Luuka 6:21 - Hapari Zooshapweya

²¹ Ooparikhiyiwa ti mweeyo enuukholaanini jala nasaapi, maana mwinlawa mwarupale. Ooparikhiyiwa ti mweeyo mwinlilaaye, maana mwinteela otheya.

Luuka 6:21 Mawu Ofanana

Mwanzo 17:17

Aphano Eburahiima khukokhora khusijiti, ila khusala ajitheyela nroho mwawe ajuuzelaka toono: “Nlume wa nyaakha miiya eeyane mwaana? Khi Suhura ariina nyaakha tiisiini ate ampatthe mwaana?”

Mwanzo 21:6

Suhura khuri: “Nluku akinkha otheya, na atthu ooshi apale anttelaaye osiila anttela otheya vamote na miiyo.

Matewuzhu 5:4

Ooparikhiyiwa pi apale anlilaaye, maana anteela ozurwiwa.

Matewuzhu 5:6

Ooparikhiyiwa pi apale ariina jala na nnyottha la shariya, maana anteela orupala.

Luuka 1:53

Aweetaaza vitthu zooshapweya apale ariina jala, na khuweekara mathaajiri makhono ru.

Luuka 6:20

Aphano Yinsa khulansa maasho khuweekesa anakhiyoni awe khuwooza yoori: “Ooparikhiyiwa ti mweeyo mwiiyiye asikhini, maana Ofwalume wa Nluku pu weenu.

Luuka 6:22

Ooparikhiyiwa ti mweeyo, amana atthu eephiiriwaka ti mweeyo, awiikarani, oottukhanani na khuwoonani ohifwayi mwaasa wonlotta Mwaana wa Pinaatamu.

Luuka 6:25

Olaanikha pu weenu mweeyo ziwiitaaleliyeenini vitthu zoojiwa, maana mwinteela okholiwa jala. Olaanikha pu weenu mweeyo mwiriina furaha leelo eti, maana mwinteela ojiliza na olila.

Yaahaya 11:35

Yinsa khulila.

Yaahaya 4:10

Yinsa khunjipu yoori: “Weeyo eriwaka waari ojuwa tthuvo ya Nluku na paani anuuvekelaaye maati, weeyo weetta onvekela na ye eetta owinkha maati ohaayi.”

Yaahaya 6:35

Aphano Yinsa khulupa yoori: “Miiyo ki phaawu ya ohaayi. Otule anikiteelaaye miiyo khinteela onkhola theenya jala na otule anikikhupalaaye miiyo khalinteela onkhola theenya nnyottha.

1 Akorintiyu 4:11

Mpakha nasaapi ti yanipattha jala, nnyottha na othowiwa ti kuwo, nintthanttiwa wootakhalavo, khanina nyuupa khaamili,

2 Akorintiyu 11:27

Kaakholiye khaazi yoolipa. Swaafu za waatta woohilali, wookholiwa ti jala na nnyottha na swaafu za waatta yaari okisaleela nyuupa, etthu yoojiwa na kuwo.

2 Akorintiyu 12:10

Tiito khwa pheta ya Al-Masiihu, kinfurahi muutteettheya mwaka, muuttukhaniwa, ntafwawuthi, muulupatthiwa na muuthunku. Amana kiiya woottettheya ti kiniiyaaye wookhomaala.

2 Akorintiyu 6:10

ohuzunikhisiwa, ila niri ofurahi wakhula wakathi; asikhini, ila niwaarelisaka atthu awaatta; ohiina etthu, ila zooshi nipatthaka.

Tiyaaku 1:12

Wooparikhiyiwa ntthu otule anvilelaaye nwootootiwa, maana paata ya oshintta ompwekhera jarata ya ohaayi, etile Nluku awaahitiyeeyo apale animphetaaye.

Othoonyeziwa 21:3

Khusiila huula yookhomaala yaari olankhaaye va khukulu eraka: “Nasaapi heema ttakatthiifu ya Nluku ena anaatamu, ethiito Nluku anttelaaye wiikhalaamo na yo. Anttela wiiya atthu awe, na Nluku mweenyeweene onttela wiiya vamote na yo na onttela wiiya Nluku aya.

Othoonyeziwa 7:16

Yo khanteela wiiyana theenya jala, wala nnyottha. Khalinteela owaantipu njuwa, wala haari khinteela owaahukhumu,