Maaruku 3:9 - Hapari Zooshapweya

⁹ Mwaasa wa khuntti khuluyeene etile, Yinsa khuwooza anakhiyoni awe yoori antthekezele mwaatiya yoori awerawere ophunyiwa.

Maaruku 3:9 Mawu Ofanana

Matewuzhu 15:39

Paata ya oleezanana atthu apale, Yinsa khupakhira mmwaatiya khulokhela nti wa Makata.

Maaruku 4:1

Yinsa khurutela osomisa nshini wa ntthatta. Khutavo atthu awaatta aphale aariivo, khusala ahithajiya weetta nkalawa yoori eekhale nttumpho. Kalawa yaari mpahari, atthu ooshi khwiikhala nshini wa pahari.

Maaruku 4:36

Paata ya osusa khuntti etile, yo khupakhira nkalawa mphule aariimo Yinsa. Na kalawa kiina zeetta owaaperekha.

Maaruku 5:2

Wakathi Yinsa apakhuwiyeevo nkalawa, mwinyi mmote aariina sheethwani khusaruwa nvilalo khuta attaaphale.

Maaruku 5:30

Wakathi otthuupule, Yinsa khoona yoori wansaruwa owahi, khuzukuluwa khweekesa khuntti etile khuuzela yoori: “Paani asapiyeeyo ajapi yaka?”

Maaruku 6:32

Aphano yo khulawa nkalawa mpakha puuro yawiitthaaleyavo.

Luuka 5:1

Siikhu moote, Yinsa aari nshini wa pahari ya Kalileya, khuzukuleliwa pi atthu awaatta yoori asiile nttakhuzi la Nluku.

Luuka 5:3

Yinsa khupakhira mmwaatiya mmote waari wa Simawu khunvekela yoori asusisele mpahari vattitthiiru, khwiikhala khusala awaanozela atthu.

Yaahaya 6:15

Yinsa noojuwa yoori aari otakha onthuula na kuvu zaya anrette wiiya mfwalume aya, khulaavo aphale vaya khulawa theenya omwaako otthwe.