Luuka 7:39 - Hapari Zooshapweya

³⁹ Aphano mfwarizeewu otule nawoona vitthu epile khusala alupa nroho mwawe araka: “Otu eriwaka aari napiyu, eetta ojuwa yoori mwanankha otu aninsapaaye natwampi.”

Luuka 7:39 Mawu Ofanana

Matewuzhu 20:16

Aphano Yinsa khumarisa araka: “Apale amwanzo anttela wiishela na apale awiishela anttela wiiya amwanzo.”

Matewuzhu 21:11

Atthu khusala ajipu yoori: “Otu ti Yinsa, napiyu wa Nazareeti ya Kalileya.”

Maaruku 7:21

Maana nroho ti, enlakhaamo zawuupuweliwa zootakhala, oshawi akhapa, wiiya, wuula,

Luuka 12:17

Ye khusala awaza toono: ‘Kirette-ni? Akina vahali wootthaavo peewu zaka epi.’

Luuka 15:2

Mafwarizeewu na anamanozela a kano khusala aapa araka: “Mwinyi otu oniwaapokherela anatwampi khusala aja vamote na yo.”

Luuka 16:3

“Namalokozela wa anakhaazi otule khuupuwela toono: ‘Kinttela oretta ni, mbwanaaka amana akilikhisa khaazi? Othipa akinkhitiri na olawa olola enikipattha haaya.

Luuka 18:4

“Khunkatthalela wakathi mwinkeene, ila omwiisho waya khusala alupa nroho mwawe yoori: ‘Na kihimoovi Nluku na ohinshitahi ntthu,

Luuka 3:8

Mwirette vitthu enthoonyezaaye yoori khweele mwathupwiya, mwihijilupeze yoori ‘Eburahiima ti papeetthu.’ Miiyo kiniwuuzani yoori khwa liwe ntthi Nluku onwahi owaattala aana a Eburahiima.

Luuka 7:16

Atthu ooshi khwiiya awoova khunsifu Nluku araka: “Napiyu nwulu aniteela!” Na “Nluku aateeliye owuusuru atthu awe!”

Luuka 7:37

Muukha mmote natwampi wa sitati ethiitile, noojuwa yoori Yinsa ontta oja wa mfwarizeewu, khuthuula suupha yawe ya mafuttha oonukhela.

Luuka 7:38

Khulawa khweemela onyoko wa Yinsa nshini wa moolu awe, khusala alila. Mishozi zawe khusala zittonkela moolu a Yinsa. Khusala akukuttha na nyuuli zawe na opejari moolu a Yinsa avaazaka mafuttha oonukhela.

Luuka 7:40

Yinsa khumuuza Simawu yoori: “Kintakha owuuza etthu.” Simawu khujipu yoori: “Kuuzeni mwaaliimu.”

Yaahaya 4:19

Muukha otule khuri: “Mbwana, kiniwoona yoori o napiyu.

Yaahaya 7:12

Vakatthi wa atthu apale waarivo waapa monkoni wa ye, akina aari olupa toono: “Mwinyi wooshapweya rooho.” Akina araka: “Wala, oniwaattettekha atthu.”

Yaahaya 9:24

Khunkhuwela swaafu ya phiiri mwinyi otule ahaari woonakaaye khumuuza yoori: “Olaphe khwa Nluku na olupe haakhi. Maana najuwa yoori mwinyi aya oto natwampi.”