29 Alompaka etthiipile omaasho wawe khuzukuluwawo, kuwo zawe khwiiya zoolakala na zawaara nkhama ozerima.
Attaaphale Yinsa khuzukulisiwa vakatthi vaya. Wuuso awe khwaara nkhama njuwa kuwo zawe khwiiya zoolakala nkhama nuuru.
Paata ya vitthu epile, Yinsa khujithoonyeza khwa wuuso nkina vakatthi wa anakhiyoni awe awiri alottaka tarikhi ya omashapa.
Wakathi aari owoosaavo atthu ooshi apale, Yinsa naye khuta attaaphale oteela woosiwa. Ye alompaka pinku khufukuwa,
Ila Yinsa eetta olaakavo noolawa mmakuluttu olompa.
Siikhu zaya epile Yinsa khulankha khusala alawa omwaako olompa, khwiisha osikhu wooshi eettaka anvekelaka Nluku.
Siikhu moote, Yinsa eetta olompa otthwe, anakhiyoni awe ari kharipu, nawiisha khuwoozela yoori: “Atthu anri miiyo ki paani?”
Nasaapiru khumpuwelela atthu awiri khusala attakhulana, aari Munsa na Aliyaasi.
Nttakhuzi khujiretta ontthu na khwiikhala vakatthi veetthu. Fweeyo noona siifwa yawe, siifwa nkhama mwaana mmote paasi wa Paapa wawiitaala rehema na khweele.
Wakathi amwekesiyeevo, ooshi apale eekhaliyeeyo nyuupa khuulu ya Mashawuriiya khusala oona wuuso awe wuupuwaka nkhama wa nlayikha.
Paata ya toole, koona khukulu khuluyeene yoolakala na otule eekhaleliyeeyo. Tuniya na pinku khutthiravo vakatthi vaya, khuhisikani puuro khwa yo.