Maaruku 8:12 - Hapari Zooshapweya

¹² Ye khusisimira nkatthi nkatthi na khuri: “Mwaasa aya niini khapila eti evekaka alama moote ya minjuza? Miiyo kinhakikhi yoori hatha alama moote khanlawa winkhiwa.”

Maaruku 8:12 Mawu Ofanana

Matewuzhu 12:38

Aphano mafwarizeewu akina na anamanozela a kano khulupa yoori: “Mwaaliimu, nintakha woona alama ya minjuza yoorettiwa ti weeyo.”

Matewuzhu 16:4

Khapila yootakhala na yooraruwa enveka alama ya minjuza, ila hatha alama khinlawa winkhiwa yohiiyi alama ya Yuunusa.” Aphano Yinsa khuwaalikha khulaavo aphale vaya.

Maaruku 3:5

Yinsa khusala aweekesa ari wookatipukha na khuhituveliwi mwaasa wa wuuma rooho zaya na khumuuza mwinyi otule yoori: “Wookole nkhono awo.” Ye khookola nkhono awe na khwiiya woovonisiwa.

Maaruku 6:6

Khwiiya wooshanka mwaasa wa othowawo amini okhule waya. Yinsa khuvira asomisaka miti zaattameliyeeyo ottuukhule.

Maaruku 7:34

Aphano khweekesa otulu, khwiittha phuumu na khumuuza mwinyi otule yoori: “Efata”, enlupaaye yoori: “Ofunule.”

Maaruku 8:13

Aphano khuwaalikha apale aya, khurutela nkalawa khusala alawa phantte kiina.

Maaruku 9:19

Aphano Yinsa khujipu yoori: “Oo, atthu oohaamini, mpakha lini kiiyaka vamote na mweeyo? Mpakha lini kuuvilelakani? Mwikitiisele shaapu oto.”

Luuka 19:41

Wakathi Yinsa afiiyeevo Yeruzaleemu, nawoona sitati etile, khulila,