Maaruku 5:7 - Hapari Zooshapweya

⁷ Khukhuwa na huula yawe yooshi araka: “Onikitakhelani miiyo, Yinsa mwaana wa Nluku Nwulu? Kinuuvekela khwa Nluku yoori ohikihukhumu!”

Maaruku 5:7 Mawu Ofanana

Mwanzo 3:15

Kinttela otthaavo wuumani weeyo na muukha; ojama awo na ojama wa muukha. Ojama wa muukha nka wuuvulalisaka eeshwa yawo, na weeyo nka ottovolaka ekwakuno yaya.”

Matewuzhu 16:16

Simawu Pheeturu khujipu yoori: “Weeyo o Al-Masiihu, Mwaana wa Nluku wa ohaayi.”

Matewuzhu 26:63

Ila Yinsa nalelo khwiiya woonyamala. Haakhimu nwulu wa tiini khumuuza yoori: “Kinuuvekela yoori weeyo olaphe khwa Nluku woohaayi, nkhama weeyo o Al-Masiihu, mwaana wa Nluku, onuuze.”

Matewuzhu 4:3

Namazayini khumwaattama khumuuza yoori: “Nkhama weeyo o Mwaana wa Nnyizinku, orume mawe apo athatuwe eeye phaawu.”

Matewuzhu 8:29

Aphano, yo khusala anyakula araka: “Onnitakhelani fweeyo Mwaana wa Nluku? Wata okhuno oteela onoopopisa ohinafiye wakathi aya?”

Maaruku 1:24

“Onnitakhelani fweeyo, Yinsa wa Nazareeti? Wata yoori onitapanye? Kajuwa yoori weeyo o Ttakatthiifu wa Nluku!”

Maaruku 14:61

Ila Yinsa nalelo khwiiya woonyamala, khuhijipu hatha etthu. Haakhimu nwulu wa tiini khurutela omuuzela theenya yoori: “Weeyo o Al-Masiihu, mwaana wa Nluku Wooparikhiyiwa?”

Maaruku 3:11

Wakhula swaafu masheethwani aari omoonaavo, eetta onkokhorela omaasho wawe na onyakula araka: “Weeyo o Mwaana wa Nluku.”

Maaruku 5:6

Wakathi amooniyeevo Yinsa ari peetiwene, khutthira khulawa khukokhora omaasho wawe.

Maaruku 5:8

Maana Yinsa aamuuziye yoori: “Mwileemo mmwiili wa mwinyi otu, rooho zootakhala.”

Luuka 1:32

Ye onteela wiiya nttunkhulu, nka eetthiwaka Mwaana wa Nluku Nwulu wa Pinkuuni. Mbwana Nluku onteela omwinkha ofwalume wa papaawe Daawuuda.

Luuka 4:34

“Eeee! Onnitakhelani weeyo Yinsa wa Nazareeti? Wata yoori onitapanye? Miiyo kinuujuwa weeyo yoori o Ttakatthiifu wa Nluku!”

Luuka 6:35

Mwiwaaphete maatuwi enu, mwiwaarettele zooshapweya, mwiweepaashe mwiheekeselaka wuurutiselani. Toowo tthuvo yenu enttela wiiya khuluyeene na mwinttela wiiya aana a Nwulu wa Pinkuuni, maana Nluku nkemaani hatha khwa apale ahininshukhurwaaye na apale ootakhala rooho.

Luuka 8:28

Noomoona Yinsa khunyakula, khunkokhorela khukhuwa araka: “Onikitakhelani, Yinsa mwaana wa Nluku Nwulu wa Pinkuuni? Kinuuvekela yoori ohikoopopise.”

Yaahaya 20:31

Ila epi zaatikhiwa yoori mweeyo mwikhupali yoori Yinsa ti Al-Masiihu, Mwaana wa Nluku na yoori amana mwinkhupali mwiiyane ohaayi khwa nzina lawe.

Khaazi 16:17

Mwanankha khusala anlottelela Paawulu na fweeyo eettaka onyakula araka: “Mamwinyi apa akarumeya a Nluku Nwulu wa pinkuuni na anlaleya hapari za tarikhi ya nusura.”

Khaazi 19:13

Mayaahuuti akina aari wiikarakaaye masheethwani aari weezelela okhuwa khwa nzina la Mbwana Yinsa eekaranaka masheethwani araka: “Khwa nzina la Yinsa, ntthi Paawulu anlaleyaaye, miiyo kinuurumani yoori mwisaruwe!”

Khaazi 8:36

Ari ntarikhi eettaka olawa, khufiya vahali aarivo maati. Mwiitiyoopiya otu khumuuza Filiipe yoori: “Apha awaapho maati. Niini enkhattazaaye woosiwa miiyo?”

Arooma 16:20

Woohirupazi Nluku wa heeri onteela omphwantta epiliisi vathi wa moolu enu mweeyo. Rehema ya Mbwana eetthu Yinsa yiiye na mweeyo.

Meepereewu 2:14

Mwaasa wa aana wiiya atthu awiiyana mwiili na taamu, tiito Yinsa ajirettiyeeyo ontthu, yoori khwa ofwa wawe anshintte sheethwani nlupa ariina owahi wa ofwa,

Meepereewu 7:1

Melikizeteekhi oto aari mfwalume wa sitati ya Salemu na namalokozela wa tiini ya Nluku Nwulu wa Pinkuuni. Ye aakutthananiye Eburahiima wakathi aari orutaavo paata ya owaashintta afwalume. Melikizeteekhi khumparikhiya.

Tiyaaku 2:19

Weeyo onkhupalela yoori Nluku ori mmote paasi? Ti yooshapweya weeyo okhupalela toowo. Na masheethwani ankhupalela na anthukumela.

2 Pheeturu 2:4

Maana Nluku kheenaneliye malayikha apale akosiyeeyo, ila eeselela motthooni, khufukela nkhilintti wooripamo yoori apwehe mpakha siikhu ya ophukiwa.

1 Yaahaya 3:8

Otule anrettaaye twampi oto ntthu wa sheethwani, maana sheethwani namaretta twampi thanku omwanzo. Ti swapwapu yooperekhiwa Mwaana wa Nluku yoori ate apweche khaazi za sheethwani.

Yuuda 1:6

Mwifikhiri malayikha apale ahithokoreleeni puuro yaya ya ofwalume, ila khwanswi meekhazi aya, Nluku awaapweha nhali wooripamo na khuwaafukana makwinjili a mileele mpakha siikhu ya ophukiwa.

Othoonyeziwa 12:12

Nakataalikha, otthape oo pinku na apale aniikhalaawo! Yalaanikha tuniya na pahari, maana Sheethwani awiishukhelani mweeyo! Na ye ti wookatipukha channu, maana onjuwa yoori oninsaleela wakathi vattitthiiru.”