Maaruku 4:40 - Hapari Zooshapweya

⁴⁰ Aphano khuwoozela anakhiyoni awe yoori: “Mwinoovani? Nalelo khamwina amini?”

Maaruku 4:40 Mawu Ofanana

Matewuzhu 14:31

Nasaapiru Yinsa khookola nkhono awe khunkholelela. Khumuuza yoori: “Ntthu woopushuwa amini, ohaaminaka mwaasa aya niini?”

Matewuzhu 16:8

Asiiliyeevo onyakulisana opule, Yinsa khuwooza yoori: “Atthu oopushuwa amini, mwaasa aya niini mwinyakulisanaka, mwaasa woohiina phaawu?

Matewuzhu 6:30

Moone, Nluku onwalisa nyaani za ntthuttu leelo ziriivo meesho zinttelaaye olukuziwa khatepeeni, wuuwalisani mweeyo channu atthu oopushuwa amini!

Matewuzhu 8:26

Ye khuwoozela yoori: “Mwinoovani? Atthu oopushuwa amini!” Ye khulankha khushowera pheevo epile na pahari, zooshi khunyamala.

Maaruku 4:41

Anakhiyoni apale ari awoova channu, khusala oozana yoori: “Ti paani otu aya, anshututeliwaaye ti pheevo na pahari?”

Luuka 8:25

Nawiisha khuwoozela anakhiyoni awe yoori: “Waamini weenu ori vayi?” Yo khwiiya awoova na ooshanka khusala oozelana, araka: “Otu aya paani anrumaaye pheevo na mawipi khunshututela?”