Maaruku 4:17 - Hapari Zooshapweya

¹⁷ Ila paata ya wakathi vattitthiiru, atthu aya apo anlawa akatthale hapari maana kharetteeni wiiya nchina laya, amana ziwaapattha tafwawuthi ama lupattha mwaasa wa mattakhuzi apale antta wanswi.

Maaruku 4:17 Mawu Ofanana

Matewuzhu 11:6

Wooparikhiyiwa ti otule ahinanswaaye amini wawe khwa miiyo.”

Othoonyeziwa 2:10

Mwihoove etthu enttelaaye wuuhoochani nasaapi eti. Sheethwani oniweeselela akina a mweeyo nkalapooso yoori aweezeni, na mwinteela ohoowa monkoni wa olupatthiwa khwa siikhu khumi. Mwiiye awaamineya mpakha ofwa, na miiyo kintta owinkhani jarata ya ohaayi.

Matewuzhu 12:31

Etthiipo miiyo kiniwuuzani yoori, twampi na kufuru zooshi za anaatamu zinswamihiwa, ila okufurwela Rooho Ttakatthiifu khunswamihiwa.

Othoonyeziwa 2:13

Miiyo kinjuwa ohali mwiniikhalaawo, ottuukho eriiwo khukulu ya Epiliisi. Mweeyo mwawaamineya khwa nzina laka na khamwansweeni amini mwiriina khwa miiyo, hatha wakathi wa Antiipa shaahiti aka wa waamineya, ooliiwa ottuukho Perekaamu, ohali aniikhalaawo Epiliisi.

1 Yaahaya 2:19

Yo alaavo vakatthi veetthu, nakataalikha apo aya khaari eetthu; maana eriwaka eettiye wiiya eetthu eetta onipharelela na fweeyo; yo alaavo yoori athoonyeze yoori ooshi khaari eetthu.

Meepereewu 10:29

Yatepa channu hukhumu khwa otule anintarawaaye Mwaana wa Nluku, ahittheeni fwayita taamu ya osiilana etile ewaatwahareshiyeeyo, na khuttukhana Rooho ya rehema?

2 Timootiyu 4:16

Ojaakisa waka wamwanzo muuphukiwa, khina atiiyeeyo okaawuni; atthu ooshi eettiye okanswi. Pi ahiiyane hukhumu khwa epo zaya.

2 Timootiyu 1:15

Weeyo wajuwa yoori attwi ooshi apale a Aaziya kaarinaaye akanswi, mpakha Fijeelo na Erimojeeni.

Yaahaya 8:31

Yinsa khuwooza mayaahuuti apale ankhupaliyeeyo yoori: “Amana mweeyo mwijilipisana nttakhuzi laka, weekhweele mwinttela wiiya anakhiyoni aka;

Luuka 12:10

Wooshi otule anintarawaaye Mwaana wa Pinaatamu onswamihiwa, ila otule ankufurwelaaye Rooho Ttakatthiifu khanswamihiwa.

Matewuzhu 13:21

Ila mwaasa wa ohiina mitathaari eenyeweru, anlipalipa khwa wakathi vattitthiiru. Amana epuwelela miswipa ama lupattha mwaasa wa nttakhuzi la ofwalume, anlikha nasaapiru amini yaya.

2 Timootiyu 4:10

Ila Teema akanswi eetta Tizaloonika mwaasa wa opheta olumwenku. Kereseti eetta Kalaasiya, Tiitu eetta Talamaasiya.

Akaalata 6:12

Apale antakhaaye othoonyeza vitthu zooshapweya za mmwiili, anuukhanyarelani yoori mwikhiriye, yoori yo ahiiye oolupatthiwa mwaasa wa nsalapa wa Al-Masiihu.

Maaruku 4:16

Akina, ari nkhama peewu ezaliweeyo vahali wawiiyavo mawe, ansiilaaye nttakhuzi nasaapiru khupwekherela na furaha.

Maaruku 4:18

Theenya akina anlattanana na peewu ezaliweeyo vakatthi wa mwiiwa. Apo ansiila hapari,