56 Aphano khulankha khusala alawa nti nkina.
“Phoole, mwihintarawu hatha mmote wa asimaana apa! Miiyo kiniwuuzani khweele yoori malayikha aya anoona wuuso wa Paapa wa pinkuuni wakhula wakathi.
Wekhweele Mwaana wa Pinaatamu ateela wuusuru etile yaashikhiyeeyo.
Nkhama etthiipo, Mwaana wa Pinaatamu khateleeni orumeyeliwa, ila orumeya na winkha ohaayi awe khwa owaakaphula atthu awaatta.”
Ila miiyo kiniwuuzani yoori, mwihiweezele atthu otakhala rooho. Amana ntthu oopwakula nlaku limote onzukulisele ntthi likina.
Mwaasa yoori Mwaana wa Pinaatamu ateela oweekesa apale aashikhiiyeeyo awoosuru.”
Ila Yinsa khuri: “Onlikhe ohinrutele!” Ye khukhola nshiilo la ntthu otule khunvonisa.
Aphano Yinsa khulupa yoori: “Paapa, owaaswaamihi atthu apa maana khanjuwa etthu anrettaaye.” Elottelanaka yo khwaawanyana kuwo epile za Yinsa nkatthi wa nasipu.
Ila Yinsa khuzukuluwa khuwaamaruwela.
Eettaka olawa ntarikhi khupuwa ntthu mmote khumuuza yoori: “Kintta wuulotta wakhula vahali oneettaavo.”
Nantarawu onteela wiiya, wuula na otapanya. Miiyo kata yoori mwiiyane ohaayi wa waatta na woolikana.
“Amana ntthu asiila mattakhuzi aka na khuhishututeli, miiyo akininphuka. Maana miiyo akateeliye ophuka olumwenku ila wuusuru olumwenku.
Nluku amperekha Mwanawe voolumwenku, khahiyo yoori ahukhumu olumwenku, ila yoori olumwenku wuusurukhe khwa ye.
Mwihijilikhelele oshinttiwa pi zootakhala, ila mweeyo mwishintte zootakhala khwa zooshapweya.
Mattakhuzi apa pi ookhweele na ansuhi okhupaleliwa: Yinsa Al-Masiihu ti ye aatiiyeeyo voolumwenku oteela owoosuru anatwampi, wootepacha waya ti miiyo.
