,

Afiliipu 3:7

Ila etile khwa miiyo yaari fwayita, kinoona ohiina fwayita mwaasa wa Al-Masiihu.

Akoloosu 1:24

Aphano kinfurahi khwa ohoowa waka khwa mweeyo, na kinlikanisela mmwiili mwaka etile ensalaaye khwa ohoowa wa Al-Masiihu, zwaamu ya mwiili awe, wiiyiyeeyo ojama wa Nluku.

Akoloosu 3:5

Etthiipo, muule zooshi epile ziiyiye za ephattu yenu ya vathi: khaapa twayifu, ojafu, tuvela zootakhala na omaashokopho wiiyiyeeyo sanamu.

2 Atizaloonika 3:11

Maana nasiila yoori akina a mweeyo aneettetta woovonyeyavo, khantakha okhola khaazi, ila anjisoromeza muuhaayi wa azaaya.

Tiitu 2:12

Rehema enninozela olikha okaafiri na tuvela za olumwenku, khwaaza wiikhala meekhazi oojiitthaaza, a shariya na waamineya khwa Nluku wakathi otthuupu,

Meepereewu 13:13

Nakataalikha, nisaruwe nimweettele ye oje wa aphale waamakiweevo, nivilelaka otarawiwa nkhama etthiipo avileliyeeyo.

1 Pheeturu 4:1

Nakataalikha, nkhama etthiipo Al-Masiihu ohoowiyeevo mwiili awe, theenya wuupuwela weenu mwitthenkeze nanna moote, maana otule ahoowiyeeyo khwa mwiili awe onlikha oshinttiwa ti twampi,

1 Pheeturu 4:13

Ila mwifurahi mwaasa wa oretta phantte ya ohoowa wa Al-Masiihu, yoori amana ottitthima wawe othoonyeziwa, mweeyo mwitthape khwa furaha khuluyeene.

2 Pheeturu 1:14

Maana kinjuwa yoori woohirupazi kinteela olikha mwiili opu, nkhama Mbwana Yinsa Al-Masiihu akithoonyeziyeeyo.

1 Yaahaya 3:16

Khwa etthiipo ninjuwa niini pheta: Yinsa aleva ohaayi awe khwa fweeyo, na nina yooleva ohaayi eetthu khwa attwi zeetthu.

Othoonyeziwa 2:10

Mwihoove etthu enttelaaye wuuhoochani nasaapi eti. Sheethwani oniweeselela akina a mweeyo nkalapooso yoori aweezeni, na mwinteela ohoowa monkoni wa olupatthiwa khwa siikhu khumi. Mwiiye awaamineya mpakha ofwa, na miiyo kintta owinkhani jarata ya ohaayi.