Luuka 9:19 - Hapari Zooshapweya

¹⁹ Yo khunjipu yoori: “Akina anri weeyo o Yaahaya Namoosa, akina Aliyaasi, akina theenya anlupa yoori weeyo o napiyu mmote wa raku weetta osisimuwa.”

Luuka 9:19 Mawu Ofanana

Matewuzhu 14:2

Ye khuwooza akarumeya awe yoori: “Oto ti Yaahaya Namoosa; eetta osisimuwa muufwa! Tiito ariinaaye owahi wa oretta minjuza.”

Matewuzhu 3:1

Siikhu zaya epile khupuwa Yaahaya Namoosa, alaleyaka n'yaara ya Yudeya,

Maaruku 6:14

Mfwalume Herooti khusiila elupiwaka hapari epile, maana nzina la Yinsa laajuwiwe saaneene. Atthu akina khwaaza olupa yoori: “Yaahaya Namoosa eetta osisimuwa muufwa! Tiito zinrettikhanaaye minjuza zootikinisa khwa ye.”

Maaruku 6:15

Akina aari olupa yoori: “Ye ti Aliyaasi.” Akinoko khusala olupa araka: “Ye napiyu, nkhama manapiyu apale a raku.”

Luuka 9:18

Siikhu moote, Yinsa eetta olompa otthwe, anakhiyoni awe ari kharipu, nawiisha khuwoozela yoori: “Atthu anri miiyo ki paani?”

Luuka 9:20

“Khi mweeyo mwinri ki paani?” Pheeturu khujipu araka: “Weeyo o Al-Masiihu wa Nluku.”

Yaahaya 1:21

Khumuuzela yoori: “Aphano, weeyo o paani? Ti weeyo Aliyaasi?” Khuri: “Aki!” “Ti weeyo Napiyu aari weettelaaye ota?” Khujipu yoori: “Wala!”

Yaahaya 1:25

khumuuzela yoori: “Khi oniwooselani atthu ohi Al-Masiihu wala Aliyaasi ama Napiyu?”

Yaahaya 7:40

Aphano noosiila atthu apale aathukumaniyeeyo aphale khuri: “Otu ti Napiyu weekhweele!”

Yaahaya 9:17

Khurutela omuuzela otule ahaari woonaaye yoori: “Khi weeyo onttela olupa niini monkoni wa oto aya, maana ofunula maasho awo?” Mwinyi otule khujipu yoori: “Ye napiyu.”