Maaruku 2:12 - Hapari Zooshapweya

¹² Wakathi otthuupule mwinyi otule khulankha ooniwaka pi atthu ooshi, khuthuula nrepa lawe khusaruwa. Yo khwiiya ooshanka na khunttitthimisa Nluku, alupaka yoori: “Khaninoone vitthu nkhama epi!”

Maaruku 2:12 Mawu Ofanana

Matewuzhu 12:23

Atthu ooshi khwiiya ooshanka channu khusala oozelana yoori: “Khahi Mwaana wa Daawuuda otu?”

Matewuzhu 15:31

Atthu khwiiya ooshanka wakathi awooniyeevo ananhittakhuli eettaka ottakhula, anamarakala ari oovona, anamakhumuwa eettaka weettetta na ananhooni eettaka woona. Yo khunsifu Nluku wa Ezirayiilu.

Matewuzhu 9:33

Noomwiikara sheethwani otule, ye khwaaza ottakhula. Khuntti etile khwiiya yooshanka na khuri: “Khinarettikhane vitthu nkhama epi Ezirayiilu.”

Matewuzhu 9:8

Paata ya atthu woona vitthu epile khuwaapattha woova, khunsifu Nluku, awenkhiyeeyo anaatamu ofwalume nkhama opo.

Maaruku 1:27

Atthu ooshi khwiiya ooshanka mpakha khufiyelela wuuzelana atthaaporu yoori: “Niini epi zaya? Masomi mapheya antanaaye ofwalume! Mpakha onruma masheethwani yo khunshututela!”

Maaruku 2:11

“Miiyo kiniwuuza: Olankhe, othuule nrepa lawo olawe owawo.”

Luuka 13:13

Yinsa khunttheela makhono nunu otule omuuta otthuupule khookowa, khwaaza otthapa ansifwaka Nluku.

Luuka 17:15

Mmote wa apale khumi, nawoona yoori avona, khuruti ansifwaka Nluku na huula ya onyakula.

Luuka 5:26

Atthu ooshi aariivo khwiiya ooshanka na woova channu, khusala ansifu Nluku araka: “Leelo noona vitthu zootikinisa.”

Luuka 7:16

Atthu ooshi khwiiya awoova khunsifu Nluku araka: “Napiyu nwulu aniteela!” Na “Nluku aateeliye owuusuru atthu awe!”

Yaahaya 7:31

Atthu enkeene aari aphale khumkhupali na khusala alupa yoori: “Amana Al-Masiihu ata, onteela oretta alama zootikinisa zayita epi arettiyeeyo mwinyi otu?”

Yaahaya 9:32

Thanku olumwenku wumpiwe khina hatha ntthu mmote ana siile yoori maasho a ntthu woovokoleliwa ahoonaka afunuliwa.

Khaazi 4:21

Khuwaatuturusha theenya khuwaalikha, maana khaari woona etthu yoowaahukhumwela na atthu ooshi aari onsifu Nluku mwaasa wa minjuza epile zaarettikhaniyeeyo.