Maaruku 2:13 - Hapari Zooshapweya

¹³ Yinsa khulawa theenya kharipu ya ntthatta. Atthu awaatta khumwaattama na khwaaza owaasomisa.

Maaruku 2:13 Mawu Ofanana

Matewuzhu 13:1

Siikhu ethiitile Yinsa khulankha owawe khulawa khwiikhala nshini wa ntthatta.

Matewuzhu 9:9

Elottelanaka Yinsa khulaawo okhule waya, khumoona mwinyi mmote aniitthiwaaye Matewuzhu eekhaliye vahali laari oriphiwaavo lumpuru, khumuuza yoori: “Okilotte!” Ye khulankha khunlotta.

Maaruku 1:45

Ila mwinyi otule khusala alawa na khwaaza olaleya vitthu epile na omwaza hapari. Mwaasa wa vitthu epile, Yinsa khuhisala awahi theenya weetta nsitati, ila khwiikhala othetekele puuro yawiitthaaleyavo. Khusala ata atthu wakhula phantte oteela okutthanana Ye.

Maaruku 10:1

Aphano Yinsa khulaavo aphale vaya khusala alawa nti wa Yudeya na phantte kiina ya Yorotaani. Theenya khuntti moote khuta aphale aariivo. Nkhama etthiipo aazowereliyeezo khusala awaasomisa.

Maaruku 2:2

Aphano atthu awaatta khweetta ottuukhule, khwa nanna yahaariivo puuro hatha vamilako, khusala awaatafusirela nttakhuzi la Nluku.

Maaruku 4:1

Yinsa khurutela osomisa nshini wa ntthatta. Khutavo atthu awaatta aphale aariivo, khusala ahithajiya weetta nkalawa yoori eekhale nttumpho. Kalawa yaari mpahari, atthu ooshi khwiikhala nshini wa pahari.

Luuka 19:48

ila khuhisala apattha nanna yooretta, maana atthu ooshi aari omwiitaalela ye nonsiileza.

Luuka 21:38

Atthu ooshi supuyeene aari weettaka vaje wa Nyuupa Yoosifwiwamo olawa osiila mattakhuzi aari onozelaaye Yinsa.