Luuka 6:25 - Hapari Zooshapweya

²⁵ Olaanikha pu weenu mweeyo ziwiitaaleliyeenini vitthu zoojiwa, maana mwinteela okholiwa jala. Olaanikha pu weenu mweeyo mwiriina furaha leelo eti, maana mwinteela ojiliza na olila.

Luuka 6:25 Mawu Ofanana

Luuka 12:20

“Ila Nluku khumuuza yoori: ‘Nlolo! Osikhu otthuupu ontta ofwa. Maali zawo paani anttelaaye osalana?’ ”

Luuka 13:28

“Mwinlawa mwamoone Eburahiima, Esiyaakha, Yaakhumpa na manapiyu ooshi ari muufwalume wa Nluku, ila mweeyo mwiikareliwe oje. Attaapho onlawa weeyevo olila na oluma meeno.

Luuka 6:24

“Ila olaanikha pu weenu mweeyo mwaamathaajiri, maana mwapokhera phantte yenu vathi attaapha.

Luuka 6:26

Olaanikha pu weenu mweeyo amana mwittottopeliwaka pi atthu ooshi, maana apaapa zaya aawaaretteliye etthiipo manapiyu oojipanka.

Luuka 8:53

Yo khusala antheya Yinsa mwaasa wa ojuwa yoori afwa.

Ayeefezu 5:4

Wala mwihisala mwipiya mwaasa wootakhala, mattakhuzi enu ahisala eeya ohifwayi ama oophuja epo zaya khiniweezani, mattakhuzi enu ana ya wiiya onshukhurwela Nluku.

1 Atizaloonika 5:3

Amana atthu alupa yoori: “Vitthu zooshi pi za wiitthaala na zoolipaneya,” otapanyeya onta woohirupazi, nkhama olwaaza wa ovokola wa muukha, na hatha vattitthiiru khanteela ovukha.

Tiyaaku 4:9

Mwihuzunikhe, mwijikhupanyise na mwilile, mwipatilise otheya khwa ojikhupanyisa, furaha khwa huzuni.

Othoonyeziwa 3:17

Mweeyo mwinri: ‘Nathaajiri, napattha maali na khanintakha hatha etthu.’ Ila khamwinjuwa yoori mwafukhara, mwa woohuzunikha na mwaasikhini, khamwinoona, na mwiri waazu.