Luuka 8:13 - Hapari Zooshapweya

¹³ Peewu epi zaakweliiye va mawe, zinlikanisaniwa atthu apale ansiilaaye nttakhuzi la Nluku khupokherela na furaha. Ila mwaasa woohiina mitathaari, wakathi vattitthiiru nawootootiwa ti sheethwani anlikha waamini waya.

Luuka 8:13 Mawu Ofanana

Maaruku 6:20

mwaasa Herooti aari omoova Yaahaya na aari omwiinanela, maana aari ojuwa yoori ye mwinyi wa shariya na ttakatthiifu. Amana ansiilaka, eetta oshanka; khwa etthiipo waari ontuvela onsiila.

Luuka 8:12

Peewu zaakweliiye ntarikhi, zinlikanisaniwa atthu apale ansiilaaye nttakhuzi, ila sheethwani khulazavo varoho vaya yoori ahikhupali na ahipatthe wuusurukha.

Luuka 8:14

Peewu epi zaakweliiye va miiwa, zinlikanisaniwa atthu apale ansiilaaye, ila mwaasa wooshukulikhela opattha tuvela na haali za meekhazi, yo waamini waya vattiitthi-vattiitthi onzima, ahifiyelelaka wiima mishumo.

Yaahaya 15:2

Wakhula erapi etile eriiye khwa miiyo khuhisala yiima, ye ontta oshija; na wakhula etile eniimaaye ontta okasurela yoori etepe wiima.

Yaahaya 15:6

Amana ntthu ahilipani miiyo, ontta weeseleliwa oje, oome nkhama erapi enlokotthiwaaye khweeseleliwa va moottho khulukuziwa.

Yaahaya 5:35

Yaahaya aari nkhama likhompe laari okholelaaye nuuru yaya nawuumwasikhelani, mweeyo khukhupalela khwa wakathi vattitthiiru ofurahela nuuru yaya eto.

1 Akorintiyu 13:2

Hatha nkhama keetta wiiyana tthuvo ya otafusiri, khujuwa siiri zooshi zoovitheya, na ojuwa wooshi na khwiiyana amini enwahaaye othamisa nyaako, amana kihina pheta, akinpatthela hatha etthu.

1 Akorintiyu 15:2

Khwa hapari zooshapweya etthiipo mweeyo mwa wuusurukha, amana mwikholelela woolipanavo nttakhuzi kuutafusireliyeenini; woohiiyi toowo, mweeyo mwakhupali mahala.

Akaalata 3:1

Oo alolo Akaalata! Paani oolowiyeenini? Yinsa Al-Masiihu aasaruleliwe omaasho weenu khukhomeliwa vansalapa!

Akaalata 3:4

Ohoowa opule mwihoowiyeeyo khwa vitthu zawaatta pi wa mahala? Wala khinretteya!

Ayeefezu 3:17

Theenya kinlompa yoori Al-Masiihu apatthe wiikhala nroho mweenu khwa amini, na yoori pheta yiiye mitathaari zenu na nchina lenu.

Akoloosu 1:23

Ila enihithajiya wiiya nchina lookhomaala na olipalipa khwa amini, woohiphakuwanani nroromelo wa hapari zooshapweya, epile mwisiiliyeezo na zilaleyeliweeyo atthu ooshi ari vathi. Pi hapari zooshapweya etthiipo miiyo Paawulu kiretteyiyeeyo okarumeya.

Akoloosu 2:7

wookheyiwa na woojekiwa khwa ye, ookhomaala khwa amini nkhama mwisomisiweezo, mwenkezaka onshukhurwela Nluku.

1 Atizaloonika 3:5

Mwaasa wa ethiito, khuhivileli theenya, khunruma Timootiyu yoori alawe ajuwe monkoni wa amini mwiriinaaye. Maana miiyo kaari woova yoori namazayini ahuuzayinini, mpakha khaazi yeetthu yooshi eretteya ohiina fwayita.

1 Timootiyu 1:19

ojilipisanaka amini na ojuwa othawula yooshapweya vakatthi wa yootakhala. Mwaasa woohitakhi othawula yooshapweya, atthu akina amini yaya apwetecha.

Meepereewu 10:39

Fweeyo, khahi apale anrutelaaye nyuma na khupwetheya; ila fweeyo pi apale ankhupalaaye khuusurukha.

Tiyaaku 2:26

Nkhama etthiipo, mwiili woohiina rooho pi woofwa, na amini yoohiina khaazi ti yoofwa.

2 Pheeturu 2:20

Nkhama awahi owerawera vitthu zootakhala za olumwenku khwa ojuwa wa Mbwana eetthu na Namuusuru Yinsa Al-Masiihu, ila khulawa khukholiwa na khushinttiwa opheya pi epo zaya, meekhazi aya aniiya ootepa zayita eettaka waazaru.

2 Pheeturu 2:22

Eto khwa yo enhakikhi kittaphi etile enlupaaye yoori: “Mwanapwa arutela mattapiso awe,” na “kuluwe yawoowisiwa yarutela ojitupweya mmattophe.”

1 Yaahaya 2:19

Yo alaavo vakatthi veetthu, nakataalikha apo aya khaari eetthu; maana eriwaka eettiye wiiya eetthu eetta onipharelela na fweeyo; yo alaavo yoori athoonyeze yoori ooshi khaari eetthu.

Yuuda 1:12

Atthu aya apo anuupuwa nkhama livula la mawe oovitheya na anta va njampo venu, woohiina hatha shaakha, mishuki zoojishuka ottho. Mawiku oohiina maati owawaziwa ti pheevo; miitthi za mwiita zoohiimi mishumo zoofwa swaafu piiri, khukhuliwa mitathaari zaya.