Luuka 7:12 - Hapari Zooshapweya

¹² Asaleelaka ofiya vanlako wa sitati etile, khusaruwa atthu aari weettelaaye ozikha. Otule aari weettelaaye ozikhiwa aari mwaana mmote paasi wa nunu woofweliwa ti mannawe; atthu awaatta a nsitati mphule aari olawa vamote na ye.

Luuka 7:12 Mawu Ofanana

Mwanzo 22:12

Khumuuza yoori: “Ohimwaavulele eesu shaapu oto, na ohinrettele hatha etthu. Aphano kinjuwa yoori onimoova Nluku, mwaasa woohikikhattazi mwanawo mmote othuuto oriina.”

Mwanzo 22:2

Nluku khumuuza araka: “Onthuule mwanawo Esiyaakha, othuuto mmote oriinaaye onimphetachaaye, olawe mpakha nti wa Moriya, vamwaako oriiye ottuukho kinttelaaye wuuthoonyeza, onrette twaha yoolukuziwa.”

Luuka 7:11

Mmeesho mwaya Yinsa khulankha khusala alawa sitati ya Nayiimu, anakhiyoni awe na khuntti ya atthu awaatta khusala enlotta.

Luuka 7:13

Wakathi Mbwana Yinsa amooniyeevo nunu otule, khumoonela huruma, khunkhuwela khumuuza yoori: “Ohilile!”

Luuka 8:42

mwaasa yoori mwanawe aariina mmote paasi wa nyaakha khumi na miwiri aari osaleela ofwa. Yinsa alawaka, atthu khusala aphunyana.

Luuka 8:52

Atthu ooshi asaliye vaje eettaka olila, Yinsa khuwooza yoori: “Mwihilile! Otu khafweeni, ontta olala.”

Yaahaya 11:19

na mayaahuuti enkeene aalawiye onthotola Maarata na Mariyamu na onzuru mwaasa wa opwetheyiwa ti nlupwaaya.

Khaazi 9:39

Pheeturu khulankha khulawa vamote na yo, noofiya khuthuuliwa khulawaniwa kaatthi etile ya vatulu. Anamafweliwa pi amanna zaya ooshi khunzukulela khusala alila na anthoonyezaka ajapi na kuwo kiina Dooroka aasoniyeezo ari vamote na yo.

Khaazi 9:41

Khunkholela nkhono khunlansa khweemela, aphano khuwaakhuwela anakhiyoni na anamafweliwa pi amanna zaya apale khuwenkha ari haayi.

Tiyaaku 1:27

Tiini Nluku Papeetthu ankhupalelaaye wiiya swaafi na yookhweele tiiti: owaathotola anasisa na ananfweliwa pi amanna zaya muuhoowa mwaya, na ojiinanela khwa vitthu zootakhala za muulumwenku.