Maaruku 16:16 - Hapari Zooshapweya

¹⁶ Otule ankhupalelaaye na khoosiwa ontta wuusurukha, ila otule ahinkhupalelaaye oniiyana paathuli.

Maaruku 16:16 Mawu Ofanana

Matewuzhu 28:19

Nakataalikha, mwilawe mwawaarette anakhiyoni khwa khapila zooshi, mwiwoosaka khwa nzina la Paapa, la Mwaana, na Rooho Ttakatthiifu,

Maaruku 1:15

alupaka yoori: “Wakathi wafiya, na ofwalume wa Nluku ori kharipu; mwithupwiye na mwikhupali hapari zooshapweya.”

Luuka 8:12

Peewu zaakweliiye ntarikhi, zinlikanisaniwa atthu apale ansiilaaye nttakhuzi, ila sheethwani khulazavo varoho vaya yoori ahikhupali na ahipatthe wuusurukha.

Yaahaya 20:31

Ila epi zaatikhiwa yoori mweeyo mwikhupali yoori Yinsa ti Al-Masiihu, Mwaana wa Nluku na yoori amana mwinkhupali mwiiyane ohaayi khwa nzina lawe.

Yaahaya 3:36

Otule aninkhupalaaye Mwaana onaaye ohaayi wa mileele, ila otule aninkatthalaaye Mwaana khanlawa woona ohaayi na theenya katapu ya Nluku empharelela khwa ye.

Yaahaya 3:5

Yinsa khujipu yoori: “Miiyo kiniwuuzani khweele yoori, aheetteeni ovokoliwa na maati na Rooho khina anwahaaye weetta muufwalume wa Nluku.

Yaahaya 5:24

“Miiyo kiniwuuzani khweele yoori, otule ansiilaaye nttakhuzi laka na aninkhupalaaye otule akirumiyeeyo onaaye ohaayi wa mileele, wala khamphukiwa, ila avirela ofwa yoori eeyane ohaayi.

Yaahaya 6:29

Yinsa khuwaajipu yoori: “Khaazi Nluku antakhaaye tiiti, onkhupali otule anrumiyeeyo.”

Yaahaya 6:35

Aphano Yinsa khulupa yoori: “Miiyo ki phaawu ya ohaayi. Otule anikiteelaaye miiyo khinteela onkhola theenya jala na otule anikikhupalaaye miiyo khalinteela onkhola theenya nnyottha.

Yaahaya 6:40

Maana matakhelo a Paapa pi yoori wooshi otule animoonaaye Mwaana na khunkhupali eeyane ohaayi wa mileele na miiyo kintta onsisimula siikhu ya mwiisho.”

Yaahaya 8:24

Tiito kinlupaaye yoori mwinttela ofwa ntwampi mweenu. Nkhama mweeyo khamwinkhupali yoori Miiyo Ti Miiyo, weekhweele mwinttela ofwa ntwampi mweenu.”

Khaazi 10:43

Hatha na manapiyu ooshi anlawela oshaahiti yoori wakhula otule aninkhupalaaye onswamihiwa twampi zawe khwa nzina lawe ye.”

Khaazi 13:39

Khwa ye, wakhula otule ankhupalaaye ontta ohakikhiwa khwa vitthu zooshi zahaari onhakhikhisaazo kano za Munsa.

Khaazi 13:46

Aphano Paawulu na Baranabe khuwaajipu woojilipisavo yoori: “Yaari ohithajiya waaza wuutafusirelani nttakhuzi la Nluku. Mwaasa wookatthala khinuusuhini opwekherela ohaayi wa mileele, apha nintta olawa nawaalaleyele amalapo.

Khaazi 2:38

Pheeturu khuwaajipu araka: “Mwithupwiye na moosiwe wakhula mmote wa mweeyo khwa nzina la Yinsa Al-Masiihu yoori mwipatthe nswammaha wa twampi zenu, mwintta opokhera tthuvo ya Rooho Ttakatthiifu.

Khaazi 2:41

Atthu awaatta khukhupalela nttakhuzi, khulawa khoosiwa. Siikhu etile atthu eekezeleyiye khwiiya alufu ttatthu.

Khaazi 22:16

Aphano onrupazela ni? Olankhe olawe woosiwe na woose twampi zawo, okhuwelaka nzina lawe.’

Arooma 3:6

Wala khahiyo toowo! Eriwaka yaari etthiipo, nanna-ni Nluku aari weettelaaye ophuka olumwenku?

Arooma 4:24

ila theenya khwa fweeyo, apale Nluku anttelaaye owaakhupalana shariya, fweeyo nininkhupalaaye otule ansisimuliyeeyo muufwa Yinsa, Mbwana eetthu.

2 Atizaloonika 1:8

Ye onteela owaahukhumu apale ahininjuwaaye Nluku na apale ahinshututelaaye hapari zooshapweya za Mbwana eetthu Yinsa.

2 Atizaloonika 2:12

na eeye oophukiwa ooshi apale ahikhupaleleeni haakhi, ila aariina tuvela zohiiyi za shariya.

1 Pheeturu 1:21

Khwa ye mweeyo mwankhupali Nluku, otule ansisimuliyeeyo muufwa na khunttitthimisa, khwa nanna yoori amini na nroromelo enu wiiye khwa Nluku.

1 Pheeturu 3:21

Nasaapi eti maati apo anthoonyeza njampo la woosa liniwuusurwaanini mweeyo, khahiyo mwaasa wa olaza ttaakha za mwiili, ila khwa ahiti ya akhili zooshapweya mmakhono wa Nluku khwa osisimuwa wa Yinsa Al-Masiihu,

Othoonyeziwa 20:15

Apale mazina aya ahaasikaniweeyo nkithaapu ya ohaayi khweeseleliwa va ntthatta la moottho.

Othoonyeziwa 21:8

Ila ananhiminyali, oohaamini, makookaani, anamahusuti, anakaapa twayifu, ashawi, anamwaaputu sanamu na anamahata ooshi puuro yaya enttela wiiya ontthatta la moottho onkholelanaaye oka. Opu pi ofwa wa phiiri.”